Revised Kalenjin Bible (KAPR)
6

Lawi

61Weeriigap Lawi ko ki: Gerson, Kohat, ak Merari. 2Weeriigap Kohat ko ki: Amram, Itshar, Hebron ak Uzziel. 3Lagogap Amram ko ki: Aron, Musa ak Miriam. Weeriigap Aron ko ki: Nadap, Abiu, Eleazar ak Ithamar.

4Ki sich `Eleazar Phineas, ki sich `Phineas Abisua, 5ki sich `Abisua Buki, ki sich `Buki Usi, 6ki sich `Usi Seraiah, ak ki sich `Seraiah Meraiot, 7ki sich `Meraiot Amariah, ak ki sich `Amariah Ahitub, 8ki sich `Ahitub Zadok, ak ki sich `Zadok Ahimaaz, 9ki sich `Ahimaaz Azariah, ak ki sich `Azariah Johanan, 10ki sich `Johanan Azariah (ineendet ne kiyaei tisiisyet eng' koot ne ki teech Solomon eng' Jerusalem), 11ki sich `Azariah Amariah, ki sich `Amariah Ahitub, 12ki sich `Ahitub Zadok, ki sich `Zadok Shallum, 13ki sich `Shallum Hilkiah, ki sich `Hilkiah Azariah, 14ki sich `Azariah Seraiah, ak ki sich `Seraiah Jehosadak. 15Ki kiluul Jehosadak, ye ki igoochi Kamuktaindet ne Toroor Nebukadnezar koluul Judah ak Jerusalem.

Tyeniik

16

6.16-19:
Kom 6.15-19
Weeriigap Lawi ko ki: Gershom, Kohat ak Merari. 17Chu kainaigap weeriigap Gerson: Libni ak Shimei. 18Weeriigap Kohat ko ki: Amram, Itshar, Hebron ak Uzziel. 19Weeriigap Merari ko ki: Mali ak Musi. Chu ortinwegap Lawiik kobee kooriigap kwanisyekwak. 20Che po Gershom: Libni weeriinnyi, Jahat weeriinnyi, Zimmah weeriinnyi, 21Joah weeriinnyi, Ido weeriinnyi, Zerah weeriinnyi, Jeaterai weeriinnyi.

22Weeriigap Kohat ko ki: Aminadab weeriinnyi, Kora weeriinnyi, Asir weeriinnyi, 23Elkanah weeriinnyi, Ebiasap weeriinnyi, Asir weeriinnyi, 24Tahat weeriinnyi, Uriel weeriinnyi, Uzziah weeriinnyi, ak Shaul weeriinnyi. 25Weeriigap Elkanah ko ki: Amashai ak Aimot.

26Elkanah, weeriigap Elkanah ko ki: Sopai weeriinnyi, Nahath weeriinnyi, 27Eliap weeriinnyi, Jeroham weeriinnyi, Elkanah weeriinnyi. 28Weeriigap Samuel ko ki: taita ko Joel, ne po aeng' ko Abijah.

29Weeriigap Merari ko ki: Mali, Libni weeriinnyi, Shimei weeriinnyi, Uzzah weeriinnyi, 30Simea weeriinnyi, Hagia weeriinnyi, Asaiah weeriinnyi.

Piik che kityeni eng' Hekaluut

31Chu ko che ki inde Daudi kondochi poisyetap tyenwogik eng' kootap Kamuktaindet ne Toroor, ye kingo kagomuuny moinget. 32Kibois eng' tyenwogik eng' taitap hekaluutap emait ne kituiyechin, kot koteech Solomon kootap Kamuktaindet ne Toroor eng' Jerusalem. Kitononjin poisyennywa ko uu teteet ne kiga kitet. 33Chu ko icheek che kiboisyei, kobooto weeriikwak. Che po weeriigap Kohatik: Herman tyeniindet, weeriitap Joel, weeriitap Samuel, 34weeriitap Elkanah, weeriitap Jeroham, weeriitap Eliel, weeriitap Toa, 35weeriitap Suph, weeriitap Elkanah, weeriitap Mahath, weeriitap Amasai, 36weeriitap Elkanah, weeriitap Joel, weeriitap Azariah, weeriitap Zephaniah, 37weeriitap Tahat, weeriitap Asir, weeriitap Ebiasap, weeriitap Kora, 38weeriitap Itshar, weeriitap Kohat, weeriitap Lawi, weeriitap Israel.

39Kobooto ng'eetap kamennyi Asaph, ne kitonone komostap eunnyi ne po tai, ineendet Asaph weeriitap Berekiah, weeriitap Simea, 40weeriitap Mikael, weeriitap Baaseia, weeriitap Malkija, 41weeriitap Etni, weeriitap Zerah, weeriitap Adaiah, 42weeriitap Ethan, weeriitap Zimmah, weeriitap Shimei, 43weeriitap Jahat, weeriitap Gershom, weeriitap Lawi.

44Ak kimi komostap murot kaataam, tupchosyekwak weeriigap Merari: Ethan weeriitap Kisi, weeriitap Abdi, weeriitap Maluk, 45weeriitap Hasabia, weeriitap Amasia, weeriitap Hilkiah, 46weeriitap Amsi, weeriitap Bani, weeriitap Semer, 47weeriitap Mali, weeriitap Musi, weeriitap Merari, weeriitap Lawi.

48Ki kinde tupchosyekwak Lawiik koyai poisyet tugul ne po hekaluutap kootap Kamuktaindet.

Weeriigap Aron

49Ago ki igoitoi Aron ak weeriikyik kagoochinet eng' kaptisisyetap kagoochinet ne kibeelei, ak eng' kapkorosutap nyamdutik, agobo poisyet tugul ne po ole-tiliil miising', koyaei kagaigaet agobo Israel, ko uu tugul che kiga ng'at Musa otwogindetap Kamuktaindet. 50Chu ko weeriigap Aron: Eleazar weeriinnyi, Phineas weeriinnyi, Abisua weeriinnyi, 51Buki weeriinnyi, Usi weeriinnyi, Seraiah weeriinnyi, 52Meraiot weeriinnyi, Amariah weeriinnyi, Ahitub weeriinnyi, 53Zadok weeriinnyi, Ahimaaz weeriinnyi.

54Chu ko komoswekwak che ki menyei ko uu ole kiga teekta eng' kiwotosyekwak. Ki kigoochi weeriigap Aron che po ortinwegap Kohatik, amu ki nenywa parbaryat ne po tai, 55ki igoochi Hebron eng' emetap Judah, kobooto emotinwekyik che kiyagisye che kigayiem olooto. 56Ago ki igoochi Kaleb weeriitap Jepune mbareenigap nganaseet ak nganasookyik che mengeechen. 57Ki igoochi weeriigap Aron nganasook che kimwechin, Hebron; kobooto Libna ak emotinwekyik che kiyagisye, Jatir, Estemoa, 58Ileen ak Debir ak emotinwekyik che kiyagisye, 59Asan ak Beth-shemesh ak emotinwekyik che kiyagisye. 60Ak ki igoochi eng' che po pororyetap Benjamin: Geba ak emotinwekyik che kiyagisye, ak Alemet ak emotinwekyik che kiyagisye, ak Anatoth ak emotinwekyik che kiyagisye. Ki ek nganasookwak tugul eng' ortinwekwak tugul nganasook taman ak somok. 61Ki kigoochi eng' parbaryat che ki ng'et eng' weeriigap Kohat nganasook taman, eng' ooreet ne po pororyet, kebebertap Manasseh.

62Ki kigoochi weeriigap Gershom nganasook taman ak somok ko uu ortinwekwak, eng' pororyetap Issakar, eng' pororyetap Asher, eng' pororyetap Naphtali ak eng' pororyetap Manasseh eng' Bashan. 63Ki kigoochi weeriigap Merari nganasook taman ak aeng' eng' parbaryat, ko uu ortinwekwak eng' pororyetap Reuben, eng' pororyetap Gad ak eng' pororyetap Zebulun. 64Ki igoochi piigap Israel Lawiik nganasochooto kobooto emotinwekwak che kiyagisye. 65Ki igoochi eng' parbaryat eng' pororyetap lagogap Judah, eng' pororyetap lagogap Simion ak eng' pororyetap lagogap Benjamin, nganasochu kagemwa kainaikwak.

66Ki tinyei alak eng' ortinwegap weeriigap Kohat nganasook che po kiwotosyekwak eng' pororyetap Ephraim. 67Ki igoochi icheek nganasook che kimwechin, Shekem eng' emetap tuloonook ne po Ephraim kobooto emotinwekyik che kiyagisye, Gezer agine kobooto emotinwekyik che kiyagisye, 68Jokmeam kobooto emotinwekyik che kiyagisye, Beth-horon ak emotinwekyik che kiyagisye; 69Aijalon ak emotinwekyik che kiyagisye ak Gatrimon ak emotinwekyik che kiyagisye. 70Ki igoochi eng' kebebertap pororyetap Manasseh; Aner kobooto emotinwekyik che kiyagisye ak Bileam ak emotinwekyik che kiyagisye, kobunji che kang'et eng' ooreetap weeriigap Kohat.

71Ki kigoochi weeriigap Gershom, eng' ooreetap kebebertap pororyetap Manasseh, Golan eng' Bashan kobooto emotinwekyik che kiyagisye ak Astarot kobooto emotinwekyik che kiyagisye. 72Eng' pororyetap Issakar koginyoor Kedesh kobooto emotinwekyik che kiyagisye, Daberat kobooto emotinwekyik che kiyagisye, 73Ramot kobooto emotinwekyik che kiyagisye, ak Anem kobooto emotinwekyik che kiyagisye. 74Eng' pororyetap Aser ko ki kigoochi: Masal kobooto emotinwekyik che kiyagisye, ak Abdon kobooto emotinwekyik che kiyagisye, 75Hukok kobooto emotinwekyik che kiyagisye, ak Rehob kobooto emotinwekyik che kiyagisye. 76Eng' pororyetap Naptali ko ki kigoochi: Kedesh eng' Galilaya kobooto emotinwekyik che kiyagisye, Hamon kobooto emotinwekyik che kiyagisye ak Kiriataim kobooto emotinwekyik che kiyagisye. 77Ki kigoochi che kang'et eng' Lawiik, weeriigap Merari, eng' pororyetap Zebulun, Rimono kobooto emotinwekyik che kiyagisye, Tabor kobooto emotinwekyik che kiyagisye. 78Ki kigoochi icheek pitoniin eng' Jordan, eng' Jeriko, eng' komostap kong'asiis ne po Jordan, eng' pororyetap Reuben, Beser eng' surkwen kobooto emotinwekyik che kiyagisye, Jasa kobooto emotinwekyik che kiyagisye, 79Kedemot kobooto emotinwekyik che kiyagisye, ak Mepaat kobooto emotinwekyik che kiyagisye. 80Eng' pororyetap Gad koginyoor: Ramot eng' Gilead kobooto emotinwekyik che kiyagisye, Mahanaim kobooto emotinwekyik che kiyagisye, 81Hesbon kobooto emotinwekyik che kiyagisye ak Jaser kobooto emotinwekyik che kiyagisye.

7

Issakar

71Weeriigap Issakar ko ki: Tola, Pua, Jasub ak Simron, ang'wan tugul.

2Chu weeriigap Tola: Usi, Repaiah, Jeriel, Jamai, Ibsam ak Semuel, kandoigap kooriigap kwanisyekwak, che po Tola; piik che ki kiimeen che nyigoonen eng' ibinwekwak. Ki ek koiitennywa eng' peetuusyegap Daudi eliphuusyek tiptem ak aeng' ak pogol lo.

3Weeriitap Usi ko ki: Israia. Weeriigap Israia ko ki: Mikael, Obadiah, Joel ak Isia. Ki piik muut tugul ak ko pounik. 4Ki mi kobooto icheek, kweanaigap lugoosyek che kiyaei lugeet, eng' ibinwekwak, ko uu kooriigap kwanisyekwak, piik eliphuusyek sosom ak lo, amu ki tinyei kwonyiik ak weeriik che chaang'.

5Kitupchosyekwak, eng' ortinwek tugul che po Issakar, piik che ki kiimeen, che nyigoonen, che kiga kiit eng' tetuutigap ibinwekwak tugul che ki kosiirto, ko ki eliphuusyek tamanwogik sisiit ak tisap.

Benjamin

6Weeriigap Benjamin ko ki: Bela, Beker ak Jediael, piik somok. 7Chu weeriigap Bela: Esbon, Usi, Uzziel, Jerimoth, ak Iri, piik muut. Ki kandoigap kooriigap kwanisyekwak, piik che kiimeen, che nyigoonen. Ki kiit eng' tetuutigap ibinwekwak che ki kosiirto, koek icheek eliphuusyek tiptem ak aeng' ak sosom ak ang'wan.

8Weeriigap Beker ko ki: Semira, Joash, Elieser, Elioenai, Omri, Jeremot, Abijah, Anatoth ak Alemet. Chuuto tugul ko ki weeriigap Beker. 9Ki kiit ko uu tetuutigap ibinwekwak che ki kosiirto, kobee ibinwekwak, kandoigap kooriigap kwanisyekwak, piik che kiimeen che nyigoonen, ak ki ek tugul eliphuusyek tiptem ak pogol aeng'.

10Weeriitap Jediael ko ki: Bilan. Weeriigap Bilan ko ki: Jeush, Benjamin, Ehud, Kenaana, Sethan, Tarsis ak Aisaar. 11Chuuto tugul ko ki weeriigap Jediael, ko uu kandoigap kooriigap kwanisyekwak, piik che kiimeen che nyigoonen, eliphuusyek taman ak tisap ak pogol aeng', piigap pooryeet che ki imuuchi koba lugeet. 12Supim agine ak Hupim ko weeriigap Ir, ak Husim ko weeriigap Aher.

13Weeriigap Naphtali ko ki: Jasyel, Guni, Jeser ak Shallum, weeriigap Bila. 14Weeriigap Manasseh ko ki: Asriel, ne kisichei kwondonyi chebaigeiyandennyi.Ki sich `Chebaramindet Makir ne ki kwandap Gilead. 15Ak ki cheeng'ji Makir osotik koyop Hupim ak Supim. Ki kiguure chepkamennywa Maaka. Ak kainetap ne po aeng' ko ki Zelophehad: ak ki sich tiibiik icheegei.

16Ki sich weeriit Maaka kwondap Makir, ak koguuree kainennyi Peres. Ki kiguure ng'eetap kamet Seres, ak weeriikyik ko ki Ulam ak Rakem. 17Weeriitap Ulam ko ki: Bedan. Chuuto ko ki weeriigap Gilead weeriitap Makir, weeriitap Manasseh. 18Ki sich `chepkamennyi Hamoleket Isod, Abiezer ak Mahlah. 19Weeriigap Shemida ko ki: Aian, Shekem, Liki ak Aniam.

Ephraim

20Chu weeriigap Ephraim: Sutela, Bered weeriinnyi, Tahat weeriinnyi, Eleada weeriinnyi, Tahat weeriinnyi, 21Sabad weeriinnyi, Sutela weeriinnyi, Eser ak Elead, che ki par piigap Gath che ki kisikyi emonooto, amu, ki pwa korek kobar tuukwak. 22Ki riir Ephraim kwandanywa peetuusyek che chaang', ak ki pwa tupchosyekyik kogaigai ineendet. 23Ki ituiyogei ak osotyonnyi kogeny, ak ki manach ak kosich weeriit. Kiguure kainennyi Beriah, amu ki piit kiy ne ya eng' koonnyi.

24Ki kiguure cheptonyi Seera, ne kiga teech Beth-horon ne rektoot ak ne po meto, ak Usen-seera. 25Ki weeriinnyi Repa, ak Resep, ak Tela weeriinnyi, ak Tahan weeriinnyi, 26Ladan weeriinnyi, Amihud weeriinnyi, Elisama weeriinnyi, 27Nun weeriinnyi, Joshua weeriinnyi.

28Tuguukwak, komoswekwak che ki menyei, ko ki Bethel ak nganasookyik, komostap kong'asiis Naaran, komostap cherongo Gezer, kobooto nganasookwak; Shekem agine kobooto nganasookyik, agoi Ayya ak nganasookyik. 29Ye neegitee kiwotisyegap lagogap Manasseh ko Beth-shean ak nganasookyik, Taanak ak nganasookyik, Megiddo ak nganasookyik, Dor ak nganasookyik. Ki menyei chuuto lagogap Joseph weeriitap Israel.

Asher

30Weeriigap Asher ko ki: Imnah, Isba, Isbi, ak Beriah. Zerah ko ki chepkamennywa. 31Weeriigap Beriah ko ki: Heber ak Malkiel, ne ki kwandap Birsait. 32Ki sich `Heber Japlet, Somer, Hotam, ak Sua chepkamennywa. 33Weeriigap Japlet ko ki: Pasak, Bimal ak Asba. Chuuto ko ki weeriigap Japlet. 34Weeriigap Semer ko ki: Ahi, Roga, Jeuba, ak Aram. 35Weeriigap Helam ng'eetap kamet ko ki: Sopa, Imnah, Seles ak Amal. 36Weeriigap Sopa ko ki: Sua, Harneper, Shual, Beri, ak Imra, 37Beser, Hod, Shammah, Silsa, Itran, ak Beera. 38Weeriigap Jeter ko ki: Jepune, Pispa ak Ara. 39Weeriigap Ula ko ki: Ara, Haniel, ak Risia. 40Chuuto tugul ko ki lagogap Asher, kandoigap kooriigap kwanisyekwak, piik che ki kilewen, che kiimeen che nyigoonen, che eecheen eng' pounik. Ak koitetap icheek che ki kiit kobee tetuutigap ibinwekwak che ki kosiirto si koyai lugeet, ko ki piik eliphuusyek tiptem ak lo.

8

Ooreetap Benjamin

81Ki sich `Benjamin Bela taaitanyi, ne po aeng' ko Asbel, ne po somok ko Ahara, 2ne po ang'wan ko Noha ak ne po muut ko Rapa.

3Ki sich `Bela weeriik; Adar, Gera ak Abiud, 4Abisua, Naaman, Ahoa, 5Gera, Sepupan ak Huram. 6Chu ko weeriigap Ehud; chu ko kandoigap kooriigap kwanisyek che po che ki menyei Geba, ak kiluul icheek koba Manahat: 7Naaman, Ahija, ak Gera nooto sigiindetap Uzzah ak Aihud. 8Ki sich `Saaraim lagok eng' emetap Moab, ye kingo kagoon kwonyiikyik Husim ak Baara. 9Kisige osotyonnyi Hodes, Jobap, Sibia, Mesha, Malkam, 10Jeush, Sakia ak Mirma. Chuuto ko ki weeriikyik, kandoigap kooriigap kwanisyek. 11Ak ki sigee `Husim Abitub ak Elpaal. 12Weeriigap Elpaal ko ki: Eber, Misam, ak Semed, ne ki teech Ono ak Lod, kobooto nganasookwak.

Ooreetap Benjamin che ki menyei Aijalon

13Beriah ak Shema, che ki kandoigap kooriigap kwanisyek che po piik che ki menyei Aijalon, che ki oon piik che ki menyei Gath. 14Ahio, Sasak, Jeremot, 15Sebadia, Arad, Eder, 16Mikael, Ispa ak Joha, ko ki weeriigap Beriah. 17Sebadia, Mesulam, Hiski, Heber, 18Ismerai, Islia ak Jobap, ko ki weeriigap Elpaal. 19Jakim, Zikri, Sabdi, 20Elienai, Siletai, Eliel, 21Adaiah, Beraia ak Simrat ko ki weeriigap Shimei. 22Ispan, Eber, Eliel, 23Abdon, Zikri, Hanan, 24Hananiah, Elam, Anthothia, 25Ipdeia ak Penuel ko ki weeriigap Sasak. 26Samserai, Searia, Athaliah, 27Jaaresia, Elijah ak Zikri ko ki weeriigap Jeroham. 28Chuuto ko ki kandoigap kooriigap kwanisyek eng' ibinwekwak, piik che eecheen, ak ki menye icheek Jerusalem.

Che ki menyei Jerusalem

29Ki menyei Gibeon kwandap Gibeon, Jeiel, ne ki kainetap kwondonyi ko ki Maaka, 30taaitanyi ko ki Abdon, korup Sur, Kish, Baal, Nadap, 31Gedor, Ahio ak Seker. 32Ak ki sich `Miklot Simea. Ak ki menyei ak icheek ak tupchosyekwak Jerusalem, kotokyindos ak tupchosyekwak.

Saulo ak piigap koonnyi

33Ki sich `Ner Kish, ki sich `Kish Saulo, ak ki sich `Saulo Jonathan, Malki-sua, Abinadab, ak Esbaal. 34Weeriitap Jonathan ko ki Meri-baal, ak ki sich `Meri-baal Mikah. 35Weeriigap Mikah ko ki: Piton, Melek, Tatea ak Ahaz. 36Ki sich `Ahaz Jehoada, ki sich `Jehoada Alemet, Asmabet, ak Shimri, ak ki sich `Shimri Motsa. 37Ki sich `Motsa Benea; Rapa ko ki weeriinnyi, Eleasa weeriinnyi, ak Asel weeriinnyi. 38Ki sich `Asel weeriik lo, che kainaikwak ko chu: Asrikam, Bokeru, Ishmael, Searia, Obadiah ak Hanan. Chuuto tugul ko ki weeriigap Asel. 39Weeriigap Esek ng'et kamet ko ki: Ulam taaitanyi, ne po aeng' ko ki Jeush ak ne po somok ko ki Eliphelet. 40Weeriigap Ulam ko ki piik che kiimeen che nyigoonen ak ki mwogik. Ki tinyei weeriik che chaang', ak weeriigap weeriik, tugul ko ki pogol ak konom. Chuuto tugul ko ki po weeriigap Benjamin.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]