Revised Kalenjin Bible (KAPR)
11

111Ago ki atonon anee, eng' kenyiit ne po tai ne po Darius Medindet, agiil ak agimiit ineendet. 2Aboorun anyun ne po iman. Keero, ta kobiitu laitorinik somogu eng' Persia; ak egu mogoryot miising' ne po ang'wan kosiir chuun tugul. Ak ye kagogimiit amu mogornatosyekyik, kong'eet piik tugul kobargei ak pounatetap Greece. 3Ak kobiit laitoryat ne kiim miising', ne tuun pounisyei eng' pounateet ne oo ak koyai ko uu ye machei. 4Ak ye kagobiit, keng'emei laitornatennyi, ak kopcheigei kotokyigei usoonaik ang'wan che po kipsengwet; ago ma tuun punjin iyotennyi, ama isubi ko uu pounatennyi ne ki pou; amu kitutu laitornatennyi kobunji alak che ma pooto chuuto.

5Tuun kimitu laitoryat ne po murot tai, ago age eng' pounikyik ko tuun kimitu kosiir ineendet ak konyoor pounateet; egu pounatennyi pounateet ne oo. 6Ye igeskei kenyiisyo, konamgei; ak konyo cheptap laitoryatap murot tai ole mi laitoryatap murot kaataam kochamyogei. Ago mang'etyin chebooto kimnateetap eunnyi; ama tononi laitoryandanooto anan eunnyi. Kigoitoi chebooto, piik che ki imutu ineendet ak lakweennyi, ak chiito ne ki kimiti ineendet eng' peetuusyechooto. 7Ago mong'u age ne punu temetap tigitikyik ne igeeri ineendet, ne nyoonei ole mi lugeet, ak kochut irimeetap laitoryat ne po murot kaataam, ak kobargei ak pichooto ak koterteer; 8ak koip kogeny kanamonikwak kobooto che ki kitanyi, ak tereenikwak che myachen che po fedha ak che po thahabu; koluul koba Misiri. Ak kotebi kenyiisyek alak, ama ibookyi laitoryat ne po murot kaataam. 9Kasarta age ko tuun ibookyin pounatetap laitoryat ne po murot tai, ak koweekyigei emennyi.

10Tuun yaei lugeet weeriikyik ak koyum tuiyet ne oo ne po lugoosyek, che tuun pwoonei, ak kochwalda koyom emet ak kobun olooto, koyai lugeet agoi irimennyi. 11Ak konereech laitoryatap murot tai ak komong' kobargei ak laitoryatap murot kaataam, ak kochop tuiyet ne oo, ne nganda uu nooto, kindo tuiyonooto eunegap puunikyik. 12Ak ye kagimut tuiyet, koeetkei eng' muguleldanyi, ak kobar tamanusyegap eliphuusyek, ago ma koi iterteeris.

13Ak koweigei laitoryatap murot kaataam kochop lugeet ne oo kosiir ni kabo tai; ak konyo ko kagobata peetuusyek, chooto ko kenyiisyek alak, kobooto lugeet ne oo ak tuguuk che chaang'. 14Tuun ng'eetos che chaang' eng' peetuusyechooto kogirinda laitoryatap murot tai. Tuun ieetkei lagogap piik che koroomen eng' piiguk kole si kogimiit ng'ang'utyet; ago ibutos. 15Konyo anyun laitoryatap murot kaataam, ak kowasyi ng'ung'unyek, ak konam nganaseet ne ng'ootaat komyee. Ak ma kirindoi lugosyegap murot tai, anan agot piikyik che ki kilewen, ama tuun piitu kimnateet age tugul ne kirindoisye. 16Ago ineendet ne nyoonei kobaregei ak chiichooto koyaei ko uu ne machei, ama piitu chii ne imuuchi kotonon eng' tainnyi. Ak kotonon ineendet eng' emet ne karaaran miising', ak mi yooto tugul eunnyi.

17Igiilegei konyo kobooto kimnateetap laitornatennyi komugul, ak koyai kasyinet ak ineendet; ak koyai ko uu ye machei. Ak kogoochi ineendet kwony kotun yeityo koboisye kong'em pounateet; ago ma tononi, ama punjin. 18Ak ye ibata niito, kotokyigei ngeguusyek, ak konam che chaang'. Ago igeesu pounindet chotisyet ne ki igoitoi ineendet; ee, weekyin ineendet chotisyennyi. 19Yeityo koweek kotokyi togeennyi irimoigap emennyi, ago kinachi ak kobut ak ma kenyooru.

20Ye ibata niito, kobiit ne igeeri ineendet ne igoochin taagindetap aisuruut kobun kwenutap toroornatet ne po pounateet; ago king'emei ineendet eng' peetuusyek che ng'ering', ma eng' nereegek anan eng' lugeet.

Laitoryat ne ya

21Ak kogeer ineendet `chiito age ne kasasei, ne ki ma igoochi icheek teegistap pounateet, ago tuun nyoonei eng' peetuusyegap kaalyeet ak konam pounateet eng' mwaigutnateet. 22Ak keisto lugeet ne oo ak keton eng' tainnyi; kobooto pounindetap kayomisutyet agine. 23Ak ye kagobata kasyinet, ko tuun togosu kobois eng' ng'aalset ak kogimiit kobooto piik che ng'ering'. 24Ipookyin komoswek che akwaen che po emet eng' peetuusyegap kaalyeet; ak koyai kiit ne ki ma yai kwanisyekyik, anan kwanisyegap kwanisyekyik; ak koseerchi kwenunnywa parunenik ak luulenik, ak tuguuk. Chobei chobutikyik agobo irimoik, ago po peetuusyo kityo.

25Ak kong'eet kimnateennyi ak nyiganatennyi kobargei ak laitoryatap murot tai kobooto lugeet ne oo; ak koyai lugeet laitoryatap murot tai kobooto lugeet ne oo miising' ak ko kiim. Ago ma tononi, amu chobei icheek chobutik agobo ineendet. 26Ee, ng'emei ineendet `che amei amitwogikyik. Ak kochwalda koyom lugeennyi emet ak kobutyo che chaang' ko kagebar. 27Ak che uu laitorinichuuto tuwai, ko tuun tokyingei mugulelwekwak koyai yaityet, tuun tebyei eng' meset agenge ak komwaei lembechek. Ago maborei; amu ta koitu kagesunet eng' peetuut ne ki king'at. 28Tuun weekyigei emennyi kobooto mogornateetap tuguuk che chaang'; ak kowech muguleldanyi kayomiset ne tiliil. Ak koyai ko uu ye machei, ak koweekyigei emennyi.

29Weeksei kogeny eng' peetuut ne ki king'at, ak konyo komostap murot tai; ago ma tuun piitu eng' peetuusyek che po let ko uu eng' peetuusyek che po tai. 30Amu tuun pwaanjin melisyegap Kitim kobargei ak ineendet; arageni anyun ak koweigei. Tuun nereechi ak kowech kayomiset ne tiliil, ak koyai ko uu ye machei. Ak koweigei kogeny ak kocham icheek che paraktoi kayomiset ne tiliil. 31

11.31:
Dan 9.27; 12.11; Mat 24.15; Mar 13.14
Ak kotononso lugoosyek eng' komostanyi ak komurwon ole-tiliil kobooto irimeet, ak koisto kagoochinet ne kibeelei ne po kotugul, ak konde kiit ne kiwechei ne ng'emisyei. 32Imaas ineendet eng' mwaigutnateet che yaei yaityo kowechei kayomiset; ago piik che ingen Kamuktaindennywa ko kimegitu ak koyai poisyonik che kiimeen che kikwong'ee. 33Ak koneet `che utaatiin che mi kwenunnywa piik che chaang'; nga uu nooto, eng' peetuusyek che chaang', kibarei eng' rotwetap chok ak eng' maat, eng' luuleet ak eng' kamutet. 34Ye kagobutyo anyun, ketoreti eng' toreteet ne matya, ago namegei che chaang' ak icheek eng' mwaigutnateet. 35Ak kobutyo alak eng' che utaatiin, si kobiit kitiliil, ki anyiny, ak keyai koleelagitu, kot koit peetuut ne po let, amu ta koitu peetuut ne ki king'at.

36

11.36:
2Thes 2.3-4; Ng'a 13.5-6
Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at. 37Ama iiti kamuktaigap kwanisyekyik anan ne chamat eng' kwonyik, ama iiti kamuktain age tugul ago ieetegei kosiir tugul. 38Ago konyiti kamuktaindetap irimoik eng' komostanyi; ak kogonyit kamuktain ne ki ma nai kwanisyekyik, kogoochi thahabu, ak fedha, kobooto koik che po kamanuutyet ne oo, ak konunoik che po alyet ne oo. 39Ak konam irimoik che kiimeen miising' eng' toretetap kamuktain ne teer. Tesyin toroornatet age tugul ne chamei ineendet ak kogoochin `ineendet icheek koboi che chaang', ak kopchei emet kobunji kagaigaet.

40Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto. 41Wendi ineendet kogeny emet ne karaaran, ak kigabui emotinwek che chaang', ago kisaru Edom, Moab ak chu eecheen che po lagogap Ammon eng' eunnyi. 42Tokyin eunnyi kogeny emotinwechooto, ama chilili emetap Misiri. 43Ago pou ineendet konoraik che po thahabu ak che po fedha ak tuguuk tugul che po kamanuutyet ne oo che po Misiri; ak koosup ineendet piigap Libya ak Ethiopik. 44Ago iimi ineendet ng'aleek che punu kong'asiis ak che punu murot kaataam; ak kwo eng' nereegek che ng'woneen che eecheen kwo kong'emis ak kobar che chaang'. 45Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

12

Peetuusyek che po kagesunet

121

12.1:
Mat 24.21; Mar 13.19; Ng'a 7.14; 12.7
Ak kotonon eng' peetuunooto Mikael, pounindet ne oo ne toreti lagogap piiguk. Tuun piitu peetuusyek che po nyalilda, che ki tomo kobiitu kobooch ngap kobiit pororyet agoi peetuunooto. Ago kisaru piiguk eng' peetuusyechooto, age tugul ne ki kisirchi kainennyi bukuit. 2
12.2:
Isa 26.19; Mat 25.46; Jhn 5.29
Ak kong'eetyo che chaang' eng' icheek che ki koruiyo eng' ng'ung'unyek, pendi alak sobodap koigeny, ak kobendi alak teweernateet ak chotisyet ne po agoi. 3Tuun iluu che utaatiin ko uu kakweng'et ne po parak; ak kooluu koigeny ak koigeny ko uu kecheik icheek che imutyin che chaang' imanda. 4
12.4:
Ng'a 22.10
Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

5Ki ageer anyun anee Daniel, ak ogeero, ki tononso alak aeng'u, ki tonone age ngeguutap aineet pitoni, kotonone age ngeguutap aineet pitoniin. 6Ki teebe age ne ki ilaachi ngoroigap katanit, ne ki mi paragutap peegap ainonooto koleenji, “Tyanitu si koek kagesunetap kwang'utichu?” 7

12.7:
Ng'a 10.5; 12.14
Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul. 8Ki agas ago ma aguiye; yeityo amwa ale, “Ee kiptaiyandennyu, egu nee kagesunetap tuguuchuuto?” 9Ki le ineendet, ui inyee Daniel, amu kagituch ng'aleechuuto ak keng'och kot koit peetuusyek che po kagesunet. 10
12.10:
Ng'a 22.11
Ianyinyegei che chaang', ak koyaegei koleelagitu, ak kotiliilegei; ago yaei kiptengeginik tengekto. Ama iguitos kiptengeginik agot agenge, ago iguitos icheek che utaatiin.

11

12.11:
Dan 9.27; 11.31; Mat 24.15; Mar 13.14
Kobooch peetuusyek che ki istoi kagoochinet ne kibeelei ne po kotugul, ak kinde kiit ne kiwechei ne ng'emisyei, ko egu peetuusyek eliphuut agenge ak pogol aeng' ak tamanwogik sogool. 12Iberuurot ineendet ne igenisyei, ne itei peetuusyek eliphuut agenge ak pogol somok ak sosom ak muut.

13Ago ui inyee oldang'ung' agoi koit kagesunet: amu imuunyi, ak tuun itononi eng' komostang'ung', eng' kagesunetap peetuusyechooto.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]