Revised Kalenjin Bible (KAPR)
11

Melekwegap kaseetap iit

111Cham anyun Kamuktaindet ne Toroor Kamuktaindeng'ung' ak iriip kotigonennyi, kaneetisyosyekyik, kirwoogutikyik ak ng'atuutikyik kotugul. 2Onai niito ra, amu ma ng'alaaljini lagokwok che tomo konai ak tomo kogeer katigonetap Kamuktaindet ne Toroor Kamuktaindeng'wong', etunatennyi, kamuktaennyi ak eunnyi ne chuulaat, 3

11.3:
Kom 7.8-12.13
kaboorunoikyik ak poisyonikyik che ki yachi Pharaoh laitoryatap Misiri ak emennyi komugul eng' kwenutap Misiri. 4
11.4:
Kom 14.28
Kiit ne ki yachi lugeetap Misiri, paraisisyekwak ak kariisyekwak, ko uu ye ki igoochi komaaluuch peegap Araraita ne Piriir ye ki isubwok, ak ki iwong' `Kamuktaindet ne Toroor icheek ko uu nooto agoi rani. 5Ma lagokwok che ki iro kiit ne kiyaiywok eng' surkwen agoi oitu yuto, 6
11.6:
Kai 16.31-32
ak kiit ne ki yachi Datan ak Abiram weeriigap Eliap, weeriitap Reuben, koyaat ng'wony kutinnyi ak kolugui kobooto piikwak, emaisyekwak, tuguuk tugul che saptos che ki kweryoti icheek eng' kwenutap Israel tugul. 7Ago ki kogeer konyekwok poisyonik tugul che eecheen che ki yai Kamuktaindet ne Toroor.

8Oriip anyun ng'atuutyet komugul ne kaang'atak rani si ogimegitu ak oit emet ne obendi oname kobunjook. 9Si kobiit kochang'a peetuusyekwok eng' emonooto, ne ki iyasyechi Kamuktaindet ne Toroor kwanisyekwok kole igoochin icheek ak iyotennywa ne piitu let, emet ne nyiitaat cheego ak komi kumyat eng' chaang'indo. 10Amu ma uu emet ne obendi oname kobunjook emetap Misiri ne ki obunu ole ki igoole kesweguk ak ki ibisisye keeldong'ung' ko uu kabungui. 11Ago emet ne olang'jini omenye, kotinyei tuloonook ak tembwosyek ne eei peek che po roptap kipsengwet. 12Riibei emonooto Kamuktaindet ne Toroor Kamuktaindeng'ung' ak ko keerei Kamuktaindet ne Toroor Kamuktaindeng'ung' emonooto kobooch taunetap kenyiit agoi kogeskei kenyiit.

13

11.13-17:
A.La 26.3-5; NKNg'a 7.12-16; 28.1-14
Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul, 14agoonok anyun ropta ne po emeng'wong' eng' peetuusyekyik, roptap iwotkuut ak ne igeesunegei, si iges peeguk, divaiguk ak mwaniguk. 15Agoonu susweek che po tuguuk eng' emeng'ung', ak iamisyei ibiye. 16Oriipkei anyun si ma kiberber mugulelwekwok, ak omaste oot kanamonik ak ogutung'ji. 17Ngo yai ko uu nooto, kolaldos nereegegap Kamuktaindet ne Toroor eng' okweek ak koger kipsengwet, si mogoroboni, si ma koiyei emet, ak osip obegu eng' emet ne karaaran ne koonok Kamuktaindet ne Toroor.

18

11.18-20:
NKNg'a 6.6-9
Ogonoree anyun ng'aleechuchuk mugulelwekwok ak saboonwekwok ak oratyi eunekwok koek kaboorunet, ak koek ratuutik che kirate anook eng' turyetap togoochikwok. 19Oneet lagokwok chooto ye ong'alaaldosi, ye itebye eng' koong'ung', ye iwendoti, ye irue ak ye ing'eete. 20Sirchi tugatugigap koong'ung', ak ormariichoguk, 21si ko uu ye ta komi kipsengwet ak ng'wony, ko tesoksei ko uu nooto peetuusyekwok ak peetuusyegap lagokwok eng' emet ne ki iyasyechi Kamuktaindet ne Toroor kwanisyekwok kole igoochin.

22“Amu ngo riip eng' kagiiletapkei ng'atuutyoni komugul kaang'atak rani, oyai, ocham Kamuktaindet ne Toroor Kamuktaindeng'wong', obendate ortinwekyik tugul ak onamge ak ineendet, 23koon anyun Kamuktaindet ne Toroor pororyosyechu tugul eng' taing'wong' ak oluul pororyosyek che eecheen che kiimeen kosiirok. 24

11.24-25:
Jos 1.3-5
Punjinok oldo tugul ole katyech keelyekwok. Egu kiwoteng'wong' kobooch surkwen ak Lebanon ak kobooch aineetap Yufrets agoi nyanjetap Mediterenian nooto tokyingei ole roroktoe asiista. 25Ma piitu chii ne imuuchi kotonon eng' taing'wong'. Igoochin Kamuktaindet ne Toroor Kamuktaindeng'wong' koiyweak ak kogonyitok emet komugul ne otyeche ko uu ye ki mwaiwok.

26“Kande taing'wong' rani kaberuret ak chubisyet: 27egu kaberuret ngo kas ng'atuutigap Kamuktaindet ne Toroor Kamuktaindeng'wong' che kaang'atak rani. 28Ago egu chubisyet ngo mogas ng'atuutigap Kamuktaindet ne Toroor Kamuktaindeng'wong', ngo maste eng' ooreet ne kaang'atak rani, osup kanamonik che tomo onai. 29Ak ye tuun kagoitin Kamuktaindet ne Toroor Kamuktaindeng'ung' emet ne iname kobunjiin, inde kaberuret tulweetap Gerizim ak inde chubisyet tulweetap Ebal. 30Tos ma mi chooto Jordan pitoniin, ole tokyingei ole roroktoe asiista eng' emetap Kanaanik che menyei Arabah ole tokyingei Gilgal ole neegitee keetiigap Moreh? 31Amu olandae Jordan obendi oname emet ne koonok Kamuktaindet ne Toroor Kamuktaindeng'wong', kobunjook ak omeny olooto. 32Oriip anyun ak oyai kaneetisyosyek ak kirwoogutik tugul che kande taing'wong' rani.

12

Ng'atuutyet agobo ole-tiliil

121“Chu kirwoogutik ak atebosyek che tuun oriibe oyae eng' emet ne ki koonok Kamuktaindet ne Toroor, Kamuktaindetap kwanisyeguk, kobunjiin kotee osaptosi eng' ng'wony. 2Ong'em anyun ak owong'u oldinwek tugul ole kioote kanamonikwak pororyosyek che oluule. Ong'em oldinwek chooto tugul che mi tuloonook che kooen, che mi legemosyek ak che mi keetiik che tuonen keel. 3

12.3:
NKNg'a 7.5
Obut kapkorosusyekwak ak otonaton tolochikwak ak obeel lumeiwegap Aserik. Oluul kanamonikwak che ki kiwai, ong'em ak obet kainennywa eng' olooto.

4“Amoyachi Kamuktaindet ne Toroor Kamuktaindeng'wong' ko uu ye yachin icheek kamuktaikwak. 5Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe, 6oibe kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak, kaarortaosyekwok, kagoochinoigap chamyet ak che twatei tuukwok ak keechiirekwok. 7Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

8“Amat oyai tuguuk ko uu ye kiyae rani ko uu ye keerei chii age tugul kochamei, 9amu tomo oit kamuung'et ak poroteet ne koonok Kamuktaindet ne Toroor Kamuktaindeng'wong'. 10Ago ye kaolande eng' Jordan obe omeny emet ne koonok Kamuktaindet ne Toroor Kamuktaindeng'wong' onyaban ak kogoonok kamuung'et eng' puunikwok tugul che mi komoswek tugul, si omeng'iisyei eng' kaalyeet. 11Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor. 12Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok. 13Riipkei si megoite kagoochinoiguk che kibeelei eng' oldo tugul ole igeere, 14ago eng' ole leweni Kamuktaindet ne Toroor eng' age ne po ortinweguk, igoite eng' kagoochinoiguk che kibeelei ak iyai eng' olooto tugul che ang'atiin.

15“Ago imuuchi ieny ak iam panyeek eng' ole imenye ko uu ye machei muguleldang'ung', ko uu kaberuretap Kamuktaindet ne Toroor Kamuktaindeng'ung' ne ki kogoonin. Imuuchi koam ne ng'waan ak ne ma ng'waan ko ye ki ame kenyeleet anan teweretyot. 16

12.16:
Tau 9.4; A.La 7.26-27; 17.10-14; 19.26; NKNg'a 15.23
Ago amat oam korotiik, ago otumji ng'wony ko uu peek. 17Amat oam eng' kurgotikwok kebebertap peeguk, anan ne po divaiguk anan ne po mwaniguk anan che twatei tuguuk anan che po keechiireguk anan kaarortaosyeguk alak tugul che iarortoi anan kagoochinoiguk che po chamyet anan kagoochinetap eunekwok ne kinamjin parak. 18Ago iame tuguuchooto eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung' ak otwogeng'ung' ne muren ak ne tye ak Lawindet ne mi kurgotiguk. Ak ibaibaitu eng' taitap Kamuktaindet ne Toroor Kamuktaindeng'ung' eng' kiy age tugul ne iyae euneguk. 19Riipkei amebagaakte Lawindet ko tee isabe eng' emeng'ung'.

20“Ye katesun Kamuktaindet ne Toroor Kamuktaindeng'ung' kiwoteet ko uu ye ki iarorun, ak ile, ‘Amache aam panyeek, amu machei saboondanyu panyeek,’ imuuchi iam panyeek che tee che machei saboondang'ung'. 21Ngot ko loo eng' inyee ole leweni Kamuktaindet ne Toroor Kamuktaindeng'ung' konde kainennyi, ieny anyun che po akweeng'ung' ak che po keechiireguk che ki kogoonin Kamuktaindet ne Toroor ko uu ye ki ang'atiin ak iam eng' kurgotiguk, ko uu ye machei saboondang'ung'. 22Ko uu ye ki amei kenyeleet ak teweretyot iam anyun ko uu nooto. Amei che ng'woneen ak che ma ng'woneen. 23

12.23-24:
A.La 17.10-14
Kobatee amat iam korotiik. Amu saboondo korotiik ara anyun meam saboondo kobooto panyeek. 24Amat iam, ago tumji ng'wony ko uu peek. 25Amat iam si komyeeit eng' inyee ak eng' lagoguk che piitu let ye iyae nooto myee eng' taitap Kamuktaindet ne Toroor. 26Koek kityo iibe tuguuguk che tiliileen che itinye, ak kaarortaosyeguk ak iwe ole leweni Kamuktaindet ne Toroor, 27ak igoite kagoochinoiguk che kibeelei, panyeek kobooto korotiik eng' kaptisisyetap Kamuktaindet ne Toroor Kamuktaindeng'ung'. Iroong'jin korotiigap tiseiyweguk kaptisisyetap Kamuktaindet ne Toroor Kamuktaindeng'ung' yeityo iam panyeek. 28Riip ak iepchi iit ng'aleechu tugul che kang'atiin si komyeeit eng' inyee ak eng' lagoguk che piitu let agoi koigeny, ye iyae ne myee ak ne po iman eng' taitap Kamuktaindet ne Toroor Kamuktaindeng'ung'.

Meoot kanamonik

29“Ye tuun ing'eto eng' taing'ung' Kamuktaindet ne Toroor Kamuktaindeng'ung' pororyosyek che iwendi inam si kobunjiin chooto, ye inam ak imeny emennywa, 30iriipkei anyun si ma riichin ak isup icheek, kogageng'em pichooto eng' taing'ung': ye iteep agobo kanamonikwak ile, ‘Ootitoi ano pororyosyechu kanamonikwak? Amache ayai agane ko uu nooto.’ 31Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

32

12.32:
NKNg'a 4.2; Ng'a 22.18-19
“Oriip kiy age tugul ne ang'atook oyai. Amat otes anan ichuchuch.

13

131“Ngo piit maotyondo anan karwotitoindo ak koboorun tartet anan kaboorunet, 2koyaak tartanooto anan kaboorunonooto ne kimwaun kole, ‘Ongisup kanamonik che ki ma ongen, ak oot chooto,’ 3ko meepchi iit ng'aleegap maotyondonooto anan karwotitoindonooto. Amu tyemok Kamuktaindet ne Toroor Kamuktaindeng'wong' si konai ngo chame Kamuktaindet ne Toroor Kamuktaindeng'wong' eng' mugulelwekwok ak eng' saboonwekwok. 4Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet. 5Kibarei maotyondonooto anan karwotitoindonooto amu kamwa kiit ne ibeeti piik kobagaakta Kamuktaindet ne Toroor Kamuktaindeng'wong', ne ki imutwok omang'une emetap Misiri, ne ki ityaachak eng' kootap otwoknateet. Kibarei ineendet amu katyem kole komaasin eng' ooreet ne king'atin Kamuktaindet ne Toroor Kamuktaindeng'wong' iwendote. Iste anyun ko uu nooto yaityet eng' kwenung'ung'.

6“Ngo kaigain eng' ung'oot ng'eetap kamenng'ung' anan weeriing'ung' anan cheptong'ung' anan osotyondeng'ung' ne ichame anan chorweng'ung' ne ichame ko uu ye ichame saboondang'ung' koleenjin, ‘Ngebe keoot kanamonik alak’ che ki ma ingen inyee anan kwanisyeguk, 7kanamonigap pororyosyek che mi tabanwekwok, che neegiteenen anan che looenen kobooch tabanda age ne po ng'wony agoi tabanda age, 8Ko ameyanji anan igasyi. Ama, ye igeer, iriiree anan ibagaakte anan iuny. 9Ago par anyun ineendet iman. Ngo sip kobar ineendet eung'ung' ak ye ibata kobar piik tugul. 10Lach eng' koik kot kome amu ki cheeng'ei komaasin imete Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet. 11Ye iyai ko uu niito, kogas Yahudik tugul ak koiyweis si mata koyai sogornateet ne uu niito kogeny eng' kwenung'ung'.

12“Ngigas keng'alaale age eng' nganasoguk ne koonin Kamuktaindet ne Toroor Kamuktaindeng'ung' imeny keleen, 13Kamang'une kwenung'ung' piik alak che yaach, ak koba komaas piik che menyei nganasennywa koleenji, ‘Ongebe keoot kamuktaik che mongen,’ 14igililjigei anyun ak iteep anyun ak icheeng' igin, igiiljigei. Ngo imanit ko uu nooto ng'olyoondonooto, keele kogeyai kiit ne kiwechei eng' kwenung'ung', 15ibar iwong'u anyun piigap nganasanooto, tuuga ak tuguuk tugul che miitei olooto eng' rotwetap chok. 16Iyumji tuguukyik tugul kwenutap ooreetap nganasanooto ak ibeel nganaseet ak tuguukyik tugul kogeskei, ibeelji Kamuktaindet ne Toroor Kamuktaindeng'ung' ak koek tulwo koigeny ago ma keteechei kogeny. 17Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk. 18Ye iepchi iit kutitap Kamuktaindet ne Toroor Kamuktaindeng'ung' ak iriip ng'atuutikyik tugul che kang'atiin rani, iyai nooto po iman eng' taitap Kamuktaindet ne Toroor Kamuktaindeng'ung'.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]