Revised Kalenjin Bible (KAPR)
22

221“Che kitupche ak kwanisyekyok, ogas ng'aleek che amwae nguno eng' taing'wong' che asaruunegei.” 2Ak kingo kas kole ng'alaaljin icheek eng' kutitap Yahudik, kosiisyo miising': ak ki le 3

22.3:
Poi 5.34-39
aa Yahudyot, ki kisikyo Tarsis ne po Cilicia, ago ki anerchi nganasani, ak ki ineeta Gamaliel, ak ki kineta komyee ko uu ole teptoi Ng'atuutyetap kwanisyekyok, ak ki atinye kagiiletapkei eng' Kamuktaindet, ko uu ole oteptoi okweek tugul rani: 4
22.4-5:
Poi 8.3; 26.9-11
ak ki ausausi Orani agoi meet, arate ak atoorchini korgoreet murenik ak kobogorisyek. 5Ko uu ye paoryanjino tisiindet ne oo, ak kapkirwooget tugul ne po poisyek: che ki anyoorunee paronok, che ki aibe koba kaptupchosyek, ak ki awe Damasko, ale amut icheek che ki mi olooto kobwa Jerusalem ko ratotiin, si kobiit kebir.

Komwaitoi Paulo agobo kayanennyi

(Poi 9:1-19; 26:12-18)

6“Ak ye ki awendi, ko kariikyi Damasko, ko katonon asiis, kooluu eng' sainooto lapkeiyet ne oo ne ki punu kipsengwet koluucha komoswek tugul. 7Ak ki abutyi ng'wony, ak agas kutit koleenjo, ‘Saulo, Saulo, amu nee si iusa?’ 8Ak ki awolu ale, ‘Ii ng'oo inyee, Kiptaiyat?’ Ak ki leenjo, ‘Aa Jeso ne po Nazareth, ne iuse.’ 9Ak ki keer lapkeiyet iman che ki mi kobooto, ago ki ma kas kutitap ineendet ne ki ng'alaalwo. 10Ale, Ayai nee anyun, Kiptaiyat? Koleenjo Kiptaiyat, Ng'eet, ui Damasko; si kemwaun eng' olooto tuguuk tugul che kigeng'at iyai. 11Ak ye ki ma kota amuuchi ageer kiy amu liletap lapkeiyonooto, ait Damasko, konamota euut icheek che ki mi kobooto.

12“Ak ki nyo ole ami, chiito age ne keguure Anania, chiito ne po iman eng' riibetap Ng'atuutyet, ne kibaoryanjin Yahudik tugul che ki menyei olooto kole myee. 13Ak ye kitononi eng' ye neegiteena, koleenjo, Ne kitupche Saulo, keerte. Ak eng' sainooto ageer ineendet. 14Ak ki le, ‘Ki kolewenin Kamuktaindet ne po kwanisyekyok si kobiit inai magennyi, ak igeer Ineendet ne po Imanda, ak igas ng'olyoot ne punu kutinnyi. 15Amu iegu paoryandennyi eng' piik tugul agobo tugul che koigeer ak che koigas. 16Ta igeni nee anyun nguno? Ng'eet kibatisanin, ak kiuundo tengekwogiguk iguure kainennyi.’

Kiyooktoi Paulo koamdechi pororyosyek

17“Ak kingo kaaweektegei Jerusalem, ak kingo ta asaae eng' Hekaluut, kobutya kiit ne uu rwon, 18ageer ineendet koleenjino, ‘Igirgir, chaakte, mande eng' Jerusalem, amu mataachei paornateet eng' inyee agobo anee.’ 19Ak ki ale, ‘Kiptaiyat, ingen icheeget kole ki arate ak abire eng' sinagogit age tugul eng' icheek che ki iyanin. 20

22.20:
Poi 7.58
Ak ye ki ngetumdoi korotiigap Stepano paoryandeng'ung', ko ki atononi agane eng' yooto, ayanjini ak ariibe ngoroigap icheeget che ki parei ineendet.’ 21Ak ki leenjo ineendet, ‘Ui, amu ayooktoin iwe ole loo agoi ye mi Pororyosyek.’ ”

22Koepchi iit anyun icheek ineendet agoi ng'olyoondoniito; yeityo komwa eng' kutit ne oo, kole, “Oiste chiito ne uu niito kwo eng' ng'wony; amu ma nyolu kosap.” 23Ak ye kita koboldos, ak kowiirtoi ngoroikwak, ak kowastoi temburyek koba parak, 24kong'at kiptaiyat ne oo kole kimut ineendet kwo irimeet, kong'at kole, ogine eng' pireet ne po kipcharitisyek, si konai ineendet kiit ne kabolji icheek ko uu nooto agobo ineendet. 25Ak ye kingo kagorate ineendet anook, koleenji Paulo kiptaiyatap pogol ne kitononi eng' yooto, Tos chamdoi ng'atuutik eng' okweek obir chii ne Romanindet, ama kirwookyi? 26Ak kingo kas chemogonooto po kiplugotinik pogol, kwo ole mi kiptaiyat ne oo, ak komwachi ineendet koleenji, “Imache iyai nee nguno? Amu Romanindet chiichi.” 27Konyo anyun kiptaiyat ne oo, ak koleenji ineendet, Mwaiwo, tos ii Romanin? Ak ki le, Ee. 28Kowol kiptaiyat ne oo kole, “Ki aegu chiitap pororyoni eng' alyet ne oo.” Ak ki le Paulo, Ki kisikyo pororyoniito. 29Koba anyun eng' sainooto icheek che kimachei kogine ineendet: ak ki iywei agine kiptaiyat ne oo, ye kingo nai kole kaagaa Romanindet ineendet, ak amu kiga korat ineendet.

Koetegei Paulo eng' kapkirwook

30Ago ye kimachei konai komyee eng' peetuut ne po aeng', kiit ne koitaame Yahudik, kotyach ineendet ak kong'at tisiik che eecheen ak kapkirwooget tugul kotuiyo, ak komut Paulo kochoorgei, ak konde ineendet tainnywa.

23

231Ak kingo keer Paulo kapkirwoogonooto komyee, komwa kole, “Che kitupche, ki atebee kotugul kabwaatet ne myee eng' taitap Kamuktaindet agoi rani.” 2Kong'at Anania, tisiindet ne oo, icheek che kitonondos eng' yooto kole, korabach kutinnyi. 3

23.3:
Mat 23.27-28
Koleenji anyun Paulo ineendet, “Tuun pirin Kamuktaindet, inyee inaatut ne ki kisal koleelit. Itebye ak irwokwo ko uu ye mwaei Ng'atuutyet, ak ing'ate kebira ama chamdoi Ng'atuutyet?” 4Komwa icheek che kitonondos eng' yooto kole, “Ichube tisiindet ne oo ne po Kamuktaindet?” 5
23.5:
Kom 22.28
Kole anyun Paulo, Kama anai, che kitupche, ale ineendet ko tisiindet ne oo: amu ki kisir keele, Amemwa ne ya agobo pounindetap piiguk.

6

23.6:
Poi 26.5; Phlp 3.5
Ago ye kingo nai Paulo kole, Sadukaik alage, ko Pharisaik alage, komwa eng' kutit ne oo eng' kapkirwook kole, “Che kitupche, aa Pharisaindet, weeriitap Pharisaik. Kagirwokwo agobo kamang'unet ak ng'eetyeet ne po che ki kobek.” 7Ak kingo kagomwa ko uu nooto, kong'eet anyun toiyet eng' Pharisaik ak Sadukaik: ak kipcheak tuiyet. 8
23.8:
Mat 22.23; Mar 12.18; Luk 20.27
Amu mwaei Sadukaik kole, ma mi ng'eetyeet eng' che ki pek, anan malaika, anan saboon: ago iyani tugul Pharisaik. 9Kong'eet anyun polateet ne oo: ak kitononso siriik alak che po Pharisaik, ak koboryo koleen, Ma kinyooru yaityo eng' chiichi: ak tos nee eng' okweek ngot ko kang'alaal ak ineendet kabuuso, anan malaika?

10Ak ye kingo ng'eet toiyet ne oo, koywei kiptaiyat ne oo kole tos tonaton pichu Paulo, kong'at anyun kiplugotinik kochoortagei ak komut ineendet eng' kimnateet eng' kwenunnywa, ak komut konyo irimeet.

11Ak eng' kemout ne ki isubi nooto kotonon Kiptaiyat eng' ye neegitee ineendet ak koleenji, “Nyiganitu: amu ko uu ye ki ibaoryanjo eng' Jerusalem, ko uu nooto kanyool ibaoryan eng' Rome agine.”

Teteet kebar Paulo

12Ak kingo eech koyumgei Yahudik, ak korategei kayasyoet, kole ma kiame kiy ama kiee agoi kebar Paulo. 13Ak ki siirei artam icheeget che ki yosyo. 14Ak ki pwa ole mi tisiik che eecheen ak poisyek, ak koleenji, “Kageratkei eng' kayasyoet ne oo keele, ma ki chamchami kiy agoi kebar Paulo. 15Oboorchi anyun okweek ak poisyek kiptaiyat ne oo komut ineendet kochoorgei konyo ole omi, ko uu ne omache ogin komyee ng'aleekyik. Ak kichobootiin acheek kebar ineendet agot kotom koriikyech.”

16Ago ki kas weeriitap chepkametap Paulo agobo setyinennywa, ak ki nyo kwo irimeet ak komwachi Paulo. 17Koguur anyun Paulo age eng' kiptainigap pogolwogik, ak koleenji, “Imut murenoni kwo ole mi kiptaiyat ne oo: amu tinyei ng'olyoo ne machei komwachi ineendet.” 18Komut anyun ineendet kwo ole mi kiptaiyat ne oo, ak koleenji, “Kaguura Paulo, kimonjororyot, awo ole mi ineendet ak komwaiwo amutun murenoni konyo ole imi, tinyei ng'olyoo ne machei komwaun.” 19Konam anyun kiptaiyat ne oo eutap weerooto, ak komut taban, ak koteebe eng' ung'oot kole, “Nee nooto imache imwaiwo?” 20Kole, “Kagochamyechi Yahudik kole kosoomin imutu Paulo kochoorgei mutai konyo kapkirwook, ko uu ne imache iteepse ineendet komyee. 21Ameyanji anyun amu miitei eng' icheek che siirei artam che setyin ineendet, che kagoratkei eng' kayasyoet, kole ma amei kiy anan koe agoi kobar ineendet. Chobootiin icheek nguno kogeni ng'atuutyet ne punun.” 22Kounda anyun kiptaiyat ne oo murenonooto kwo, ak kong'at ineendet koleenji, “Amemwachi chii agot agenge ileenji kaimwa tuguuchu.”

Kiyooktoi Paulo kwo Caesarea

23Ak kiguur kiptainik aeng' che po pogolwogik koba ole mi ineendet ak koleenji, “Ochop kiplugotinik pogol aeng' koba agoi Caesarea, ak kiplugotinik tamanwogik tisap che ketei paraisisyek, ak murenigap ng'otwek pogol aeng', eng' sait somok ne po kemoi. 24Ki mwachi kochop paraisisyek, si kobiit komute icheek Paulo, ak komut kot koit ole mi Felix pounindet kochamegei.” 25Ak kisir parweet ko uu ni:

26Anee Klaudio Lusia, agatin inyee pounindet Felix, ne ii tagunoot.

27Konam Yahudik chiichi, ak ki neegit kobar icheek ineendet, awe anyun ak kiplugotinik ole mi icheek, ak asaru ineendet, ko kaanai ale kaagaa Romanin ineendet. 28Ak ye ki amache anai kiit ne ki itaame icheek ineendet, amutu anyun kochoorgei kapkirwoogennywa: 29ageer ale, ki kitaam ineendet agobo ng'aleegap ng'atuutikwak, ago ma mi ng'olyoo ne ki kiityi ineendet ne nyoljin meet anan ratuutik. 30Ak ye kongiboorwo keele kogechop ng'aleek eng' ung'oot agobo ineendet, ayoogu ineendet konyo olong'ung' achogune, ak ang'at che kataamikyik si komwa ng'aleek eng' taing'ung', che itaame ineendet.

31Komut anyun kiplugotinik Paulo, ko uu ye kagaging'at, ak komut kemoi kwo Antipatris. 32Ago mutai kobagaakta murenik che ki laanyei paraisisyek koba kobooto ineendet ak koweektagei koba irimeet: 33ak kingo kagoit Caesarea, ak kogoochi pounindet parweet, konde Paulo agine tainnyi. 34Ak ye kiga kosoman parweet, koteebe icheek koleenji, ano emetap chiichi? Ak kingo kas keele, po ineendet Cilicia, 35kole, “Tuun agasun ng'aleeguk ko kait piik che ki itaamin.” Ki ng'at keriip ineendet eng' kootap kirwooget ne po Herod.

24

Komi Paulo taitap Felix

241Ak kingo pata peetuusyek muutu, kochoorgei Anania tisiindet ne oo ak poisyek alak, ak ng'alaalindet age, ne kiguure Tertulo; ak koboorchi pounindet ng'aleek che ko kitaame Paulo. 2Ak kingo kageguur, kotoi Tertulo kotaam ineendet kole,

“Amu kiboiboitune kaalyeet ne oo eng' inyee, ak ki istoi yaitwogik eng' pororyoni amu ng'omnateng'ung', 3kitaach anyun eng' ortinwek tugul ak eng' komoswek tugul, kobooto kongoi tugul, ee inyee ne ii tagunoot, Felix. 4Ago si mata again miising', asoomin ale igaseech eng' ng'aleek che ng'ering' eng' myeeindong'ung', 5amu ki kegeer chiichi keele ineendet ko chii ne itoitos piich, ne ing'eeti chemerereet eng' Yahudik tugul eng' ng'wony komugul, ak kandoindet ne po kasubiigap Nazaretik. 6Ki tyem kogeny kole kong'wanit Hekaluut, ak ki kinam ineendet. [Ak ki kimache kirwookyi ineendet ko uu ng'atuutikyok. 7Ago ki nyo ole ki mi Lusia kiptaiyat ne oo ne po kiplugotinik, ak korebenech ineendet eng' eunekyok eng' kimnateet ne oo.] 8Imuuchi inai tuguuchu tugul eng' ineendet ye igine inyeendet, agobo tuguuchooto ko kitaame.” 9Ak ki iyomechigei Yahudik kataamsonooto, kogiimit kole uu nooto ng'aleechuuto.

Koetegei Paulo eng' taitap Felix

10Ak kingo kagoboorchine pounindet Paulo euut, kole kong'alaal, kowol Paulo kole, “Asaruge eng' poiboiyet, angen ale, ii kirwoogindet ne po pororyoni eng' kenyiisyek che chaang'. 11Imuuchi inai ile tomo kosiir peetuusyek taman ak aeng' kobooch ngap atogoste Jerusalem awe asaa. 12Ama nyoorwo icheek eng' Hekaluut kibeligei ak chii age tugul, anan awase tuiyet, anan eng' sinagogisyek, anan eng' nganaseet. 13Amaimuuchi icheek koboorun komyee tuguuk che itaamena. 14Ago kang'ang'un niito, eng' Oranooto kuure icheek piteet age, aoote Kamuktaindet ne po kwanisyekyok, ak ayani tuguuk tugul ko uu ye mwaei Ng'atuutyet, ak che ki kisir eng' maotik: 15atinye kamang'unet eng' Kamuktaindet, ne cheeng'ei pichu ak icheek, ale, tatun komi ng'eetyeetap che po imanda ak che ma po imanda. 16Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.

17

24.17-18:
Poi 21.17-28
“Ak kingo pata kenyiisyek che chaang' anyoo aipchi piigap pororyennyu kagoochinoik ak tuguuk che kigoitoi. 18Ye ki ayae niito, ko ki nyoortaa kitiliilo eng' Hekaluut, ak ki ma komi tuiyet anan polateet. 19Ago ki mi Yahudik alak che ki punu Asia; myee nda kami yu icheek eng' taing'ung' si komwaitaa ngo ting'ena icheek ng'olyoo. 20Anan ingomwa pichu icheeget poisyet ne ya ne kinyoor, ye kinga tonon eng' taitap kapkirwooget, 21
24.21:
Poi 23.6
kobatee tweguunet agenge ne ki ariirchi atononi eng' kwenunnywa, ale, ‘Kagirwokwo rani eng' taing'wong' agobo ng'eetyeetap che ki kobek.’ ”

22Amu ki ingen Felix komyee agobo Oranooto, koleenji, “Ogen, ye tuun kachoorgei kiptaiyat ne oo Lusia, atil anyun ng'aleekwok.” 23Ak kong'at chemogetap kiplugotinik pogol kole keriip ineendet, ak kigoochin poroindo; amat koete age tugul eng' choronokyik koboisyechi ineendet.

Koratei `Felix Paulo

24Ago kingo pata peetuusyek alage, koit Felix, kobooto Drusila osotyonnyi, ne ki Chebyahudio, ak koyookto Paulo konyo, ak ki kas eng' ineendet agobo kayaneet eng' Kristo Jeso. 25Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.” 26Ki imang'u kole togot kogoochi Paulo silingisyek: kiguur anyun ineendet konyil che chaang', ak kong'alaal kobooto ineendet.

27Ago kingo keskei kenyiisyek aeng'u, konam Porkio Pesto poisyetap Felix; ak amu kimachei Felix kobaibai Yahudik, kobagaakta Paulo ko rataat.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]