Revised Kalenjin Bible (KAPR)
10

Koroitap tisap: chereng'endet

101Koleenji `Kamuktaindet ne Toroor Musa, “Ui kap Pharaoh. Amu kaauit anee muguleldanyi, ak mugulelwegap otwogikyik, si kobiit abarta kaboorunoichu eng' kwenunnywa. 2Si kobiit omwa kogas lagokwak ak mochogorenikwok ole ki aite Misiriik koek che perber, ak kaboorunoikyuk che ki ayai eng' kwenunnywa, si onai ole aa Kamuktaindet ne Toroor.”

3Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo. 4Keero, ngieesye imete piikyuk koba, ayookyini mutai chereng'endet emeng'ung'. 5Tuchei emet, kot ko mata komuuch chii kogeer ng'wonyut. Amei tuguuk tugul che ng'etunotiin, che kong'etune koigap ropta, ak koam keet age tugul agot chooto katoi ko piityo kogeny eng' emet. 6Nyiei kooriguk, kooriigap otwogiguk ak che po Misiriik tugul. Chaang'itu ne ki tomo kogeerei kwanisyeguk anan aguiywogiguk, kobooch peetuut ye kingo piit agoi ra.’ ” Ak kiwelelgei kwo eng' ole mi Pharaoh.

7koteebee otwogikyik Pharaoh koleenji, “Egu mesteet chiichi eng' acheek kot kotyanit? Igoochi piik koba, koba koboisyechi Kamuktaindet ne Toroor Kamuktaindennywa. Tos tomo inai ile kogome Misiri?” 8Eng' nooto anyun, ko ki kimutyi Musa ak Aron Pharaoh kogeny, ak ki leenji `ineendet icheek, “Oba, oboisyechi Kamuktaindet ne Toroor Kamuktaindeng'wong'. Ago anyun ngorcho che pendi?” 9Kowolji Musa koleenji, “Kibendi kobooto neranikyok, ak poisyekyok, ak weeriikyok, ak tiibiikyok. Kikwerye neekyok ak tuukyok amu kanyool keyachi Kamuktaindet ne Toroor igoorto.” 10Ak ki `leenji ineendet icheek, “Ingotep iman Kamuktaindet ne Toroor kobootok ngot achamwok obe kobooto lagokwok. Tagunoot keele otinye mageet ne ya. 11Ma uu nooto. Ma chamwok omut lagokwak. Oba okweegei murenik, obe oboisyechi Kamuktaindet ne Toroor; amu nooto ne omache.” Ak ki kioon Musa ak Aron komong' eng' ole mi Pharaoh.

12Koleenji `Kamuktaindet ne Toroor Musa, “Chuul tokyi eung'ung' emetap Misiri si kobwa chereng'enyinik kotogos emetap Misiri, kotogos koam keet age tugul ne tuon ne po emet. Koam agot tugul che kong'etune koigap ropta.” 13Kochuul anyun Musa eunnyi ak kotokyi kiroktonyi emetap Misiri. Kogoon Kamuktaindet ne Toroor usoonet ne punu kong'asiis kousyi emet peetuunooto komugul, ak kemout komugul, ak kingo eech, koip usoonetap kong'asiis chereng'endet. 14

10.14-15:
Ng'a 9.2-3
Ki togos chereng'endet kobookyi emet komugul ne po Misiri, ak ki ru eng' ng'wonyutap emet tugul ne po Misiri. Ki koroomen kot ak ki tomo kobiitu chereng'endet ne uu nooto, ama kobiitu kogeny ne uu nooto. 15Amu ki tuch emet komugul, kot koimenit. Ki am keet age tugul ne tuon ne mi emet, ak logoek tugul che po keetiik che ki ng'etune koigap ropta. Ki ma ng'et keet age tugul ne nyaliil, anan keet age tugul ne tuon ne mi timiin, eng' emet komugul ne po Misiri. 16Ki iyookto anyun Pharaoh keguur Musa ak Aron eng' chokyinet, ak koleenji, “Kaayachi tengekto10:16 Tengekto: Ooreetap ng'olyoondoni eng' Hebranik ko kibut anan kichilil ma kinyoor (20:20). Eng' yu ko uu eng' komosta age eng' arorutyet ne po tai, komwae agobo pistoet ne kibistoe Pharaoh Kamuktaindet ne Toroor. Kamuktaindet ne Toroor Kamuktaindeng'wong', ak kaayaiywok okweek. 17Nooto anyun, asaain ale nyoiywo kaat amu tengektonyu niito ineegei, ak osaa Kamuktaindet ne Toroor Kamuktaindeng'wong', koistoena meoni kityo.” 18Ki wo eng' ole mi Pharaoh, kwo kosa Kamuktaindet ne Toroor. 19Ki wol Kamuktaindet ne Toroor usoonet ne kiim miising' kousune cherongo, ne ki ip chereng'endet, ak koon kwo Araraita ne Piriir ak ki ma ng'et chereng'endet agot agenge eng' emet komugul ne po Misiri. 20Ago ki iuit `Kamuktaindet ne Toroor muguleldo ne po Pharaoh, kouiit si ma meto piigap Israel koba.

Koroitap sogool: Tuindo ne kitui miising'

21Yeityo koleenji `Kamuktaindet ne Toroor Musa, “Chuul eung'ung' tokyi kipsengwet, si kobiit mesundeito eng' emetap Misiri, mesundeito ne kitung'dung'yoti.” 22

10.22:
T.Kal 105.28; Ng'a 16.10
Ki chuul anyun Musa eunnyi kotokyi kipsengwet, ak ki piit mesundeito ne oo miising' eng' emet komugul ne po Misiri eng' peetuusyek somok. 23Ki ma imuuch chii kogeer chii eng' Misirik, ak ki ma ng'eet chii eng' ye tebee eng' peetuusyechooto somok. Ago kilapkeen meng'otosyek tugul che po piigap Israel.

24Ki kuur `Pharaoh Musa yeityo koleenji, “Oba, oboisyechi Kamuktaindet ne Toroor. Omut lagokwok kobootok ago omete neekwok ak tuukwok kotebi.” 25Ago ki leenji Musa, “Kanyool kora ichamwech che kienyei ak kagoochinoik che kibeelei, si kobiit keeng'ji tiseiywot Kamuktaindet ne Toroor, Kamuktaindennyo. 26Kikwerye akwotisyekyok ak icheek. Ma ng'etu agot agenge. Amu chooto che kekwerye si keboisyechine Kamuktaindet ne Toroor, Kamuktaindennyo amu ma kingen kiit ne kanyool keboisyechine Kamuktaindet ne Toroor, agoi tuun keit olooto.”

27Ago ki iuit `Kamuktaindet ne Toroor muguleldap Pharaoh, ak ki ma chamji inee Pharaoh icheek koba. 28Ki leenji Pharaoh Musa, “Pet eng' ole ami, ak iriipkei, ama ta igeera togoch kogeny, amu imee eng' peetuut ne igeere togeennyu.” 29Kowolji Musa agine koleenji, “Kaimwa komyee; ma ageerin togoch kogeny.”

11

Koroitap taman: Pareetap kiboretook

111Ki leenji `Kamuktaindet ne Toroor Musa, “Kang'et koroito agenge neta aipchini Pharaoh ak Misiriik, ak ye ibata kochamwok obe eng' olito. Ye kagochamwok obe, koonok omande ne matiny. 2Mwachi anyun piik kogas komyee ileenji kosoom chii age tugul chiitap kokwennyi tuguuk che po fedha ak che po thahabu.” 3Ki yai Kamuktaindet ne Toroor anyun piik konyoor chameet eng' Misiriik. Ne siirei nooto, ko kitagunoot miising' Musa eng' emetap Misiri eng' taitap otwogigap Pharaoh ak eng' taitap piik.

4Ki leenji `Musa Pharaoh, “Kamwa Kamuktaindet ne Toroor kole: alabuli Misiri ko neegit kemoi kween. 5Pegu anyun kiboretook tugul eng' emetap Misiri kobooch taita ne po Pharaoh ne tebee ng'echereetap pounateet agoi taita ne po kwondo ne otwogindet ne ng'aisei. Agot kirgit age tugul ne twatei tyony age tugul, kobegu. 6Piitu kateiyet ne oo ne kitom kobiitu eng' emetap Misiri komugul ak ma kobiitu ne uu nooto kogeny. 7Ago eng' piigap Israel koma mi agot seset ne imuuchi koseng'eng'ji chii anan tyony. Si kobiit onai ole ibestos `Kamuktaindet ne Toroor Misiriik ak Israel. 8Yeityo kochoorgei anyun otwogichuguk kobwa ole ami ak kong'uruukso eng' tainnyu eng' konyit ne oo, koleen, ‘Mande inyee ak piik tugul che isubin.’ Ye ibata nooto, awe amande anyun.” Kingo pata kwo Musa eng' ole mi Pharaoh eng' nereegek che laldos.

9Ki leenji `Kamuktaindet ne Toroor Musa, “Eesyoi Pharaoh kogasak, asi kobiit kotesagis kochang'a kwang'utikyuk eng' emetap Misiri.” 10Nganda ki yai Musa ak Aron kwang'utichuuto tugul eng' taitap Pharaoh, ko ki iuit `Kamuktaindet ne Toroor muguleldap Pharaoh ak ki ma chamji piigap Israel koba eng' emennyi.

12

Igoortap Paska.

121

12.1-13:
A.La 23.5; Kai 9.1-5; 28.16; NKNg'a 16.1-2
Ki ng'alaalji `Kamuktaindet ne Toroor Musa ak Aron eng' emetap Misiri, koleenji, 2“Egu eng' okweek arawani taunetap arawek ak koek arawet ne po tai eng' kenyiit. 3Omwachi tuiyet komugul ne po Israel oleenji eng' peetuutap taman ne po arawani, konam chii age tugul eng' koot age tugul aarwet ko uu ole tee kooriigap kwanisyekwak. 4Ngo ng'ering' piik eng' kapchii ne ma imuuchi koam arwanooto, konyolu anyun koyomogei ak chiitap kokwennyi ko uu koitetap piik. Yeityo kolewen aarwet koiityin chii age tugul che tee che imuuchi koam. 5Egu arweng'wong' mengit ne libwoop ne ma siirei kenyiit agenge. Oleweni arwanooto eng' keechiirek anan ko ng'oroorek. 6Yeityo otabaan agoi koit peetuutap taman ak ang'wan ne po arawaniito, si koeny anyun piigap Israel aarekwak eng' koskoleng'utap peetuunooto. 7Ingonam icheek anyun korotiik ak koilee tugatugik tuwai ak rateiywotap tugatuk eng' koot age tugul ne ki ame arwanooto. 8Amei kemounooto panyechooto kagibeel eng' ma, koamdoi magatiinik che ma kinde mermereek kobooto ingweek che ng'woneen. 9Amoam ko tuonen, amat oyo agot kitigin eng' peek, ago obeele eng' ma metit, keelyek ak tuguugap ke. 10Ne siirei nooto ko mat kong'et agot kitigin kot koeekyi. Ago ne kang'et agoi koeech obeel eng' ma. 11Oame anyun ko kaoratkei, ko kaolaach kweonikwok, oting'e eunekwok kirokweek ak oam ochokyini. Niito ko paska ne po Kamuktaindet ne Toroor. 12Amu eng' kemounooto, abunoti kwenutap emetap Misiri, ak abar kiboretook tugul eng' emonooto, che po piik ak che po tai tyong'ik ak arwookyi kamuktaik tugul che po Misiri. Aa Kamuktaindet ne Toroor. 13Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri, 14
12.14-20:
Kom 23.15; 34.18; A.La 23.6-8; Kai 28.17-25
Egu peetuuniito peetuutap kabwaatet eng' okweek. Oriip kobunji igoorto ne po Kamuktaindet ne Toroor ak oyai igoorito koek ng'atuutyet eng' ibinwekwok tugul agoi koigeny. 15Oam magatiinik che ma kinde mermereek peetuusyek tisap. Oistoi eng' peetuut ne tai mermereek eng' kooriikwok. Amu king'etoi age tugul eng' Israel ne kaam magatiinik che mi mermereek eng' kong'etee peetuut ne po tai agoi ne po tisap. 16Peetuut ne po tai ak ne po tisap ko egu eng' okweek peetuutap kayumetapkei ne itabaanat ne tiliil. Ma kiyaei poisyo age tugul eng' peetuusyechooto, kobatee kochop chii age tugul amitwogik che amei. 17Oriip igoori po magatiinik che ma kinde mermereek amu ki eng' peetuuni ne ki among'u lugosyekwok komang'une emetap Misiri. Amu nooto anyun oriip ak oyai igoori eng' peetuuniito eng' ibinwekwok tugul ak koek ng'atuutyet ne po koigeny. 18Oame anyun magatiinik che ma kinde mermereek eng' arawet ne po tai eng' koskoleng'utap peetuutap taman ak ang'wan agoi koskoleng'utap peetuutap tiptem ak agenge. 19Ma kinyoorchin kooriikwok mermereek eng' peetuusyechooto tisap: King'etoi eng' Israel age tugul ne amei ne kaginde mermereek, ngo ne kiprutoiyo anan ko ne ki kisikyin emoniito. 20Moame kiy age tugul ne kaginde mermereek. Oame magatiinik che ma kinde mermereek eng' meng'otosyekwok tugul.”

Paska ne tai.

21Ki kuur anyun `Musa poisyek tugul che po Israel ak koleenji, “Oba olewenote eng' akweetap keechiirek kobeate kapchii ak oeeny koek tiseiywotap paska. 22Onam ratuutyetap keetiik che kiguure husop,12:22 Husop: Keet ne ming'in ne ki kiguure “marchoram.” Tinye taaptook che samum eng' ye pekyin temennyi. ak orooch korotiik che mi taabeet ak oise korotichooto rateiywotap tugatuk ak tugatugik tuwai. Amat komanda chii saang' agoi koeech. 23

12.23:
Heb 11.28
Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak. 24Oriibe anyun ng'olyoondoni koek ng'atuutyet ne po koigeny eng' inyee ak weeriiguk. 25Ak ye tuun oit emet ne koonok Kamuktaindet ne Toroor ko uu ye ki koaror oriip anyun igoorito. 26Ye tuun teebenak lagokwok, kole, ‘Po nee igoorito?’ 27Oleenji anyun icheek, ‘Tiseiywot ni ne po paska ne kigonyite Kamuktaindet ne Toroor ne kisiirtoe kooriigap piigap Israel ak kosar eng' Misiri ye kingo parei Misiriik.’ ” Ak ki ing'uruukso piik kolas Kamuktaindet ne Toroor. 28Ki pa anyun piigap Israel koyai ko uu ye kiga ng'at `Kamuktaindet ne Toroor Musa ak Aron.

Pareetap taiywegap tugul eng' Misiriik.

29Kingo it kemoi kween, kobar Kamuktaindet ne Toroor kiboretook tugul eng' emetap Misiri kobooch taita ne po Pharaoh agoi taita ne po luulenet ne ki rataat eng' korgoreet ak tugul che kitwatei tyong'ik. 30Ki ng'eet anyun Pharaoh kemoi kobooto otwogikyik tugul ak Misiriik tugul. Ki piit kateiyet ne oo eng' Misiri amu ki ma ng'et koot agot agenge ne ki ma mee chii. 31Eng' kemounooto, ko ki iyookto Pharaoh keguur Musa ak Aron koleenji, “Ong'eetyee ak obe eng' oldap piikyuk okweek kobooto piigap Israel. Oba, oboisyechi Kamuktaindet ne Toroor ko uu ye ki omwa. 32Okweri keechiirekwok ak tuukwok ak obe, ak oberuura agane.”

33Ki ichirchir `Misiriik piik kochaakta komanda eng' emet, amu ki le, “Ngo mobe kebegu tugul.” 34Ki nam anyun piik magatiinik che tuonen che tomo kinde mermereek ak tereenikwak che kikwang'e ak ye kingo kagorate ngoroikwak, konde tigigoikwak kola. 35

12.35-36:
Kom 3.21-22
Ki yai piigap Israel ko uu ng'olyootap Musa, ki soom Misiriik tuguugap fedha ak thahabu ak ngoroik. 36Ki igoochi `Kamuktaindet ne Toroor Misiriik kocham Yahudik, ak ki igoochi kiy age tugul ne ki soom. Amu nooto, ko ki nyaban anyun Yahudik tuguugap Misiriik.

Komondoi piigap Israel eng' Misiri.

37Ki pa anyun piigap Israel kong'eetyee Rameses agoi koit Sukoth. Ki neegit murenik eliphuusyek pogol lo che ki pendi eng' keelyek, koma ki itito kwonyiik ak lagok. 38Ki pa kobooto icheeget tuiyet ne oo ne po piik alak tugul che teerchiin;12:38 Che teerchiin: Kiprutoinik che ma piigap Israel. Piigap pororyosyek alak anan ko otwogik (Neh 13:3, Jer 25:20, 24). kobooto keechiirek ak tuuga che chaang'. 39Ki peel magatiinik che tuonen che mengeechen che ki ma kinde mermereek che ki ibune Misiri. Ki ma kinde mermereek amu ki kioon eng' Misiri ak ki mata komuuch konyoor poroindo ne chopchinegei amitwogik alak tugul. 40

12.40:
Tau 15.13; Gal 3.17
Kiga kotebi anyun piigap Israel eng' Misiri kenyiisyek pogol ang'wan ak sosom. 41Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri. 42Kemounooto ki riip Kamuktaindet ne Toroor ak kosar piigap Israel, ko egu kemout ne kanyool kibwaate Kamuktaindet ne Toroor amu ki imut icheek komong' eng' emetap Misiri. Niito ko kemoutap Kamuktaindet ne Toroor ne ibwaati piigap Israel tugul eng' ibinwekwak tugul.

Ng'atuutyet agobo paska.

43Ki leenji `Kamuktaindet ne Toroor Musa ak Aron, “Che isubu ko ng'atuutik che po paska: Ma amei too ne ma agenge eng' piigap Israel, 44ago otwogindet ne po chii age tugul ne ki kiale silingisyek ne kigeyatita, kechamji koam. 45Ma amei punootyot anan otwogindet ne nyooru melekto. 46

12.46:
Kai 9.12; Jhn 19.36
Kiame koot agenge; amat oip peeny komanda saang' agot kitigin. Amat oiri kawet age tugul. 47Kanyool anyun koyai ko uu nooto Israel komugul. 48Ago ngo rutochin kiprutoiyot ne machei koboiboenji paska ne po Kamuktaindet ne Toroor, ko kanyool kimuratan muren age tugul ne mi kobooto ineendet. Yeityo koriikyi anyun eng' yooto ak koriip, ak kogergeit ak ne ki kisikyi emeng'wong'. Ago among' koam chii age tugul ne ma kiyatita. 49Ng'atuutyet niito ko agenge ak kogergei eng' ne ki kisikyin emeng'wong' ak eng' ne toondet ne rutochinok.” 50Ki yai piigap Israel tugul ko uu ye ki ng'at `Kamuktaindet ne Toroor Musa ak Aron. 51Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]