Revised Kalenjin Bible (KAPR)
3

Poisyet ne ki kiyooktoe Timoteo

31

3.1:
Poi 17.15
Nooto anyun ye kingo mata kimuuch kemuite, kibwaat keele myee kebagaaktech acheegei eng' Athens; 2ak kiyogu Timoteo, tupchennyo ak ko kiboityotap Kamuktaindet eng' logoiywek che myach che po Kristo, kogimitok, ak kogaigaak agobo kayaneng'wong'; 3si ma ing'eak chii age tugul eng' nyalilwogichuuto; amu ongen okweeget ole ki kilewenwech chooto. 4Amu iman, ki ngemi kobootok, kogisip kemwaiwok keele kinyooru usiisyet; ko uu ye ki kobiit, ak ongen ak okweek. 5Amu ng'olyoondoniito ye ki mata amuuch amuita, ayoogu kuut si kobiit anai kayaneng'wong', ale tama kogoyomak yoomindet, ak koek puch poisyennyo ne uui.

6

3.6:
Poi 18.5
Ago, ye kingo nyo Timoteo kobunu olong'wong', ak koibwech logoiywek che po poiboiyet che po kayaneng'wong' ak chamyet, ak otinye kabwaatet ne myee ne obwaatech kotugul, oting'enech emosto omache ogeerech, ko uu ye kimache agacheek kegeerok; 7amu ng'olyoondoniito anyun, tupchosyechu, ki kigaigaech eng' okweek eng' pichiindanyo tugul ak nyalildanyo amu kayaneng'wong': 8amu kisoptosi nguno, ngot olumdegei eng' Kiptaiyat. 9Amu kongoi nee ne kimuuchi kigoochi Kamuktaindet kogeny agobo okweek, amu poiboiyet tugul ne kiboiboitune ko amu okweek eng' taitap Kamuktaindet nenyo; 10kisaae miising' kemoi ak peet si kobiit kegeer togoochikwok, ak kigeesu nooto ne rartaat eng' kayaneng'wong'?

11Ingondochi anyun pandanyo kebwa oldang'wong', Kamuktaindet nenyo ak ko Kwanda ineendet ak Kiptaiyandennyo Jeso; 12ingogoonok Kiptaiyat otesage ak obaraitu eng' chamyet okweegei eng' okweegei, ak eng' piik tugul, agot ko uu acheek eng' okweek; 13si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

4

Sabeet ne ibaibai Kamuktaindet

41Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne. 2Amu ongen ng'atuutik che ki kigoonok acheek eng' Kiptaiyat Jeso. 3Amu niito mageetap Kamuktaindet, nooto katabaaneng'wong', si kobiit oistoegei sokseet. 4Si kobiit konai chii tugul eng' okweek komuuchkei, koriip poortanyi eng' tiliilindo ak teegisto, 5ma eng' mageet ne po kasetap myat, agot ko uu Pororyosyek che ma ingen Kamuktaindet; 6amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan. 7Amu ki ma kuurchech Kamuktaindet simdo, ago eng' tiliilindo. 8Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

9Ago ma nyolu kesirwak agobo chamyetap tupchosyek; amu oneetotin okweeget eng' Kamuktaindet si ochamye; 10amu oyae ko uu nooto iman eng' tupchosyek tugul che miitei Makedonia komugul. Ago kiteeiywok, tupchosyechu, keele obaraitu kosiir; 11ak oneetkei otebi eng' mutyonet, ak oyai poisyonikwok, ak oboisyee eunekwok, ko uu ye ki king'atak; 12si obendate ko uu ye nyolu eng' taitap icheek che mi saang', si mobanan kiy age tugul.

Nyonunetap Kiptaiyat

13Ago ma kimache anyun, che kitupche, oegu che mongen agobo icheeget che ruitos; keele amoaragense, ko uu piik alak che ma tinyei kamang'unet. 14Amu ngiyani keele kime Jeso ak kong'eet kogeny, ko uu nooto anyun eng' icheeget che ruitos eng' Jeso, imutu Kamuktaindet kobooto ineendet.

15

4.15-17:
1Kor 15.51-52
Amu kimwaiwok ni eng' ng'olyootap Kiptaiyat, keele acheek che kisoptosi, che king'etunotiin agoi nyonunetap Kiptaiyat, koma koi kindoe icheek che ki koruiyo. 16Amu choorugei Kiptaiyat ineendet eng' kipsengwet, kobooto tweguunet ne oo, ak kutitap malaikaiyat ne oo, ak iryageetap Kamuktaindet: ak isip kong'eetos che ki pek eng' Kristo: 17ak acheek anyun che kisoptosi, che king'etunotiin, keganabech kobooto icheek eng' poolik, ketuiye ak Kiptaiyat eng' soet: ak ketebi anyun kobooto Kiptaiyat koigeny. 18Nooto anyun ogaigaigei okweegei eng' ng'aleechuuto.

5

Nyonunetap Kiptaiyat ak riibetapkei

51Ma nyolu anyun kesirwak, che kitupche, agobo peetuusyek ak kenyiisyek. 2

5.2:
Mat 24.43; Luk 12.39; 2Pet 3.10
Amu ongen okweeget komyee ole nyoonei peetuutap Kiptaiyat ko uu choriin ne nyoonei kemoi. 3Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso. 4Ago okweek, tupchosyechu, koma mi eng' mesundeito, kot konyonjok peetuunooto ko uu choriin: 5amu okweek tugul ko oo weeriitap lapkeiyet, ak weeriitap peet: ma ki po kemoi, anan mesundeito; 6nooto anyun among' keruiye ko uu piik alak, ago ongeriipse ak keegu che riibegei. 7Amu icheeget che ruitos koruitos kemoi; ak icheeget che pogitos kobogitos kemoi. 8
5.8:
Isa 59.17; Eph 6.13-17
Ago ongeegu che kiriibegei, acheek che ke po peet, kilaachi karnetap tegeet ne po kayaneet ak chamyet; ak kuutweet, nooto ko kamang'unet ne po yetunet. 9Amu ki ma lewenjech Kamuktaindet nereeknateet, ago nyoorunetap yetunet eng' Kiptaiyandennyo Jeso Kristo, 10ne kimechech, si ngegosu anan ngeruitosi, kesaptosi kobooto ineendet. 11Nooto anyun ogaigaige okweegei eng' okweegei, oteechkei okweegei eng' okweegei, agot ko uu ye oyae ak okweek.

Katigonutik che terotin ak ng'aleek che po let

12Ago kisoomok, che kitupche, keele onai icheek che tinyei poisyet ne oo eng' kwenung'wong', ak che poiywok eng' Kiptaiyat, ak kotigoonok; 13ak ogonyit icheek miising' inne eng' chamyet agobo poisyennywa. Otebi eng' kaalyeet okweegei eng' okweegei.

14Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul. 15Ogeer si ma yaakyi chii age tugul chiito age yaityo eng' yaityo; ago osup nooto myee kotugul, chii age eng' age, ak eng' piik tugul.

16Oboiboitu peetuusyek tugul; 17osaae kotugul; 18omwae kongoi eng' tuguuk tugul: amu niito mageetap Kamuktaindet eng' Kristo Jeso eng' okweek.

19Amogirinde Kabuuset ne Tiliil; 20amosas maonatosyek; 21otyem tuguuk tugul; onam miising' nooto myee; 22oistoegei kiy age tugul ne ya.

23Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo. 24Ineendet ne kuurok ko ineendet ne kiyani, ne yaei nooto agine kosulda.

25Tupchosyechu, osaiywech.

26Ogat tupchosyek tugul eng' ng'ututet ne tiliil.

27Ayosyewok eng' Kiptaiyat ale kesomanji parwaani che kitupche tugul.

28Ingotebi myeeindap Kiptaiyandennyo Jeso Kristo kobootok.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]