Revised Kalenjin Bible (KAPR)
5

Kayweet, Kaming'inetapkei, ak yametapkei

51Riip keeldong'ung' ye iwendi kootap Kamuktaindet; amu kaigai keriikyi si kegas, kosiir koroseek che igoitoi piik che perber; amu ma naei icheek kole yaei yaityet. 2Amat kosartae kuting'ung' ak amat kosartae muguleldang'ung' komwa kiy age tugul eng' taitap Kamuktaindet, amu mi Kamuktaindet ne Toroor kipsengwet ak imi ng'wony. Ingong'ering'itu anyun ng'aleeguk. 3Amu nyoonei karwotitoet eng' poisyonik che chaang'; ak mwaei ne perber ng'aleek che chaang'.

4

5.4:
T.Kal 66.13-14
Ye iyasye, ko mat igaegei amu ma paibaitune ineendet che perberen. Igoite anyun ne keyasye. 5Kaigai amearorte, kosiir iarorte amegoite. 6Amengogoochi kuting'ung' poortang'ung' koyai tengek anan imwa eng' taitap malaikaiyat ile, “Ki lelutyet.” Amu nee anyun si konereekyi Kamuktaindet kuting'ung' ak kong'em poisyonigap euneguk? 7Amu puch ng'aleek che chaang' ak chaang'indap karwotitaosyek, ago iywei inyee Kamuktaindet.

Puch sabeet

8Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek. 9Po tugul keljinetap ng'wony. Poisyechin agine laitoryat tuguugap mbar.

10Ma piyonyi robiinik ne chamei robiinik; ama piyonyi tuguuk che tesoksei ineendet ne chamei chaang'indap tuguuk. Puch niito agine. 11Ye tesak tuguuk, ko tesak ak icheek che amei. Tos tinyei keljinet nee anyun chiitap ko po, kobatee kogeer kityo? 12Anyiny rwondap chiito ne poisyei, ngo am che ng'ering' anan che chaang'. Ago ma inuuktos mogoreek amu piyendanywa.

13Mi yaityet ne ng'waan ne ki ageer eng' kurereetap asiista, nooto ko mogornatosyek che riibei chiitap ko po yeityo kong'em ineendet. 14

5.14:
Job 1.21; T.Kal 49.17; 1Tim 6.7
Petos mogornatosyechooto eng' poisyet ne ya; ak ngot ko ki kosich weeriit, koma mi kiy eunnyi. 15Ko uu ye ki kisichei, kowendi puch kogeny ko uu ye kinyonei, ama ibei kiy ne po poisyennyi ne imuuchi kotita eng' eunnyi. 16Niito agine ko yaityet ne ng'waan, amu ko uu ye kinyonei, ko tuun wendi ko uu nooto. Ak nee keljinet ne nyooru ineendet ne pirtogei puch? 17Amisyei kogeny eng' peetuusyekyik tugul eng' mesundeito ak tinyei arageneet ne ng'waan ak myando ak nereegek.

18Ogeero, kiit ne myee ne ki ageer ak ko nyolu, ko koamis chii ak koe, ak kobaibaitune tuguuk che myach eng' poisyennyi tugul ne yaei eng' kurereetap asiista, eng' peetuusyek tugul che po sabeennyi che ki igoochi `Kamuktaindet ineendet. Amu kebebertanyi niito. 19Ak chii age tugul agine ne ki igoochi Kamuktaindet mogornatosyek ak chaang'indap tuguuk, ak kogoochi kimnateet ne ame tuguuchooto, koip kebebertanyi, ak kobaibaitune poisyennyi; niito anyun ko konunetap Kamuktaindet. 20Amu ma kobwaati miising' peetuusyegap sabeennyi; amu woljin `Kamuktaindet ineendet eng' poiboindap muguleldanyi.

6

Kaimetapkei agobo mogornatosyek

61Mi yaityet ne ki ageer eng' kurereetap asiista, ak nyigiis nooto eng' piik miising': 2chiito ne igoochin `Kamuktaindet mogornatosyek, chaang'indap tuguuk ak teegisto, kot ko marerchin kiy saboondanyi eng' tuguuk tugul che machei, ago ma igoochin Kamuktaindet kimnateet ne ame tuguuchooto, ago amei toondet. Puch niito ak ko myando ne ya. 3Ngot kosich chiito lagok pogol ak kosap kenyiisyek che chaang', si kochang'a peetuusyegap kenyiisyekyik, ago ma piyonyi saboondanyi kiit ne myee, ama tinyei ole kitupchin. Amwae ale kaigai ne ki kioos, kosiir ineendet: 4amu nyoonei puch ak kowendi eng' mesundeito, ak kituchei kainennyi eng' mesundeito, 5ama keer asiista anan konai. Tinyei niito kamuung'et kosiir ni Kai. 6Agot ngo sap kenyiisyek eliphuut konyil aeng', ama paibaitune kiy ne myee, tos ma pendi tugul oldo agenge?

7Po poisyet tugul ne po chiito kutinnyi, ago ma piyonyi. 8Amu tinyei keljinet nee chiito ne utaat kosiir ne perber? Anan tinyei nee chiito ne panan, ne ingen kowendot eng' taitap che saptos? 9Kaigai keereetap konda kosiir mageet ne ombenoti. Puch niito agine ak ko kaimetapkei ne po puch.

10Kiy age tugul ne mi, ko kiga ketoochi kainennyi keny, ak konaat ole uu ng'aleegap chii. Amaimuuchi kotiiyo kiy ak ineendet ne kiim kosiir ineendet. 11Ng'aleek che chaang' kotesei tangoita, ma tesei chii. 12Ng'oo anyun ne ingen kiit ne myee agobo chii eng' sabeennyi, eng' peetuusyek tugul che po sabeennyi ne po puch che poisye ko uu urwet? Ng'oo anyun ne imuuchi komwachi chiito tuguuk che piitu let eng' ineendet eng' kurereetap asiista?

7

Katigonet agobo sabeet

71

7.1:
Kale 22.1
Kaigai kainet ne myee kosiir mwanik che po kamanuutyet ne oo.

Ak kaigai peetuutap meet kosiir peetuut ne kisichei chii.

2Kaigai keba koot ne kiteiye,

kosiir keba koot ne mi igoorta.

Amu nooto kagesunetap piik tugul,

ak konori nooto eng' muguleldanyi chiito ne sabei.

3Kaigai arageneet kosiir roryot,

amu kiboiboi muguleldo eng' arageneetap togeet.

4Mi mugulelwegap che utaatiin koot ne kiteiye,

ago mi mugulelwegap che perber koot ne po poiboiyet.

5Kaigai kegas kereetap kong' ne po chiito ne utaat,

kosiir kegas tyendap piik che perber.

6Amu uu kateretap katook che mi maat ne mi tereet ne kotkotaat,

roryotap chiito ne perber.

Puch niito agine.

7Igoochin iman sastaet chiito ne utaat koberberit;

ak ng'emei `kiit ne kigoigoisye naet.

8Kaigai kagesunetap kiy kosiir taunennyi;

kaigai ne muitoi eng' muguleldonyi kosiir ne meenei.

9

7.9:
Jak 1.19
Amesartae nereek eng' saboondang'ung',

amu tebee nereegek tegetigap che perber.

10Ameteep ile, kilyon si ko korooronitu peetuusyek che po tai kosiir peetuusyechu?

Amu ma iteep agobo niito eng' utaatyet.

11Myee utaatyet ko uu ye myee poroteet.

Ee, myee miising' eng' icheek che keerei asiista.

12Amu riibei piich utaatyet ko uu riibseetap fedhaisyek.

Ago telunatetap naet ko ni, riibei ng'omnateet saboondap chiito ne tinyei.

13Ibwaat poisyetap Kamuktaindet;

tos ng'oo ne imuuchi kolitit kiit ne ki yai ineendet kogunuurit?

14Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

15Ki ageer chooto tugul eng' peetuusyekyuk che po puch. Mi chiito ne po iman ne meitoi imandanyi ak mi chiito ne ya ne sabei keny ak koyaei yaityennyi. 16Ameegu ne tinyei imanda ne siirtoot, anan isich utaatyet miising'; amu nee si ing'emge? 17Ameegu ne ya miising' anan iegu ne perber. Amu nee si imee kotom koit peetuung'ung'? 18Karaaran iguiye niito komyee, ameistoe eung'ung' ng'olyoondoni agine; amu ineendet ne iywei Kamuktaindet komang'une chooto tugul.

19Utaatyet ko kimnateetap chiito ne utaat ne siirei pounik taman che mi nganaseet.

20Iman, ma mi chii ne po iman eng' ng'wony, ne yaei ne myee ama yaei tengekto. 21Ameepchi iit kogeny ng'aleek tugul che kimwaei, si me kas kochubin otwogindeng'ung'. 22Amu ingen agine muguleldang'ung' konyil che chaang' kole ki ichup aginye alak ko uu nooto.

Soometap naet

23Ki ageer chuuto tugul eng' ng'omnateet ak ki ale, “Ang'omitu”, ago kilooena utaatyet. 24Kiit ne mi, komi ye loo ak ki wo oriit miising'; ng'oo ne imuuchi konyoor? 25Ki aweege ak kimach muguleldanyu konai ak kosyach ak kocheeng', utaatyet ak ole teptoi tuguuk, ak konai kole yaityet ko perberyo, ak kole perberyo ko iywek.

26Ak anyooru kiit ne ng'waan kosiir meet, nooto kwony ne muguleldanyi ko mesteet ak regereywot ak ko uu eunekyik ratuut. Age tugul ne iboiboi Kamuktaindet kochililee kwonyooto, ago namei `kwonyooto kiptengekyot. 27Ogeero, ki anyooru niito, mwaei Amdoindet, ki atuiye kiit age ak age si kobiit anai kieuu. 28Ne ta kocheeng'ei saboondanyu, ago tomo anyooru. Ki anyooru chiito agenge eng' piik eliphuut, ago ma anyooru kwondo eng' chooto tugul. 29Ogeero, ki anyooru niito kityo, ale, ki yai Kamuktaindet chiito kobunji iman; ago kigocheeng' icheek tuguuk che chaang' che taunen.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]