Revised Kalenjin Bible (KAPR)
2

Paulo ak che kiyooktoi alak

21

2.1:
Poi 11.30; 15.2
Kingo pata anyun kenyiisyek tamanu ak ang'wan atogoste kogeny awe Jerusalem kobooto Barnaba, amuti Tito agine. 2Ak ki atogoste eng' ng'ang'utyet; ak ki atetyi icheek logoiywek che myach che aamdooti eng' kwenutap Pororyosyek, ago eng' ung'oot eng' icheeget che taagunotiin, si ma egu, eng' oor age tugul, ne alabati puch, anan ne kialabat puch. 3Ago ma kibirchi Tito, ne Yunanindet, ne ki mi kobooto, keele kimuratan: 4amu tupchosyek che po lembech che ki kimut kobwa oriit eng' ung'oot, che ki mong' eng' ung'oot kosegei katyagennyo ne ki tinyei eng' Kristo Jeso, si kobiit kondeech otwoknateet: 5eng' icheeget che ki ma ki kas iit, agot eng' sait agenge; si kobiit kotebi imanitap logoiywek che myach kobootok.

6

2.6:
NKNg'a 10.17
Ago icheeget che ki kiiti keele taagunotiin (ngo uu ole teptoi icheek, koma kiy eng' anee: ma tiytiy Kamuktaindet chii) - amwae ale, ma teswa kiy icheeget cho taagunotiin. 7Ago ye kingo keer icheek kole ki kigoono ariip logoiywek che myach agobo icheeget che ma kimuratani, ko uu Petero agine eng' che kimuratani 8(amu ineendet ne ki imuktoochi Petero koek kayooktoindet eng' che kimuratani, ko ki imuktaiwa agane ko uu nooto agobo Pororyosyek); 9ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani; 10kobatee kimakwech icheek kibwaat kibananook; kioto ne ki ating'ee kagiiletapkei agane ale ayai.

Kogerei kong' `Paulo Petero eng' Antiok

11Ago ye kingo nyo Kepa Antiok, agirinde ineendet kimni, amu ki nyoljin ineendet kirwooget. 12Amu ye kitom kobwa alage che ki punu kap Jakobo, kogiamisyei ak Pororyosyek: ago ye kingo pwa, koweektagei let kotabaangei, koywei icheeget che po kamuratanet. 13Ak ki iberberisyei Yahudik alage ak icheek kobooto ineendet; kot kotito Barnaba agine eng' kaberberisyennywa. 14Ago ye kinga keer ale ma pendoti eng' lititindo ko uu imanitap logoiywek che myach, amwachi Kepa eng' tainnywa tugul aleenji, Ngot ko inyee, ne ii Yahudyot, itebye ko uu Pororyosyek, ak ma ko uu Yahudik, ibirchindoi ano Pororyosyek koigei Yahudik?

Kisaru Yahudik ak Pororyosyek eng' kayaneet

15Acheek che ki Yahudik eng' sigeet, ama ki kiptengeginik che po Pororyosyek, 16

2.16:
T.Kal 143.2; Rom 3.20,22
ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet. 17Ago, ye kita kecheeng'e kiityech imanda eng' Kristo, kenyoorwech ak acheek keele ki kiptengeginik, tos Kristo kogiboityotap tengek? Achicha, ma uu nooto. 18Amu ngot ateech kogeny tuguuchooto che kiga abut, ko kabartegei ale aa pistoindet. 19Amu anee, ko ki amechi Ng'atuutyet eng' Ng'atuutyet, si kobiit asap eng' Kamuktaindet. 20Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee. 21Ma wale myeeindap Kamuktaindet koek puch; amu nda punu imanda Ng'atuutyet, kogime Kristo puch.

3

Ng'atuutyet anan Kayaneet

31Ee Galatiechu perberen, ng'oo ne kibanak, okweek che ki kinde Jeso Kristo taitap konyekwok kotook keele ki kigartaat? 2Ni kityo ne amache aneetenagei, Ki otaach Kabuuset ne Tiliil eng' poisyonigap Ng'atuutyet, anan eng' kaseet ne po kayaneet? 3Tos kaagaa oo perberen ko uu nooto? Ngo ki otau eng' Kabuuset ne Tiliil, omache nguno oegu che ogesunotingei eng' poorto? 4Tos ki onyalilse eng' tuguuk che chaang' puch? Ngot ko puch iman. 5Tos ineendet anyun ne koonok Kabuuset ne Tiliil, ak koyaei kwang'utik eng' kwenung'wong', ko tos yaei eng' poisyonigap Ng'atuutyet, anan eng' kaseet ne po kayaneet?

6

3.6:
Tau 15.6; Rom 4.3
Agot ko uu ye ki iyan `Abraham Kamuktaindet, ak ki kiityi ineendet kobunji imanda. 7
3.7:
Rom 4.16
Ongen anyun ole icheeget che po kayaneet, ko weeriitap Abraham chooto. 8
3.8:
Tau 12.3
Ak kisip kogeer siruutyet kole iityin Kamuktaindet imanda Pororyosyek eng' kayaneet, kogisip koamji logoiywek che myach Abraham, koleenji, Kiberuuri pororyosyek tugul eng' inyee. 9Nooto anyun, kiberuuri icheeget che po kayaneet kobooto Abraham ne iyanaat.

10

3.10:
NKNg'a 27.26
Amu tugul che mi eng' poisyonigap Ng'atuutyet, komiitei eng' chubeet: amu ki kisir keele, Chuboot chii age tugul ne ma tebyei eng' tuguuk tugul che ki kisir eng' bukuitap Ng'atuutyet, keele koyai chooto. 11
3.11:
Hab 2.4
Taagu anyun keele, ma mi chii ne kiityin imanda eng' Ng'atuutyet eng' taitap Kamuktaindet: amu, Sabei ne po imanda eng' kayaneet; 12
3.12:
A.La 18.5
ak ma po Ng'atuutyet kayaneet; ago, Ineendet ne yaei chooto kosabei eng' chooto.

13

3.13:
NKNg'a 21.23
Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit: 14si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

Ng'atuutyet ak Kayomiset

15Che kitupche, amwae ko uu piteetap chii: Agot ngo arorutyetap chii nooto, ko ye kagigimit, koma mi chii ne walei koek puch, anan kotesyi. 16

3.16:
Tau 12.7
Ki kimwachi anyun Abraham arorutichooto, ak keswondennyi. Ma mwaei kole, “Igoochin kesweekyik,” ko uu ye kachang'a; ago ko uu agenge, kole, “Ak eng' keswondeng'ung',” nooto ko Kristo. 17
3.17:
Kom 12.40
Amwae ni anyun ale; Kayomiset ne kisip kogimit Kamuktaindet, nooto Ng'atuutyet ne kinyonei ko kagobata kenyiisyek pogol ang'wan ak sosom, ko mawalei koek puch, keele, si koyai arorutyet koek ne ma tilei kiy. 18
3.18:
Rom 4.14
Amu ngo punu poroteet Ng'atuutyet, koma ko po arorutyet anyun: ago ki igoochi `Kamuktaindet Abraham eng' arorutyet. 19Nee anyun Ng'atuutyet? Ki kites amu pistautik, agoi koit keswoot ye mi ineendet ne kiga kichopchi arorutyonooto; ak ki king'at eng' malakaisyek eng' eutap katuiyoindet. 20Katuiyoindet anyun koma po agenge; ago Kamuktaindet ko agenge.

Kiit ne yaei ng'atuutyet

21Tos kirindoi Ng'atuutyet arorutigap Kamuktaindet? Achicha, ma uu nooto: amu nda kiga kigon Ng'atuutyet ne imuuchi kosoop, ta kibunjin imanda Ng'atuutyet. 22Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

23Ago ye ki tomo konyo kayaneet, ko ki kiriibech eng' Ng'atuutyet. Kiga kiratech agoi koit kayaneet ne kitun keng'aany eng' let. 24Ki ek anyun Ng'atuutyet kaneetindennyo ne imutyinech Kristo, si kobiit kiityech imanda eng' kayaneet. 25Ago nguno anyun, ko kagonyo kayaneet, koma koboiywech kaneetindet.

26Amu okweek tugul ko oo weeriigap Kamuktaindet, eng' kayaneet, eng' Kristo Jeso. 27Amu che tee eng' okweek che ki kibatisanjok Kristo ko ki olaach Kristo. 28Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso. 29

3.29:
Rom 4.13
Ak ngot oo po Kristo, ko oo kesweegap Abraham anyun che namei tuguuk ko uu eng' arorutyet.

4

41Ago amwae ale ye ta ko lakwa ineendet ne tuun namei tuguuk, ko materchin ineendet ak otwogin, agot nganda ineendet ko kiptaiyatap tugul; 2ago mi eng' eutap ng'atik ak riibiik agoi koit peetuut ne king'atyi kwanda. 3Ki uu nooto ak acheek, kingo ta ko ki lagok, ko kigiratotiin eng' kaneetisyosyek che po tai che po ng'wony: 4ago ye kingo it peetuut ne kiyamgei, koyook Kamuktaindet Weeriinnyi, ne ki sich kobogoryot, kosich eng' Ng'atuutyet, 5

4.5-7:
Rom 8.15-17
si kobiit kotyach icheek che kimi eng' Ng'atuutyet, si kobiit keyaech keegu weeriik.

6Ak amu oo weeriik, ko ki iyookyi Kamuktaindet Kabuusetap weeriinnyi mugulelwekyok, ne riirei, kole, “Abba, Kwanda!” 7Eng' nooto anyun ma ko ii otwogindet kogeny, ago ii weeriit; ak ngo ii weeriit ko ii namindet ne po tuguuk eng' Kamuktaindet.

Kolitiiti `Paulo piigap Galatia

8Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman: 9ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny? 10Oriibe peetuusyek, ak arawek, ak ole teptoi peetuusyegap kenyiit, ak kenyiisyek. 11Aiyweisyei agobo okweek, si ma egu ne ki abirtegei puch eng' oor age tugul agobo okweek.

12Asoomok miising', che kitupche, ale otebi ko uu anee, amu anee auu okweek. Ki ma oyaiywo ne ya: 13ago ongen ole ki aamwok logoiywek che myach eng' tai, amu nyalulnatetap poorto: 14ak ki ma osas yoomseet ne ki otinye agobo poortanyu, ama oeesye; ago ki otaacha ko uu malaikaiyatap Kamuktaindet, ko uu Kristo Jeso. 15Mi ano anyun poiboiyonootong'wong'? Amu abaoryanjinok, ale, nda ki imugaksei, ta ki obalu konyekwok ak ogoono. 16Ara anyun tos kaaegu punyondeng'wong', amu kamwaiwok ne po iman? 17Igiiljinogei kocheeng'ok eng' ooreet ne ma myee: ee, machei kole kogerchok saang', si kobiit ocheeng' icheek. 18Ago myee oegu che kicheeng'ok eng' kagiiletapkei peetuusyek tugul agobo kiit ne myee, ak ma ye ami kobootok kityo. 19Lagokyuk che mengech, che anyoorunenok ng'wanindo ne po sigeet kogeny agoi koyaak Kristo eng' okweek, 20ee, katamache ale nda kami kobootok nguno, ak awal kutinnyu; amu aiimigei agobo okweek.

Hagar ak Sara

21Omwaiwo, okweek che omache otebee pounatetap ng'atuutik, tos mogase Ng'atuutyet? 22

4.22:
Tau 16.15; 21.2
Amu ki kisir keele, Ki tinyei Abraham weeriik aeng', age eng' chepto ne otwogin, ak age eng' kobogoryot ne ityagat. 23Ago ki kisich eng' poorto ineendet ne po chepto ne otwogin; ago ki kisich eng' arorutyet ineendet ne po kobogoryot ne ityagat. 24Tuguuchuuto ko kalewenet: amu chuuto ko arorutik aeng'; ki punu age tulweetap Sinai, ne sichei lagok eng' otwoknateet, nooto ko Hagar. 25Ak Hagar niito ko tulweetap Sinai eng' Arabia, ak ibooru Jerusalem ne po nguno: amu mi eng' otwoknateet kobooto lagokyik. 26Ago Jerusalem ne mi parak kotyagat, ne nooto ko kamennyo. 27
4.27:
Isa 54.1
Amu ki kisir keele,

Paibaitu, inyee ne ii soon ne meyie;

Yaas ak iwaach, inyee ne megase ng'wanindap sigisyet:

Amu chaang' lagogap ineendet ne mi ineegei kosiir che po ineendet ne tinyei manong'otyot.

28Acheek anyun, che kitupche, ko ki lagogap arorutyet, ko uu Isak. 29

4.29:
Tau 21.9
Ago anyun, ko uu ineendet ne ki kisich eng' poorto, kogius ineendet ne ki kisich eng' Kabuuset ne Tiliil ko uu nooto anyun agot nguno. 30
4.30:
Tau 21.10
Ago mwaei nee siruutik? Oon kobogoryondoni otwogin ak weeriinnyi: amu ma namei tuguuk weeriitap kobogoryot ne otwogin kobooto weeriitap kobogoryot ne ityagat. 31Nooto anyun, che kitupche, ma ki lagogap kobogoryot ne otwogin, ago ki po kobogoryot ne ityagat.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]