Revised Kalenjin Bible (KAPR)
21

Ng'alaalet ne po lo ne po Job

211Kowol anyun Job kole,

2“Oepchi iit komyee ng'alaalennyu;

ak ingoek niito kagaigaeng'wong'.

3Ogang'wa, si ang'alaal agane,

ak ye kaang'alaal, ochotisye.

4Tos ariir anee agobo chii?

Ak amu nee si ma egu chii ne ma muitoi?

5Ogeera, si okwong'ye,

ak onam kutusweekwok.

6Agot ye abwaat tuguuk che ki ityo, aarageni,

aarageni ak abootan.

7Amu nee si kosaptos kiptengeginik,

koosegitu, ee, kogimegitu ak kotesaksei?

8Kimegitu iyotennywa eng' tainnywa,

ak kogimegitu lagokwak kogeerei.

9Mi kaalyeet kooriikwak, ama mi kaiyweisyet,

ama mi kirokto ne po Kamuktaindet paragunnywa.

10Riisyei kirginnywa, ama mi kaiyweisyet:

Iytos tuukwak, ama oosu.

11Imaandoi lagokwak ko uu akweetap keechiirek,

ak urerendos lagokwak.

12Tyendos eng' sugutit ak ketubet,

ak koboiboitu eng' cheetap ndurerut,

13Poisyee peetuusyekwak eng' poroteet,

ak ne matyanit kochoorchigei ye mi che ki kobek.

14Ago ki leenji Kamuktaindet, ‘Istoeneige.

Amu ma kimache kenai ortinweguk.

15Ng'oo Ineendet Ne po Kamuktaet, kot koet?

Ak nee kelunet ne kesiche ngot kesaa ineendet?’

16Ogeero, manamu icheeget porotennywa.

Looena kirwoogetap kiptengeginik.

17Kimisi tait ne po kiptengeginik konyil ata?

Kot konyonji icheeget pichiindanywa?

Kot kopcheita Kamuktaindet aragenosyek eng' nereegekyik?

18Ak koigei icheek mobeek eng' taitap usoonet,

ak koigei meteteek che ibei usoonet ne oo?

19Oleen konorchin Kamuktaindet lagogap chiichooto tengektanyi.

Ago aleen, ingogeerchigei, si kobiit konai.

20Ingogeer konyekyik ng'emisyennyi,

ak ingoee nereegegap Ineendet Ne po Kamuktaet.

21Amu igoochin koonnyi ineendet poiboiyo nee ye kagobata ineendet,

ye kitil koitetap arawekyik eng' kwenet?

22Tos ineeti chii Kamuktaindet naet?

Amu irwookyin che torooreen.

23Meei age ko nyiitaat kimnateennyi,

kotinyei kaalyeet ne oo ak komuunyi:

24Nyiitootiin kinaikyik cheego,

tuonen mwanigap kawekyik.

25Meei age eng' ng'wanindap saboondo,

Ama chamchami kiy ne myee.

26Kergei tugul, ruitos eng' ng'ung'unyek.

Ak tuchei kuutik icheek.

27Ogeero, angen kabwaatutikwok,

ak chobutik che obwaati eng' ooreet ne ya agobo anee.

28Amu oleen, ‘Mi ano kootap pounindet?

Ak mi ano emait ne ki menyei kiptengeginik?’

29Tos ma oteebe icheek che siirtoi?

Amongen kaboorunaikwak?

30Ole, ki kigonorchi chiito ne ya peetuutap pichiindo?

Ole, kimuti eng' peetuutap nereegek?

31Ng'oo ne mwaitoi ooreennyi eng' tainnyi?

Ak ng'oo ne yaakyin ineendet kiit ne kayai?

32Nganda uu nooto kelaei kwo kererit,

ak koriip kererit.

33Anyinyitu eng' ineendet mogooroonigap atebweet,

ak isubi piik tugul ineendet,

ko uu che ki kondoe ineendet che ma iitoksei.

34Omuktoi ano anyun ogaigaa puch,

amu mi lembechek kityo waluunoikwok?”

22

Ng'alaalet ne po let ne po Eliphas

221Kowol anyun Eliphas Temanindet kole,

2

22.2-3:
Job 35.6-8
tos imuuchi chii kotoret Kamuktaindet?

Toretigei iman ineendet ne ng'oom.

3Tos poiboitu Ineendet Ne po Kamuktaet ngeele ii po iman?

Anan tos nyooru ineendet kelunet amu iyae ortinweguk koek che ititaatiin?

4Tos kerin kong' amu kaiyweisyet ne iywei ineendet,

kot obe tuwai kirwooget?

5Tos ma oo tengektong'ung'?

Ama tinyei tengekwogiguk ole igeesunegei.

6Amu ki iyasyechi puch ne otupche,

ak ireegune ngoroikwak che mi aach ngor.

7Ki ma inage peek ne kang'et,

ak ki imelel amitwogik ne amei rubeet.

8Ago ki po emet chiito ne nyigan;

Ak ki meny olooto chiito ne tinyei teegisto.

9Ki ioon mosoogik koba ak euut puch,

ak kigeiri eunegap che ma tinyei kwanisyek.

10Kayiemin anyun mestonok,

ak inyaliilin kaiyweisyet ne kacheein.

11Anan mesundeito, kot koma imuuchi igeerte.

Ak komaluuchin chaang'indap peek.

12Tos ma mi Kamuktaindet ole toroor eng' kipsengwet?

Ak keero, toroorindap kecheik, ile, mi parak ne tya!

13Ak imwae ile, Ingen nee Kamuktaindet?

Tos imuuchi korwooch eng' mesundeito ne oo?

14Tuchei ineendet poolik che eecheen, si ma keerto;

Ak wendoti eng' yiemutyetap kipsengwet.

15Isubi ooreet ne po keny

ne kityech piik che yaacheen?

16Che ki king'us kotom kogeskei peetuusyekwak,

che ki kitumda lumeiywekwak ko uu peegap kereruut:

17Che ki leenji Kamuktaindet, Istoeneige;

Ak, Nee ne imuuchi koyaiywech Ineendet Ne po Kamuktaet?

18Ago ki inyiit ineendet kooriikwak tuguuk che myach:

Ago loo eng' anee kirwoogetap kiptengeginik.

19Keerei nooto che po iman, ak koboiboitu;

Ak rorechin icheek che ma tinyei leluut kogengenie:

20Koleen, Kigeisto iman icheek che kileen kogirindech,

ak ki koges maat icheek che kiga ng'et.

21Onaiye anyun ak ineendet ak itebee kaalyeet:

Si konyonjin kiit ne myee.

22Asaain ale, taach ng'atuutyet ne punu kutinnyi,

ak igonoree muguleldang'ung' ng'aleekyik.

23Ngot iweekyigei Ineendet Ne po Kamuktaet, keteechin;

Ngot iiste tengekto kolooit eng' emaisyeguk.

24Ak igonor konoraiguk eng' ng'ung'unyek,

ak igonor thahabu che po Opir eng' koik che po kereruusyek;

25Ak koek Ineendet Ne po Kamuktaet konorweng'ung',

ak koek fedha ne po kamanuutyet ne oo eng' inyee.

26Ibaibaegei anyun Ineendet Ne po Kamuktaet,

Ak inyal Kamuktaindet.

27Isa anyun ineendet ak kogasin:

Ak iyaakte arorutiguk.

28Ing'ate kogeny kiy, ak ki kimitun;

Ak koluuchi lapkeiyet ortinweguk.

29Ye kiwiirchin ng'wony, imwa ile ta ang'eete;

ak kosaru che iming'inegei.

30Saru agot ineendet ne ma po iman:

Ee, kisaru amu tiliilindap euneguk.

23

Ng'alaalet ne po tisap ne po Job

231Kowol anyun Job kole,

2kang'wanit rani kang'unyng'unyennyu.

Nyigiis pirennyu kosiir tigenennyu.

3Kata myee nda kangen ole anyoorchini ineendet,

si kobiit ait ole mi ng'echerennyi!

4Ta achobe ng'olyoondennyu eng' tainnyi,

Ak anyiit kutinnyu tiiyasyek.

5Si anae ng'aleek che wolwo,

ak aguiye kiit ne mwaiwo ineendet.

6Tos kibeligei eng' ooindap kamuktaennyi?

Achicha; epchino iit.

7Imuuchi ne po iman kong'alaaljin ak ineendet eng' olooto.

Si kesarwo koigeny eng' ineendet ne irwokwo.

8Ogeero awendi tai, ago ma mi ineendet,

ak aweechigei let, ago ma muuchi ageer ineendet.

9Awendi murot kaataam ole poisyee, ago ma muuchi ageer ineendet.

Ung'egei komostap tai, si ma muuch ageer ineendet.

10Ago ingen ineendet ooreet ne abune,

ye kagotyema, among'u aige thahabu.

11Kagonamgei keldanyu ak tyegutikyik;

Kaasup ooreennyi, ama amaste.

12Ma aweege let amete ng'atuutyetap kutinnyi;

Kaagonor ng'aleek che punu kutinnyi kosiir amitwogik che nyoljino.

13Ne siirei, koma walaksei kabwaatutikyik eng' anee, ak tos ng'oo ne imuuchi kowal ineendet?

Ak kiit ne machei saboondanyi koyai, koyaei nooto.

14Amu yaei ineendet nooto kageng'atwa.

Ak mi tuguuk che chaang' che uu chooto kobooto ineendet.

15Anyalili anyun eng' tainnyi;

Ye abwaat, aiywei ineendet.

16Amu kagogoochi `Kamuktaindet muguleldanyu kotanui,

ak kagonyalila Ineendet Ne po Kamuktaet.

17Amu ki ma kiistoo kotom kobiit mesundeito,

Ama tuch ineendet mesundeito ne oo eng' tainnyu.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]