Revised Kalenjin Bible (KAPR)
31

Keng'emei kapkorosusyegap kanamonik

311Kingo kagogeskei chuuto tugul, koba nganasoogap Judah Israel tugul che ki mi koba kobut tolochik, koep Aserik ak kobut komoswek che torooreen ak kapkorosusyek eng' Judah tugul ak Benjamin, eng' Ephraim ak Manasseh, kot kong'em kogees tugul. Ki week anyun lagok tugul che po Israel koba nganasookwak, kwo chii tugul ole mi tuguukyik.

2Kipchei Hezekiah riipsosyegap Tisiik ak Lawiik kobee riipsosyekwak, chii tugul ko uu poisyennyi, Tisiik ak Lawiik agobo kagoochinoik che kibeelei ak kagoochinoik che po kaalyeet, kootis eng' ormariichogap nganaseetap Kamuktaindet ne Toroor ak koweekta kongoi ak kolas. 3

31.3:
Kai 28.1-29.39
Ki ng'at laitoryat agine kebeberta ne po tuguukyik koek kagoochinoik che kibeelei, kagoochinoik che kibeelei karon ak koskoleny, kagoochinoik che kibeelei che po sabatoisyek, che po ye kaleel arawet, ak che po igoorwek che ki king'at, ko uu ye ki kisir eng' ng'atuutigap Kamuktaindet ne Toroor. 4
31.4-5:
Kai 18.12-13,21
Ki ng'at kogeny piik che ki menyei Jerusalem kogoito kebeberta ne punjin Tisiik ak Lawiik, si kobiit kogoochigei ng'atuutyetap Kamuktaindet ne Toroor. 5Ak kingo kasak ng'atuutyet eng' emet, kogoito piigap Israel eng' chaang'indo tongoanigap peek, che po divaik, mwanik, kumyat, ak che po rurateet tugul ne po emet; ak ki ip kebebertap taman ne po tuguuk tugul eng' chaang'indo. 6Ak ki ip ak icheek piigap Israel ak Judah che ki menyei nganasoogap Judah, kebebertap taman ne po eiik ak keechiirek, ak kebebertap taman ne po tuguuk tugul che itabaanatiin che kiga kigoochi Kamuktaindet ne Toroor Kamuktaindennywa, ak ki iyumat. 7Ki toi koyumat eng' arawetap somok, ak kogees eng' arawetap tisap. 8Kingo nyo Hezekiah ak pounik ak kogeer kayumanik, kolas Kamuktaindet ne Toroor ak piikyik Israel. 9Ki teebee anyun `Hezekiah Tisiik ak Lawiik agobo kayumanichooto. 10Ki wolji Azariah tisiindet ne oo ne po kootap Zadok koleenji, “Kobooch ngap kotoi piik koip kagoochinoik kobwa kootap Kamuktaindet ne Toroor, ko ki kiamisye koyamech ak ki kituch che chaang': amu ki koberuur `Kamuktaindet ne Toroor piikyik; ak che kong'et ko chu chaang'.” 11Ki ng'at anyun Hezekiah kechop kooriik che mengeechen eng' kootap Kamuktaindet ne Toroor; ak ki chop. 12Koip anyun kobwa ko eng' kayaneet, kagoochinoik, kebeberwegap taman ak tuguuk che itabaanatiin. Ki pounindet Konaniah Lawindet ne ki pou icheek, ak ki ne po aeng' Semei ng'eetap kamet. 13Ak Jehiel, Azaziah, Nahath, Asahel, Jerimoth, Josabad, Eliel, Ismachiah, Mahath, ak Benaiah, ko ki riibiik che ki indochin Konaniah ak Shimei ng'eetap kamet, ko uu ye ki ng'at Laitoryat Hezekiah, ak Azariah pounindetap kootap Kamuktaindet. 14Ki pou Kore weeriitap Imnah Lawindet, ne ki riibindetap kurgeet ne mi kong'asiis, kagoochinoigap chamyet che po Kamuktaindet, si kopcheita, kagoochinoigap Kamuktaindet ne Toroor che kinamjin parak, kobooto tuguuk che tiliileen miising'. 15Kirubei ineendet Eden, Miniamin, Jeshua, Semaiah, Amariah, ak Shekaneiah eng' nganasoogap tisiik, eng' poisyennywa ne ki kigoochi si kogoochi tupchosyekwak kobee riipsosyekwak, kogoochi che eecheen ak che mengech kogergeit, 16koma pooto icheek che ki kiit kobee tetuutigap ibinwek che ki kosiirto che po murenik, kobooch che po kenyiisyek somok ak che siirei, age tugul ne kiwendi kootap Kamuktaindet ne Toroor, ko uu ye yamegei ak poisyetap peetuut age tugul, eng' otisyennywa eng' poisyennywa, kobee riipsosyekwak. 17Ki kiyai koitet ne po tisiik ko uu kooriigap kwanisyekwak; chooto po Lawiik che po kenyiisyek tiptem ak che siirei ko uu poisyennywa, kobee riipsosyekwak. 18Ki kiit tisiik kobooto lagokwak che mengeechen, osotikwak, weeriikwak, ak tiibiikwak eng' tuiyet komugul kobee ibinwek che ki kosiirto; amu ki yai ne myee ye ki itabaanigei eng' poisyennywa. 19Ak uu nooto agine eng' weeriigap Aron, tisiik, che ki menyei mbareenigap emotinwek che kiyagisye che po nganasookwak, eng' nganaseet age tugul, piik ko uu kainaikwak koginyol kopchechi murenik tugul che po tisiik ak chii age tugul eng' che po Lawiik che ki kiit kobee tetuutigap ibinwek che ki kosiirto.

20Ki yai anyun ko uu nooto Hezekiah eng' Judah komugul; ki yai ne myee ak ne litit ak ne po iman eng' taitap Kamuktaindet ne Toroor Kamuktaindennyi. 21Ak eng' poisyet age tugul ne ki toi koyai eng' otisyetap kootap Kamuktaindet, ak eng' ko uu ng'atuutik ak eng' kayomisutik, kocheeng' Kamuktaindennyi, kogiyai eng' muguleldanyi komugul, ak kibor.

32

Kobookyin `Sennacherib Jerusalem

(2Lai 18:13-37; 19:14-19, 35-37; Isa 36:1-22; 37:8-38)

321Kingo pata tuguuchooto tugul ki yai Hezekiah eng' iman, konyo Sennacherib laitoryatap Assyria ak kochut Judah eng' kimnateet. Ki teech koyiem nganasook che ng'ootaatiin, kobwaati koleen konam kobunji. 2Kingo keer Hezekiah kole kagonyo Sennacherib, ak kobegechinot kobar Jerusalem, 3kong'alaaljiin ak pounikyik ak kiplugotinik che kiimeen agobo si koger peek eng' kondametusyek che ki mi saang'utap nganaseet; ak kitoret pichooto ineendet. 4Koyumgei anyun piik che chaang', ak koger kondametusyek tugul ak kereruut ne kirootei eng' kwenutap emet, kole, “Amu nee si kobwa laitorinigap Assyria, ak konyoor peek eng' chaang'indo?” 5Kibegeechi koteech irimeet tugul ne kiga kobutok ak ki teech teeksosyek che kooen eng' paragunnyi. Ki teech irimeet age ne tobonu saang'eng' ni Kai ak kogiimit Milo eng' nganaseetap Daudi, ak ki yai kariik ak long'onik che chaang'. 6Ki inde kiptainigap lugeet koboi piik, ak koyum icheek kobwa ole mi ineendet eng' ole paraa eng' ormariichetap nganaseet ak kocheer icheek koleenji, 7“Ogimegitu ak onyiganitu. Amoiyweisye anan otoptobense amu laitoryatap Assyria ak tuiyet tugul ne mi kobooto ineendet; amu mi ne oo kobootech kosiir ne mi ak ineendet. 8Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah. 9Kingo pata niito, ye kimi Sennacherib laitoryatap Assyria ole neegitee Lakish kobooto lugeennyi tugul koyookto otwogikyik koba Jerusalem, kap Hezekiah laitoryatap Judah ak kap Judah tugul che ki mi Jerusalem, koleenji, 10“Kamwa ko uu ni Sennacherib laitoryatap Assyria kole: Omang'u nee, ngo tebyei ak ogeere ko kageyiemak eng' Jerusalem? 11Ye mwaei Hezekiah kole, ‘Sarwech Kamuktaindet ne Toroor, Kamuktaindennyo eng' eutap laitoryatap Assyria,’ ko igoigook iman ineendet si kogoitook obegu eng' rubeet ak melelda. 12Tos ma Hezekiah niito ne ki isto komoswek che torooreen ak kapkorosusyekyik, ak kong'atei Judah ak Jerusalem koleenjin, ‘Osae eng' kapkorosuut agenge, ak obeel nyamdutik eng' yooto?’ 13Tos mongen kiit ne ki kiyachi anee ak kwanisyekyuk pororyosyek tugul che po emotinwek? Tos ki imuuchi kamuktaigap pororyosyek che po emotinwek kosar emennywa eng' oor age tugul eng' eunnyu? 14Ng'oo eng' kamuktaik tugul che po pororyosyechooto che ki par kwanisyekyuk kogees ne ki imuuch kosar piikyik eng' eunnyu, kot ole imuuchi Kamuktaindeng'wong' kosarwok eng' eunnyu? 15Nooto anyun among' koberberak Hezekiah anan kogaigaak eng' oor ne uu ni. Matoyan ineendet amu ma mi kamuktain ne po poror age tugul, anan laitornatet age tugul ne ki imuuch kosar piikyik eng' eunnyu anan eng' eunegap kwanisyekyuk. Tos imuktoi ano anyun kamuktaindeng'wong' kosarwok eng' eunnyu?”

16Ki tes otwogikyik kong'alaal che yaach agobo Kamuktaindet ne po Toroornatet ak otwogindennyi Hezekiah. 17Ki sir kogeny paronok kole kochurachur Kamuktaindet ne Toroor, Kamuktaindetap Israel, ak komwa che yaach agobo ineendet, kole, “Ko uu ye ma sar kamuktaigap pororyosyegap emotinwek piikwak eng' eunnyu, koma saru agine Kamuktaindetap Hezekiah piikyik eng' eunnyu.” 18Kiwaage pichooto piigap Jerusalem che ki mi irimeet parak eng' waagaat ne oo, eng' kutitap Yahudik, kole komu icheek ak koim tamangap koaragenso, si komuuch konam nganaseet. 19Ki ng'alaal agobo Kamuktaindetap Jerusalem koyanie kanamonigap piik che po ng'wony, che poisyonigap eunegap piik.

20Ki sa Laitoryat Hezekiah ak maotyot Isaiah weeriitap Amos koriirchi kipsengwet agobo niito. 21Ak ki iyookto `Kamuktaindet ne Toroor malaikaiyat ne ki par murenik tugul che kiimeen che nyigoonen ak kandoik ak kiptainik eng' nganaseet ne po laitoryatap Assyria. Ki week anyun ineendet eng' kalilanet kwo emennyi. Kingo it kootap kanamwennyi, kobar lagokyik ineendet eng' yooto eng' rotwetap chok. 22Ki sar anyun `Kamuktaindet ne Toroor Hezekiah ak piik che ki menyei Jerusalem, eng' eutap Sennacherib laitoryatap Assyria ak eng' eunegap puunikyik tugul, ak koriip icheek eng' komosta age tugul. 23Ki ipchi piik che chaang' Kamuktaindet ne Toroor kagoochinoik kobwa Jerusalem, ak ki ipchi Hezekiah laitoryatap Judah tuguuk che po kamanuutyet, kot kotoroorok ineendet eng' pororyosyek tugul kobooch peetuunooto agoi.

Miondap Hezekiah

(2Lai 20:1-3, 12-19; Isa 38:1-3; 39:1-8)

24Kimyan Hezekiah eng' peetuusyechooto ak ki neegit kome. Ki sa `ineendet Kamuktaindet ne Toroor, ak ki wolji ineendet ak kogoochi kaboorunet. 25Ago ma yai Hezekiah ko uu ye kiga kiyachi ne myee; amu kiimeen. Ki nyoonji anyun nereeknateet ineendet ak Judah ak Jerusalem. 26Ago ki iming'ingei Hezekiah kometo menoteetap muguleldanyi, ineendet ak piik che ki menyei Jerusalem, ak ki ma nyoonji nereegegap Kamuktaindet ne Toroor icheek eng' peetuusyegap Hezekiah.

Poroteetap Hezekiah

27Ki tinyei Hezekiah mogornatosyek che chaang' miising' ak teegisto; ak kichopchigei ole kigonoree fedha, thahabu, koik che po kamanuutyet, tuguuk che ng'uu ne anyiny, long'onik ak tuguuk che korooron che teerchiin; 28chogenik che po peek che karuryo, divaik ak mwanik; ak kooriigap tuuga tugul che teerchiin, ak piusyegap akwotisyegap keechiirek. 29Kichopchigei nganasook, ak ki tinyei akwotisyegap keechiirek ak che po tuuga eng' chaang'indo; amu kiga kogoochi Kamuktaindet tuguuk ng'iisyat. 30Hezekiah niito ne ki imaas peegap kondametut ne mi meto eng' Gihon, ak koip eng' ooreet ne litit korek kobwa komostap cherongo ne po nganaseetap Daudi. Ak kibor Hezekiah eng' poisyonikyik tugul. 31Ago eng' ng'aleegap piik che ki iyook pounigap Babilon, che ki pwa koteepse agobo kwang'utyet ne kiyaak eng' emet, ko ki pagaakta `Kamuktaindet ineendet, kotyem si konai tuguuk tugul che ki mi muguleldanyi.

Kowoong'ugei laitornatetap Hezekiah

(2Lai 20:20-21)

32Poisyonik che ng'etunotiin che po Hezekiah, ak poisyonikyik che myach, ko siraatiin eng' ng'ang'utyetap maotyot Isaiah weeriitap Amos, eng' kitabuutap laitorinigap Judah ak Israel. 33Ki ru Hezekiah kobooto kwanisyekyik, ak ki kitupchi ole kitogostoe kebendi kereeriisyegap weeriigap Daudi; ak kigonyit ineendet Judah tugul ak piik che ki menyei Jerusalem eng' meennyi. Ak ki laitoran Manasseh weeriinnyi kogeer ineendet.

33

Laitornatetap Manasseh

(2Lai 21:1-9)

331Ki po Manasseh kenyiisyek taman ak aeng' ye ki tau kolaitorani; ak ki laitoran kenyiisyek konom ak muut eng' Jerusalem. 2

33.2:
Jer 15.4
Ki yai ne ya eng' taitap Kamuktaindet ne Toroor, kosuubi tuguuk che kiwechei che po pororyosyek che kigaon Kamuktaindet ne Toroor eng' taitap piigap Israel. 3Ki teech komoswek che torooreen che kiga kobut kwandanyi Hezekiah, kiteekyi Baalik kapkorosusyek ak koyai Aserot. Kigutung'ji tuguuk tugul che po kipsengwet ak koot chooto. 4
33.4:
2A.Pet 6.6
Ki teech kapkorosusyek eng' kootap Kamuktaindet ne Toroor, ne ki mwa Kamuktaindet ne Toroor agobo nooto kole, “Tebee kainennyu Jerusalem koigeny.” 5Ak kiteekyi kapkorosusyek tuguuk tugul che po kipsengwet, eng' seremusyechooto aeng' che po kootap Kamuktaindet ne Toroor. 6Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech. 7
33.7-8:
1Lai 9.3-5; 2A.Pet 7.12-18
Ak ki inde kiit ne ki kiwai ne po kanamwet ne ki yai ineendet, kootap Kamuktaindet, ne ki mwachi `Kamuktaindet Daudi ak Solomon weeriinnyi, agobo koyooto, koleenji, “Andoi kainennyu koigeny kooi, ak Jerusalem, ne ki alewen eng' ortinwek tugul che po Israel: 8amaistoi kogeny keldap Israel eng' emet ne ki aaroorchi kwanisyekwak: ngot koriip koyai tugul che ki ang'at icheek eng' Musa, ng'atuutik tugul ak etanutik ak kayomisutik.” 9Ak ki igoochi anyun Manasseh Judah ak piik che ki menyei Jerusalem, koyai tengekto kot koyai yaityet kosiir pororyosyek che king'em Kamuktaindet ne Toroor eng' taitap piigap Israel.

Kowalaksei Manasseh

10Ak ki ng'alaalji `Kamuktaindet ne Toroor Manasseh ak piikyik; ago ki ma mage kiy. 11Komutyi anyun `Kamuktaindet ne Toroor icheek kiptainigap lugeet ne po laitoryatap Assyria che ki imut Manasseh ko rataat eng' nyororosyek ak mugurek, ak komut ineendet kwo Babilon. 12Ak kingo mi eng' nyalilda kosa Kamuktaindet ne Toroor Kamuktaindennyi, ak koming'ingei miising' eng' taitap Kiptaiyat Kamuktaindetap kwanisyekyik. 13Ak ki sa, ak ki kigasyi; ki kas Kamuktaindet ne Toroor soomennyi, ak ki imut ineendet kogeny konyo Jerusalem ole mi laitornatennyi. Konai anyun Manasseh kole Kamuktaindet ne Toroor ko Kamuktaindet.

14Kingo pata niito koteech irimeet ne po saang' ne po nganaseetap Daudi eng' komostap cherongo ne po Gihon, eng' atebweet, eng' ole kichutei eng' ormariichetap njireenik; ak kiyiem Ophel, ak koteech kogoit miising'; ak ki inde kiptainik che nyigoonen nganasook tugul che ng'ootaatiin che po Judah. 15Ak ki isto kanamonik che too ak kanamwet ne ki mi kootap Kamuktaindet ne Toroor ak kapkorosusyek tugul che kiga koteech eng' tulweetap kootap Kamuktaindet ne Toroor, ak eng' Jerusalem, ak kowiirchi saang'utap nganaseet. 16Ak ki teech kaptisisyetap Kamuktaindet ne Toroor ak kogoitoe yooto tiseiywegap kagoochinoigap kaalyeet ak che po kongoi, ak kong'at Judah koot Kamuktaindet ne Toroor Kamuktaindetap Israel.

17Agos kita koeny piik tiseiywek eng' komoswek che torooreen, ago kieng'jine yooto Kamuktaindet ne Toroor Kamuktaindennywa kityo.

Meetap Manasseh

(2Lai 21:17-18)

18Ak poisyonik che ng'etunotiin che po Manasseh, ak saaet ne ki sa Kamuktaindennyi, ak ng'aleegap keerik che ki ng'alaalji ineendet eng' kainetap Kamuktaindet ne Toroor, Kamuktaindetap Israel, ogeero, siraatiin kobooto poisyonigap laitorinigap Israel. 19Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai. 20Ki ru anyun Manasseh kobooto kwanisyekyik, ak ki kitup eng' koonnyi: ak ki laitoran weeriinnyi Ammon kogeer ineendet.

Laitornatet ak meetap Ammon

(2Lai 21:19-26)

21Ki po Ammon kenyiisyek tiptem ak aeng' ye ki tau kolaitorani; ak ki laitoran kenyiisyek aeng' eng' Jerusalem. 22Ak ki yai ne ya eng' taitap Kamuktaindet ne Toroor ko uu ye ki yai kwandanyi Manasseh: ak kieng'ji Ammon tiseiywek kanamonik tugul che ki kiwai che kiga koyai kwandanyi Manasseh, ak koot. 23Ak ki ma iming'ingei eng' taitap Kamuktaindet ne Toroor ko uu ye ki iming'ingei kwandanyi Manasseh; ago kites Ammon koyai chalwokto miising' kosiir. 24Ak kichaam ineendet otwogikyik, ak kobar ineendet eng' koonnyi. 25Ak ki par piigap emonooto pichooto tugul kichaam laitoryat Ammon; ak ki ieet piigap emet Josiah weeriinnyi koek laitoryat kogeer ineendet.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]