Revised Kalenjin Bible (KAPR)
15

Ng'alaaletap aeng' ne po Eliphas

151Ki wol anyun Eliphas Temanindet kole

2tos nyolu kowol chii ne utaat eng' naet ne po puch?

Anan konyiit moennyi usoonet ne po kong'asiis?

3Tos nyolu korwooch eng' ng'aleek che ma tilei kiy,

anan eng' ng'aleek che ma yaei kiy ne myee?

4Ago imetoi kaiyweetap Kamuktaindet,

ak igirindoi saaet eng' taitap Kamuktaindet.

5Amu ineeti tengektong'ung' kuting'ung',

ak ileweni ng'elyeptap ng'aaliindet.

6Irwoogun kuting'ung', ma anee;

paoryanjinin kuting'ung' kogirindoin.

7Tos inyee chiito ne kisip kesich?

Anan kisip kesichin kotom kobiit tuloonook?

8Tos ki igas kirwoogutigap ung'oot che po Kamuktaindet?

Ak iityinige inyegei utaatyet?

9Nee ne ingen ne ma kingen?

Nee kaguiyet ne itinye ne ma ki tinyei?

10Ki mi ak poisyek che po kalwalek ak che ki koosegitu miising',

che oosen miising' kosiir kwandang'ung'.

11Tos nyerootiin kagaigaosyegap Kamuktaindet eng' inyee,

anan ma kiy eng' inyee ng'olyootap mutyonet?

12Amu nee si kobeetin muguleldang'ung',

ak amu nee si komismis konyeguk,

13kot iwal muguleldong'ung' kongelelji Kamuktaindet,

ak icham komang'une kuting'ung' ng'aleek che uu chooto?

14

15.14-16:
Job 25.4-6
Nee chii, kot kotiliilit?

Ak nee ineendet ne sichei kwondo kot kiit keele po imanda?

15Ngo ma imang'u Kamuktaindet piikyik che tiliileen;

ak ngo ma tiliileen kipsengwet eng' tainnyi,

16kotam nee ineendet ne kewechei ak ko samis,

chii ne eei tengekto ko uu peek!

17Kasa anyun asi aboorun,

ak amwaun tuguuk che ki ageer,

18che kimwau piik che ng'oomen,

ama uny kiy kobun kwanisyekwak.

19Che ki kigoochi emet icheegei,

ama mi too ne kibunei kwenunnywa.

20Kasei ng'wanindo kiptengekyot eng' peetuusyekyik tugul,

kenyiisyek tugul che ki kigonorchi usiindet.

21Mi itiikyik tuugeetap kamuisosyek;

ibookyin ineendet `luulindet eng' peetuusyekyik che po poroteet.

22Ma iyani kole weeksei eng' mesundeito,

ak igeni rotwetap chok ineendet.

23Ombenoti kocheeng'oti amitwogik ak koleen, mi ano?

Ingen ineendet kole kagoriikyi peetuut ne po mesundeito.

24Imui nyalilda ak ng'wanindo;

iterteeri `icheek ineendet, ko uu laitoryat ne choboot agobo lugeet.

25Amu kigochuul ineendet eunnyi kogirinda Kamuktaindet,

komenjin Ineendet Ne po Kamuktaet.

26Labatyin ineendet eng' kaatit ne uui,

eng' ugutigap long'onikyik.

27Amu ki kotuch togeennyi nerateennyi,

ak koakwaitu suenutikyik.

28Ki komeny nganasook che ki koguber,

eng' kooriik che ma menyei chii,

che neegit koek karatwek.

29Ma egu mogoryo ama tebyei tuguukyik,

ama rurtos tuguukyik.

30Ma istoegei mesundeito;

iyami liplibenetap maat mooriikyik,

ak wendi ineendet eng' kabuusetap kutinnyi.

31Amat komong' tuguugap puch, koberberegei:

amu egu melektanyi tangoita.

32Isuldoi kotom koit peetuunnyi,

ama tuonitu temennyi.

33Itumdumi sabibuk che tomo koruryo ko uu keetiigap sabibuk,

ak kowiirta taptennyi ko uu mseituni.

34Amu egu soon tuiyetap che ma iywei Kamuktaindet,

ak peelei maat emaisyek che mi asoya.

35Manachi yaityet ak kosich tengekto,

ak kochop moennywa ng'aalseet.

16

Kong'alaali Job kogeny

161Ki wol anyun Job kole,

2“Ki agas tuguuk che chaang' che uu chooto;

okweek tugul ko oo kagoigoik che otese nyalilda.

3Tos tinyei ng'aleegap puch ole igeesunegei?

Anan nee ne kaiimin kot irang'u ng'al che chaang'?

4Amuuchi ang'alaal agane ko uu okweek,

nda ka saboonwekwok ko saboondanyu;

ta kamuuchi atuiyo ng'aleek agirindaenak,

ak alelech metinnyu agobo okweek.

5Kata agimiitok eng' kutinnyu,

ak kata tisei ng'wanindang'wong' kagaigaetap kutinnyu.

6Agot ngang'alaali, koma kitisei ng'wanindanyu;

ak agot ngamuite, ko kagimuung'wa eng' nee?

7Kago koono nguno Kamuktaindet ang'et;

ak kaigoochi koonnyu tugul koguber.

8Kaigiicha miising', nooto ne paoryanjino;

ng'eetyina sagitennyu, kobaoryanjino kimni agobo tengekwogikyuk.

9Kagogereera inee eng' nereegekyik ak kousa,

kagosusya kelek

ak kagonjurura punyondennyu.

10Kagoyatya kuut ak kororecho icheek;

kagorabacha eng' chotisyet,

iyumjinagei che chaang' kogirindaa.

11Igoochino `Kamuktaindet piik che yaacheen,

ak kotoortacha eunegap kiptengeginik.

12Ki amuunyi, ak ki iria;

kagonama kaatit ak kowiirta konyaknyagana.

Kagondea kogeny aek kiit ne mwogei;

13yiema mwogikyik.

Petei suennyu, ama riiree;

roong'jin ng'wony kipsegetetyennyu.

14Kagoiria konyil che chaang';

labatyina ko uu chiito chemosit.

15Kaanapchi kuniok poortanyu,

ak kaande kuinennyu ng'wony.

16Kagong'emak togeennyu eng' riirek,

ak mi urwetap meet irirenigap konyekyuk.

17Agot ngo ma mi koroomnateet eunekyuk,

ak ko tiliil saaennyu.

18Ee ng'wony, ametuch korotiikyuk,

amegoochi riirekyuk ole imuung'ee.

19

16.19:
Job 19.25
Agot nguno, komi paoryandennyu kipsengwet,

mi parak ineendet ne paoryanjino.

20Sasa choronokyuk:

roong'jin konyekyuk peegap kong' Kamuktaindet.

21Kata myee nda kang'alaali chii ne kata anee eng' taitap Kamuktaindet,

ko uu ye yaei chii agobo chiitap kokwennyi!

22Amu ye kagosiirto kenyiisyek che ng'ering',

awe ooreet ne ma aweeksei.”

17

Tesei tai kong'alaali Job

171“Kago keskei saboondanyu, kagobek peetuusyekyuk,

choboot kererit agobo anee.

2Iman mi kobooto che chotisyei,

keerei konyekyuk tagisyennywa.

3Koono kiit ne po kayasyoet, egu inyee ne itononwo.

Ng'oo age ne kenamegei euun?

4Amu keuny muguleldanywa si ma iguiyo;

metoroori anyun icheek amu nooto.

5Ineendet ne igoitoi choronokyik agobo kelunet,

ko kortos konyegap lagokyik.

6Kagoyaa aek kalewenet eng' piik;

ak kaaegu ne kiwechei ne keerei piik tugul.

7Kagoimenitu konyekyuk amu arageneet,

ak uu kebeberwekyuk tugul urwet.

8Kwong'dos piik che po iman agobo niito,

ng'eetei ne ma tinyei leluut kogirinda piik che yaacheen.

9Agot ngo uu nooto kowendi ne po iman eng' ooreennyi,

ak ineendet ne tinyei eunek che tiliileen kotesaksei kogimitu kosiir.

10Ago oweeige okweek tugul, obwa nguno,

amanyooru anee chii ne ng'oom eng' kwenung'wong'.

11Kagosiirto peetuusyekyuk, kagobutogis chobutikyuk,

agot kabwaatutigap muguleldanyu.

12Walei icheek kemout koek peet;

leen, ‘Neegityin lapkeiyet ak mesundeito.’

13Imuuch acheeng' ye mi che ki kobek koek koonnyu,

ak aiite kiit ne arue eng' mesundeito.

14Ngot aleenji ng'emisyet, ‘Ii kwandanyu,’

Aleenji kuutyet, ‘Ii kamennyu’ anan ‘Ii chepkamennyu,’

15komi ano anyun kamang'unennyu?

Keerei ng'oo anyun kamang'unennyu?

16Tos chortogei agoi temeleiywegap ye mi che ki kobek?

Tos kibe tuwai ole mi temburyek?”

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]