Revised Kalenjin Bible (KAPR)
1

Koweeksei `Yahudik Jerusalem

11

1.1:
Jer 25.11; 29.10
Eng' kenyiit ne po tai ne po Cyrus laitoryatap Persia, si kobiit kosulda ng'olyootap Kamuktaindet ne Toroor ne ki mwa eng' kutitap Jeremiah, ko ki ichirchir `Kamuktaindet ne Toroor Cyrus laitoryatap Persia komwaita eng' laitornatennyi tugul ak kosiir kole: 2
1.2:
Isa 44.28
“Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah. 3Ingotogosta Jerusalem ne mi Judah age tugul eng' okweek che oo piikyik, ak ingotep Kamuktaindennyi kobooto ineendet. Ingwo koteekyi koot Kamuktaindet ne Toroor, Kamuktaindetap Israel (ineendet ko Kamuktaindet) ne mi Jerusalem. 4Ak chii age tugul ne kang'et eng' oldo tugul ole menyei, ko ingotoret piigap oldanyi chiichooto eng' fedha, thahabu, tuguuk ak tuuga kobooto kagoochinoik che po chamyet agobo kootap Kamuktaindet ne mi Jerusalem.’ ”

5Ki ng'eetyo anyun che eecheen eng' kandoigap kooriigap kwanisyek che po Judah ak Benjamin ak tisiik, kobooto Lawiik, ak tugul che ki ing'eet Kamuktaindet saboonwekwak kotogosta koba koteech kootap Kamuktaindet ne Toroor ne mi Jerusalem. 6Ki igoochi tugul che ki mi ak icheek tuguuk che po fedha, thahabu, kobooto tuguuk che toretegei, tuuga ak tuguuk che po kamanuutyet ne oo, kobooto kagoochinoik tugul che kiga kigoochi eng' chamyet.

7Ne siirei ko ki inem Laitoryat Cyrus tuguuk che po kootap Kamuktaindet ne Toroor, che kiga koip Nebukadnezar eng' Jerusalem ipkonde kootap kanamonikyik. 8Ki ip chooto Cyrus laitoryatap Persia eng' eutap Mitredat konorindet ak koiityi Sesbasar, pounindetap Judah. 9Chu ko koitetap tuguuchooto: taabook sosom che po thahabu, taabook eliphuut che po fedha ak rotonik tiptem ak sogool; 10taabook sosom che mengeechen che po thahabu, ak taabook alak che mengeechen pogol ang'wan ak taman che po fedha ak tereenik alak eliphuut agenge. 11Tereenik tugul che po thahabu ak fedha, ko ki ek eliphuusyek muut ak pogol ang'wan. Ki ip Sesbasar chuuto tugul kotogos, ye ki kimutu luulenik kotogos kobunu Babilon kobwa Jerusalem.

2

Kainaigap piik che ki week kobooto Zerubabel

(Neh 7:4-73)

21Chu anyun ko piigap emonooto che kiga togos kobunu ole kiga kiluulji, che kiga iluul Nebukadnezar laitoryatap Babilon koba Babilon; che kiweegis koba Jerusalem ak Judah, kwo chii tugul nganasennyi. 2Kigabwa icheek kobooto Zerubabel, Jeshua, Nehemiah, Seraiah, Reelaia, Mordekai, Bilsan, Mispar, Bigbai, Reum ak Baanah.

Koitetap murenigap piigap Israel: 3Lagogap Paros ko ki eliphuusyek aeng' ak pogol ak tamanwogik tisap ak aeng'. 4Lagogap Shepatiah ko ki pogol somok ak tamanwogik tisap ak aeng'. 5Lagogap Ara ko ki pogol tisap ak tamanwogik tisap ak muut. 6Lagogap Pahat-moap, eng' lagogap Jeshua ak Joab, ko ki eliphuusyek aeng' ak pogol sisiit ak taman ak aeng'. 7Lagogap Elam ko ki eliphuut agenge ak pogol aeng' ak konom ak ang'wan. 8Lagogap Satu ko ki pogol sogool ak artam ak muut. 9Lagogap Sakai ko ki pogol tisap ak tamanwogik lo. 10Lagogap Bani ko ki pogol lo ak artam ak aeng'. 11Lagogap Bebai ko ki pogol lo ak tiptem ak somok. 12Lagogap Askad ko ki eliphuut agenge ak pogol aeng' ak tiptem ak aeng'. 13Lagogap Adonikam ko ki pogol lo ak tamanwogik lo ak lo. 14Lagogap Bigbai ko ki eliphuusyek aeng' ak konom ak lo. 15Lagogap Adin ko ki pogol ang'wan ak konom ak ang'wan. 16Lagogap Ater, che po Hezekiah, ko ki tamanwogik sogool ak sisiit. 17Lagogap Besai ko ki pogol somok ak tiptem ak somok. 18Lagogap Jora ko ki pogol agenge ak taman ak aeng'. 19Lagogap Asum ko ki pogol aeng' ak tiptem ak somok. 20Lagogap Gibar ko ki tamanwogik sogool ak muut.

21Lagogap Bethlehem ko ki pogol agenge ak tiptem ak somok. 22Murenigap Netopa ko ki konom ak lo. 23Murenigap Anatoth ko ki pogol agenge ak tiptem ak sisiit. 24Lagogap Asmabet ko ki artam ak aeng'. 25Lagogap Kiriath-arim, Kepira, ak Beerot, ko ki pogol tisap ak artam ak somok. 26Lagogap Ramah ak Geba ko ki pogol lo ak tiptem ak agenge. 27Murenigap Mikmas ko ki pogol agenge ak tiptem ak aeng'. 28Murenigap Bethel ak Ai ko ki pogol aeng' ak tiptem ak somok. 29Lagogap Nebo ko ki konom ak aeng'. 30Lagogap Magbis ko ki pogol agenge ak konom ak lo. 31Lagogap Elam age, ko ki eliphuut agenge ak pogol aeng' ak konom ak ang'wan. 32Lagogap Harim ko ki pogol somok ak tiptem. 33Lagogap Lod, Hadid, ak Ono, ko ki pogol tisap ak tiptem ak muut. 34Lagogap Jeriko ko ki pogol somok ak artam ak muut. 35Lagogap Senaa ko ki eliphuusyek somok ak pogol lo ak sosom.

36Tisiik: lagogap Jedaiah, che po kootap Jeshua, ko ki pogol sogool ak tamanwogik tisap ak somok. 37Lagogap Imer ko ki eliphuut agenge ak konom ak aeng'. 38Lagogap Pasur ko ki eliphuut agenge ak pogol aeng' ak artam ak tisap. 39Lagogap Harim ko ki eliphuut agenge ak taman ak tisap.

40Lawiik: lagogap Jeshua ak Kadmiel, che po lagogap Hodabiah, ko ki tamanwogik tisap ak ang'wan.

41Tyeniik: lagogap Asaph ko ki pogol agenge ak tiptem ak sisiit.

42Lagogap riibiigap kurgotik: lagogap Shallum, lagogap Ater, lagogap Talmon, lagogap Akub, lagogap Hatita, lagogap Sobai, ki ek tugul pogol agenge ak sosom ak sogool.

43Otwogigap Hekaluut: lagogap Siha, lagogap Hasupa, lagogap Tabaot; 44lagogap Keros, lagogap Siaa, lagogap Padon; 45lagogap Lebana, lagogap Hagaba, lagogap Akub; 46lagogap Hagap, lagogap Samlai, lagogap Hanan; 47lagogap Gidel, lagogap Gahar, lagogap Reaiah; 48lagogap Rezin, lagogap Nekoda, lagogap Gasam; 49lagogap Uzzah, lagogap Pasea, lagogap Besai; 50lagogap Asna, lagogap Meunik, lagogap Nepisik; 51lagogap Bakbuk, lagogap Hakupa, lagogap Harur; 52lagogap Baslut; lagogap Meida, lagogap Harsa; 53lagogap Barkos, lagogap Sisera, lagogap Tema; 54lagogap Nesia, lagogap Hatipa.

55Lagogap otwogigap Solomon: lagogap Sotai, lagogap Hasoperet, lagogap Peruda; 56lagogap Jaala, lagogap Darkon, lagogap Gidel; 57lagogap Shepatiah, lagogap Hatil, lagogap Pokereth-hasebaim, lagogap Ami.

58Otwogigap Hekaluut tugul ak lagogap otwogigap Solomon, ko ki pogol somok ak tamanwogik sogool ak aeng'. 59Chu ko che ki togosta eng' Tel-mela, Tel-harsa, Kerub, Adan ak Imer. Ago ki ma imuuch koboor kooriigap kwanisyekwak ak iyotennywa, ngo ki po Israel. 60Lagogap Delaiah, lagogap Tobia, lagogap Nekoda, ko ki ek pogol lo ak konom ak aeng'. 61Ak che po lagogap tisiik: Lagogap Habaia, lagogap Hakos, lagogap Barsilai, ne ki itun osotyot ne po tiibiigap Barsilai Gileadindet ak ki kimwaitae kainennywa. 62Ki cheeng' chuuto kiit ne ki kisirchi kainaikwak, kobee tetuutigap ibinwek che ki kosiirto, ago ma kinyoor: amu nooto ki kiit koek che ng'woneen ak ki kiistoe tiseinateet. 63

2.63:
Kai 27.21
Ak ki leenji Tirsata icheek, ma nyooljin koam tuguuk che tiliileen miising', kot kobiit tisiindet ne tinyei Urim ak Tumim.

64Ki ek tuiyet tugul eliphuusyek artam ak aeng' ak pogol somok ak tamanwogik lo, 65koma pooto otwogikwak che murenik ak che tiibiik, ki ek chooto eliphuusyek tisap ak pogol somok ak sosom ak tisap. Ki tinyei tyeniik che murenik ak kwonyiik pogol aeng'. 66Paraisisyekwak ko ki pogol tisap ak sosom ak lo. Nyumbokwak ko ki pogol aeng' ak artam ak muut; 67tambeesikwak ko ki pogol ang'wan ak sosom ak muut. Sigiroik ko ki eliphuusyek lo ak pogol tisap ak tiptem.

68Kingo pwa kootap Kamuktaindet ne Toroor ne mi Jerusalem, kandoigap kooriigap kwanisyek, kogoito tuguuk eng' chamyet si keteege kootap Kamuktaindet eng' ole kimi. 69Ki igoito ko uu kamugennywa, darkoni eliphuusyek tamanwogik lo ak agenge che po thahabu, ratilisyek eliphuusyek muut che po fedha ak ngoroik pogol agenge che po tisiik koba ole kigonoree tuguuk. 70

2.70:
1A.Pet 9.2; Neh 11.3
Ki meny anyun nganasookwak tisiik, Lawiik, piik alak, tyeniik, riibiigap kurgotik, otwogigap Hekaluut ak Israel tugul eng' nganasookwak.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]