Revised Kalenjin Bible (KAPR)
1

Kagateet

11Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

2Ingotesak myeeindo ak kaalyeet eng' okweek eng' naet ne ongen Kamuktaindet ak Jeso Kiptaiyandennyo.

Kuursetap Kamuktaindet

3Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi. 4Ki kogoonech eng' chooto arorutik che myachen miising' ak ko eecheen inne; si kobiit oegu eng' chuuto yamdoigap atebeetap Kamuktaindet, ko kaochililye ng'emisyet ne mi ng'wony amu mageet ne ya. 5Ee, amu ng'olyoondoniito ye kaotes kagiiletapkei tugul eng' komostang'wong', otesyi `myeeindo kayaneng'wong'; ak otesyi `naet myeeindo; 6ak otesyi `riibetapkei naet; ak otesyi `muitaet riibetapkei; ak otesyi `kayweetap Kamuktaindet muitaet; 7ak otesyi `chametap tupchosyek kayweetap Kamuktaindet; ak otesyi `chamyet chametap tupchosyek. 8Amu ngot ko miitei eng' okweek tuguuchuuto ak ko tesatin, koyaak si mochorirense anan ko che ma iyei logoek eng' naetap Kiptaiyandennyo Jeso Kristo. 9Amu ineendet ne ma tinyei tuguuchuuto, ko kipkoraatyat ak kogeerei kiit ne mi ole neegit kityo ak koutye katiliilet eng' tengekwogikyik che po keny.

10Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny. 11Amu ki koonok ko uu nooto eng' chaang'indo ochut laitornatetap koigeny ne po Kiptaiyandennyo ak ko Yetindet Jeso Kristo.

12Nooto anyun achobegei kotugul abwaatwok tuguuchuuto, agot ngo ngen chooto, ak oo lumdootin eng' imanit ne otinye. 13Ak abwaati ale myee kota ami eng' poori, ang'eetak eng' kabwaatet ne abwaatwok; 14angen ale nyoonei kochogu metoetap poortanyu, ko uu ye kiga mwaiwo Kiptaiyandennyo Jeso Kristo. 15Ee, agiiligei si ye tuun kaamei, omuuch obwaat tuguuchu tugul eng' poroindo age tugul.

Paornateet ne po toroornatetap Kristo

16Ma kisup atindonik che ki kichobei eng' ng'omnateet ye ki ngemwaiwok kimnateet ak nyonunetap Kiptaiyandennyo Jeso Kristo, ago ki kibaorinigap etunatennyi ne ki kigeer, 17

1.17-18:
Mat 17.1-5; Mar 9.2-7; Luk 9.28-35
amu kitaach teegisto ak toroornatet eng' Kamuktaindet Kwanda, ye ki nyoonji ineendet kutit ne ki punu liilindo ne po etunateet kole, Ni ko Weeriinnyu chamanennyu, ineendet ne agasegei miising': 18ak ki kigas kutiniito kobunu kipsengwet, ye ki kimi kobooto ineendet eng' tulweet ne tiliil.

19Ak ki tinyei ng'olyootap maonateet ne po iman inne; ne oyae ne myee ye oriip, ko uu tait ne ikweng'sei eng' ole imen, kot koeech, ak kochorchi mugulelwekwok taboiyatap karon: 20ye kaonai ni korook, ole ma mi maonateetap siruutik ne ibooru chiito ineegei kaguiyennyi. 21Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

2

Maotigap lembech ak kirwoogennywa

21Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet. 2Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek. 3Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

4Amu ngot ko ki ma riiree `Kamuktaindet malaikaisyek ye kingo yai tengekto, ago ki toorchi ole kanyee kirwooget, ak konde keriingonik che po mesundeito keriip kot koit kirwooget; 5

2.5:
Tau 6.1-7.24
ak ngot ko ki ma riiree `inee ng'wonyut ne po keny, ago nganda ki riip Noah, amdoindet ne po imanda, ak piik alak tisap ye kingo ipchi maraneet ng'wonyutap piik che ma iywei Kamuktaindet; 6
2.6:
Tau 19.24
ak ngot ko kigabui ak kowal nganasoogap Sodom ak Gomorah koek oreek si koek kaboorunet eng' icheek che ta kotebyei koma iywei Kamuktaindet; 7
2.7:
Tau 19.1-16
ak ngot ko ki sar Lot, chiitap imanda, ne kinyaliili miising' amu atebosyek che yaacheen che po kiptengeginik, 8(amu ye ki menyei chiichooto po imanda kwenunnywa, kogeerei ak kogasei, kous muguleldanyi ne po imanda peetuut age tugul poisyosyegap ngelelnateet), 9ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi. 10Ago eng' mageetap murwoonindo ak kosasei pounateet. Che koroomen, che isubi maguutikwak che ma potandos ye chubei che torooreen. 11Agot nganda siirtoot malaikaisyek, che siirei miising' eng' kimnateet ak kamuktaet, koma ipchin icheek kirwoogetap chubisyet konyo taitap Kiptaiyat. 12Ago pichuuto ma tinyei ng'omnateet, che ki kisich kityo ko uu tyong'ik si kenamei ak kebarei, che chubisyei eng' ng'aleek che ma ingen, ko tuun king'emei iman eng' ng'emisyennywa, 13che nyooru nyalilda, nooto ko melektap yaityet; che iiti kole poiboiyet ye pogitos peet, perutik ak tisonok, che iboiboigei eng' igoorwekwak che po chamyet, ye oamisye tugul; 14piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet; 15
2.15-16:
Kai 22.4-35
kingo pagaakta ooreetap iman, koba komasta, koosup ooreetap Balaam ne po kap Beor ne ki cham melektap yaityet; 16ago ki kigergong' amu pistoennyi; ki ng'alaal sigiryet ne namaat kuut eng' kutitap chii ak koraany iywegap maotyondonooto.

17Chuuto kondametusyek che ma tinyei peek, ak ko poolik che ibooti usoonet; che ki kigonorchi tuindap mesundeito. 18Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet: 19koarorchin icheek katyaget, ago icheeget ko otwogigap ng'emisyet; amu ineendet ne iterteeri chiito age, koyaei chiichooto koek otwogindet. 20Amu ye kagochiliilye murwoonindap ng'wony eng' naet ne naei Kiptaiyat ak ko Yetindet Jeso Kristo, ko ngot kota koratkei kogeny ak tuguuchooto ak kiterteer, koyaitu atebeennywa ne po let kosiir ne po tai. 21Amu kita kaigai eng' icheek koma nai ooreetap imanda, kosiir, ye kingo nai, koweektagei let eng' ng'atuutyet ne tiliil ne kiga kigoochi. 22

2.22:
Kale 26.11
Ki koyaak eng' icheeget ko uu ye mwaei kalewenetap iman, kole, Weekyingei seset kang'undaikyik, ak kwo komildaegei ng'atateek kogeny toret ne kagagiun.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]