Revised Kalenjin Bible (KAPR)
2

Kateunet

21Eng' nooto anyun kanyool kenam miising' kosiir tuguuchooto ki kegas, si ma kichuchuige. 2Amu ngo tononot ng'olyoot ne ki kimwau eng' malaikaisyek ak kigonyoor pistoet age tugul ak ngelelnateet melekto ne kageerchinet ne po imanda; 3kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas; 4ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.

Tononjinindetap saruunet

5Amu ma igoochi malaikaisyek koboi ng'wonyut ne nyoonei, nooto kimwae. 6

2.6-8:
T.Kal 8.4-6
Ago paoryani chiito age eng' komosta age, kole,

Nee chii, ne tos ibwaat?

Anan weeriitap chii, ne tos irutoochi?

7Ki iyai ineendet koming'init kitigin eng' malaikaisyek;

Ilaakyini ineendet kuutweetap toroornatet ak teegisto,

Ak ki inde koboi poisyonigap euneguk:

8Ki inde tuguuk tugul kogas iit eng' keldebesaigap keelyekyik.

Eng' nooto anyun ko uu ye ki inde tuguuk tugul kogas iit ineendet, ko ki ma ituch kiy ne ma kas iit ineendet. Ago nguno ko tomo kegeer kogas iit tuguuk tugul ineendet. 9Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul. 10Amu kinyolji ineendet, ne mi tuguuk tugul amu ineendet ak kobunu ineendet tuguuk tugul, ye imutyin weeriik che chaang' toroornatet, si koyai taunindetap yetunennywa koek ne ititaat eng' nyalilwogik.

11Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche, 12

2.12:
T.Kal 22.22
kole,

Amwachini kaineng'ung' tupchosyekyuk,

Atyeni kalasuneng'ung' eng' kwenutap tuiyet.

13
2.13:
Isa 8.17,18
Ak kogeny, Amang'u ineendet. Ak kogeny, Keero, anee ak lagok che ki kogoono Kamuktaindet.

14Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet; 15si kobiit kotyach icheek tugul che ki ratotiin peetuusyekwak tugul eng' kaiyweisyetap meet. 16Amu iman ma namei itoondap malaikaisyek, ago ki nam kesweegap Abraham. 17Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik. 18Amu ko uu ye kinyalil ineendet ye ki kiyomei, komuuchi ineendet kotoret icheek che kiyomei.

3

Oo Kristo kosiir Musa

31Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso; 2

3.2:
Kai 12.7
ne ki ek ne kiyani eng' ineendet ne ki lewen, ko uu Musa agine eng' kootap Kamuktaindet tugul. 3Amu ki kiit keele nyoljin toroornatet ne oo kosiir Musa, ko uu ye tinyei ineendet ne kiteechei koot teegisto kosiir koot. 4Amu teechei chiito koot age tugul; ago ineendet ne kiteechei tuguuk tugul ko Kamuktaindet. 5Ak ki ek Musa iman ne kiyani eng' kootap Kamuktaindet tugul ko uu kiboityot, agobo paornateet ne po tuguuchooto che kitun kemwa eng' let; 6ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

Kateunet agobo uuindap muguleldo

7

3.7-11:
T.Kal 95.7-11
Nooto anyun, ko uu ye mwaei Kabuuset ne Tiliil kole,

Ngot ogas kutinnyi rani,

8Ko matouiit mugulelwekwok, ko uu eng' kaiimset,

Ko uu eng' peetuutap yoomseet eng' surkwen,

9Ye kiyoma kwanisyekwok kotyema,

Ak ki keer poisyonikyuk kenyiisyek artam.

10Eng' nooto anyun ki anereekyi ibini,

Ak ki ale, ichiliili kotugul eng' mugulelwekwak:

Ago ki ma kongen ortinwekyuk;

11Ko uu ye ki ayosye eng' nereegekyuk ale,

Ma itei icheek kamuung'ennyu.

12Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei: 13ago oteechigei peetuut age tugul, eng' ye ta kemwaei keele rani; si ma kiuit chii age tugul eng' okweek amu kenisyetap tengekto: 14amu kigeegu yamdoigap Kristo, ngenam miising' taunetap kamang'unennyo agoi kagesunet: 15

3.15:
T.Kal 95.7-8
ye ta kemwaei keele,

Ngot ogas kutinnyi rani,

Ko matouiit mugulelwekwok, ko uu eng' kaiimset.

16

3.16-18:
Kai 14.1-35
Amu ng'oo che kitagis ye kingo kas? Tos ma icheek tugul che ki mang'une Misiri eng' Musa? 17Ak ng'oo che ki nereekyi ineendet kenyiisyek artam? Tos ma icheeget che kichalwogenso, che ki ibutyi muuswekwak surkwen? 18Ak ng'oo che ki iyasyechi ineendet kole ma koi iit kamuung'ennyi, tos ma icheek che ki ingelelso? 19Kigeere anyun keele ki ma imuuch icheek koit amu ma iyan.

4

Kamung'et ak piigap Kamuktaindet

41Ongiywei anyun yo ta komi arorutyet ne keite kamuung'ennyi, si ma leen chii age tugul eng' okweek, mata anyooru. 2Amu ki kiamwech iman logoiywek che myach, ko uu icheeget: ago ma toret icheek ng'olyootap kaseet, amu ki ma namgei ak kayanetap icheeget che kigasei. 3

4.3:
T.Kal 95.11
Amu acheek che ki kiyan keite kamuung'onooto; ko uu ye ki komwa ineendet kole,

Ko uu ye ki ayosye eng' nereegekyuk ale,

Maitei icheek kamuung'ennyu:

agot nganda kiga kogeskei poisyonichooto kobooch ngap kelumda ng'wony. 4

4.4:
Tau 2.2
Amu ki komwa ko uu ni eng' komosta age agobo peetuutap tisap kole, Ak ki imuuny Kamuktaindet eng' peetuutap tisap eng' poisyonikyik tugul; 5
4.5:
T.Kal 95.11
ak eng' yu agine komwa kole, “Ma itei icheek kamuung'ennyu.” 6Eng' nooto anyun amu miitei poroindo ne po alak koit olooto, ak icheek che kiga keamji logoiywek che myach, ko ki mata koit amu ngelelnateet, 7
4.7:
T.Kal 95.7-8
kamwa kogeny agobo peetuut age, komwaei eng' Daudi, ko kagobata peetuusyek alak, kole, “Rani,” ko uu ye kisip kemwa keele,

“Ngot ogas kutinnyi rani

ko mat ouiit mugulelwekwok.”

8

4.8:
NKNg'a 31.7; Jos 22.4
Amu nda kiga kogoochi Joshua icheek kamuung'et, ta ki ma kota komwaei let agobo peetuut age. 9Ng'etunoot anyun kamuung'eetap sabato agobo piigap Kamuktaindet. 10
4.10:
Tau 2.2
Amu ineendet ne kagoit kamuung'eetap Kamuktaindet ko kagomuuny eng' poisyonikyik, ko uu ye ki imuuny Kamuktaindet eng' chechiik. 11Ongigiilgei anyun si keit kamuung'onooto, si ma ibut chii age tugul eng' kergeinooto po ngelelnateet.

12Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo. 13Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

Jeso, Tisiindet Ne Oo

14Amu ki tinyei tisiindet ne oo ne kigochut kipsengwet, Jeso Weeriitap Kamuktaindet, ongenam miising' ng'ang'ennyo. 15Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek. 16Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]