Revised Kalenjin Bible (KAPR)
3

Chamanigap Kamuktaindet

31

3.1:
Jhn 1.12
Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet. 2Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet. 3Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.

4Chii age tugul ne yaei tengek koyaei pistoet: amu tengekto ko pistoet. 5

3.5:
Jhn 1.29
Ak ongen ole ki king'aany ineendet si kobiit koip tengekwogik; ama mi tengek eng' ineendet. 6Chii age tugul ne menyei ineendet koma yaei tengek: ak chii age tugul ne yaei tengek ko tomo kogeer ineendet, ama ingen ineendet. 7Lagochu mengech, among' kobeetook chii: ineendet ne yaei imanda ko po imanda ko uu ye po imanda ineendet: 8ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.

9Chii age tugul ne kigesich eng' Kamuktaindet koma yaei tengek, amu tebyei keswondennyi eng' ineendet: amaimuuchi koyai tengek, amu ki kisich eng' Kamuktaindet. 10Ng'ang'aksei lagogap Kamuktaindet eng' niito, ak lagogap chesawil: chii age tugul ne ma yaei imanda koma po Kamuktaindet, anan ineendet ne ma chamei ne tupcho.

Chamyetap Tupchosyek

11

3.11:
Jhn 13.34
Amu ni ng'olyoot ne ki ogas kobooch taunet, keele kechamye acheegei eng' acheegei. 12
3.12:
Tau 4.8
Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

13Amokwong'ye che kitupche, ngot kowechok ng'wony. 14

3.14:
Jhn 5.24
Kingen keele kigemang'une meet kemong'ji saboondo, amu ki chame che kitupche. Ineendet ne ma chamei komenyei meet. 15Chii age tugul ne wechei ne tupcho ko rumin: ak ongen ole ma mi rumin ne tinyei saboondap koigeny ne menyei eng' ineendet. 16Kingen eng' niito chamyet, amu ki igoito saboondanyi agobo acheek: ak kanyool kigoite saboonwekyok agobo che kitupche. 17Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet? 18Lagochu mengech, among' kecham eng' ng'olyoot, anan eng' ng'elyepta; ago eng' poisyet ak imanit.

Nyiganatennyo eng' taitap Kamuktaindet

19Kinae eng' niito keele ki po imanit, ak kigoigoi mugulelwekyok eng' tainnyi, 20eng' kiy tugul ne irwogunenech mugulelwekyok; amu oo Kamuktaindet kosiir mugulelwekyok, ak kongen tuguuk tugul. 21Chamanichu, ngot koma irwokwech mugulelwekyok ketinye nyiganateet eng' taitap Kamuktaindet; 22ak kiy age tugul ne kisoome, kenyooru eng' ineendet, amu kiriibe ng'atuutikyik, ak keyae tuguuk che chamaksei eng' tainnyi. 23

3.23:
Jhn 13.34; 15.12,17
Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet. 24Ak ineendet ne riibei ng'atuutikyik komenyei eng' ineendet ak ineendet eng' inee. Ak kingen eng' niito keele menyech ineendet, eng' Kabuuset ne Tiliil ne ki kogoonech.

4

Tyemetap maotik

41Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech. 2Ongen eng' ni Kabuusetap Kamuktaindet. Ng'aang'et age tugul ne ng'aanyei kole ki nyo Jeso Kristo eng' poorto ko punu Kamuktaindet: 3ak ng'aang'et age tugul ne ma ng'aanyei kole Jeso, ko ma punu Kamuktaindet. Ak niito anyun ko kirindoindetap Kristo, ne ki ogas keele nyoonei; ak nguno komiitei ng'wony.

4Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony. 5Po ng'wony icheeget, amu nooto anyun kong'alaali che po ng'wony, ak kogasei ng'wony `icheek. 6Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

Kamuktaindet ko Chamyet

7Chamanichu, ongechamye: amu chamyet ko po Kamuktaindet; ak age tugul ne tinyei chamyet ko ki kosich Kamuktaindet, ak kongen Kamuktaindet. 8Ineendet ne ma tinyei chamyet koma ingen Kamuktaindet; amu Kamuktaindet ko chamyet. 9Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet. 10Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

11Chamanichu, amu ki chamech Kamuktaindet ko uu ni, konyaaljinech agacheek kechamye. 12

4.12:
Jhn 1.18
Ma mi chii ne ki kogeer Kamuktaindet ole kigoi; ngot kechamdosi, komenyech Kamuktaindet, ak keyaei chamyennyi koek ne ititaat eng' acheek: 13kingen eng' niito keele kimenye eng' ineendet ak komenyech ineendet, amu ki kogoonech keyamde kobun Kabuusennyi ne Tiliil. 14Ak ki kegeer ak kebaoryani keele ki iyook `Kwanda Weeriit konyo koek Yetindetap ng'wony. 15Age tugul ne ng'aanyei kole Jeso ko Weeriitap Kamuktaindet, komenyei Kamuktaindet eng' ineendet ak komenyei ineendet Kamuktaindet. 16Ak kingen ak ki kiyan chamyet ne ting'enech Kamuktaindet; Kamuktaindet ko chamyet; ineendet ne menyei chamyet komenyei Kamuktaindet, ak komenyei `Kamuktaindet ineendet. 17Kigeyai chamyet koek ne ititaat eng' acheek, si kobiit kesich nyiganateet eng' peetuutap kirwooget; amu ko uu ole uu ineendet, keu nooto acheek eng' ng'wonyuni. 18Ma mi kaiyweisyet eng' chamyet: ago oonei chamyet ne ititaat kaiyweisyet, amu tinyei kaiyweisyet kergong'yet; ak ineendet ne iyweisyei koma kiyaei koek ne ititaat eng' chamyet.

19Kichame, amu kisip kochamech ineendet. 20Ngot komwa chii kole, “Achame Kamuktaindet,” ago wechei ne tupcho, ko kiplembechwa: amu ineendet ne ma chamei ne tupcho ne ki kogeer, koma imuuchi kocham Kamuktaindet ne tomo kogeer. 21Ki tinyei anyun ng'atuutyoni punu ineendet, keele ineendet ne chamei Kamuktaindet, ko ingocham ne tupcho agine.

5

Kayaneet eng' Weeriitap Kamuktaindet

51Age tugul ne iyani kole Jeso ko Kristo kogigesich eng' Kamuktaindet: ak age tugul ne chamei ineendet ne kisichei, kochamei agine ineendet ne ki kisichei eng' ineendet. 2Kingen eng' niito keele ki chame lagogap Kamuktaindet, ye ki chame Kamuktaindet, ak keyae ng'atuutikyik. 3

5.3:
Jhn 14.15
Amu ni chamyetap Kamuktaindet, ale keriip ng'atuutikyik: ama nyigiisen ng'atuutikyik. 4Amu age tugul ne kigesich eng' Kamuktaindet koterteeri ng'wony. Ak ni ko katerteeret ne iterteeri ng'wony, nooto kayanennyo. 5Ak ng'oo ineendet ne iterteeri ng'wony, kobatee ineendet ne iyani kole Jeso ko Weeriitap Kamuktaindet?

Paornateet agobo Weeriitap Kamuktaindet

6Ni ko ineendet ne ki nyo eng' peek ak korotiik, ineendet ko Jeso Kristo; ma nyo eng' peek icheegei, ki nyo eng' peek ak korotiik. 7Amu mi somogu che paoryani: 8Kabuuset Tiliil, ak peek, ak korotiik; ak iyanjindos chooto somogu kibagenge. 9Ngot ketaache paornateetap piik, ko oo paornateetap Kamuktaindet kosiir ne po piik: amu paornateetap Kamuktaindet ko ni, keele, ki kobaoryan agobo Weeriinnyi. 10Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi. 11

5.11:
Jhn 3.36
Ak paornatanooto ko ni, keele, ki koonech Kamuktaindet saboondap koigeny, ak mi sabooniito Weeriinnyi. 12Ineendet ne tinyei Weeriit kotinyei saboondo: ineendet ne ma tinyei Weeriitap Kamuktaindet koma tinyei saboondo.

Ng'aleek che po let

13Kasirwak tuguuchu, si kobiit onai ole otinye saboondap koigeny, okweek che oyani kainetap Weeriitap Kamuktaindet. 14Ak ni nyiganateet ne ketinye eng' ineendet, keele ngesoom kiy age tugul ko uu magennyi, kogaseech: 15ak ngot kingen keele kaseech eng' kiit age tugul ne kisoome, kingen keele ki tinyei tuguuk che kigesoom ineendet.

16Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.

17Kiy age tugul ne ma po imanda ko tengek: ak mi tengekto ne ma po meet.

18Kingen keele ma yaei tengekto chii age tugul ne kigesich eng' Kamuktaindet; ago ineendet ne kigesich eng' Kamuktaindet koriibei ineendet, ama twaei chiichooto ineendet ne ya.

19Kingen keele ki po Kamuktaindet acheek, ak miitei ng'wony komugul eng' pounatetap ineendet ne ya.

20Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

21Lagochu mengech, oistoegei kanamonik.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]