Revised Kalenjin Bible (KAPR)
25

Ng'alaalet ne po let ne po Bildad

251Kowol anyun Bildad Suindet kole

2pounateet ak kaiyweisyet ko po Kamuktaindet.

Yaei kaalyeet eng' komoswekyik che torooreen.

3Tos iitoksei lugosyekyik?

Ak ng'oo ne ma iluuchin lapkeiyennyi?

4Imuktoi ano anyun chii koek ne po iman eng' taitap Kamuktaindet?

Ak tiliilitundoi ano ineendet ne ki sich kwony?

5Ngot ko agot arawet koma tinyei kaluunet,

ama tiliileen kecheik eng' tainnyi,

6kotam nee anyun chiito, ne ineendet ko kuut!

Ak weeriitap chii ne kuut!

26

Ng'alaaletap sisiit ne po Job

261Kowol anyun Job kole,

2ketoretite ano chii ne ma tinyei kamuget!

Kesaruunde ano eutap ineendet ne ma tinyei kimnateet!

3Ketigonde ano ineendet ne ma tinyei utaatyet,

ak imwaite naet ne po iman eng' chaang'indo!

4Kamwaun ng'oo ng'aleechu?

Ak po ng'oo naet ne ki mong'unenen?

5Potandos icheek che ki kobek

che mi peek oriit ak che menyei olooto.

6Mi puch ye mi che ki kobek eng' tainnyi,

ama tinyei Ng'emisyet kiit ne kitugee.

7Iitoi murot kaataam ole ma mi kiy,

ak kosonginin ng'wonyut eng' ole ma mi kiy.

8Ratei peek eng' polikyik che eecheen;

Ama petoksei pooldet eng' kurereetap peechooto.

9Unyei togeetap arawet,

ak koiitochi poldennyi paragutap arawanooto.

10Ki inde kiwoteet koyiem nyanjosyek,

ki inde ole pcheegei lapkeiyet ak mesundeito.

11Potandos tolochigap kipsengwet

ak ko kwong'dos eng' kerennyi po kong'.

12Wasei nyanjet eng' kamuktaennyi,

Toorei Rahab26:12 Rahab: Niito eng' atindonigap keny, ko kainaetap chemosit ne tononchin wasetapkei ak kaimet eng' nyanja. kosore eng' kaguiyennyi.

13Ki lelesonjine kipsengwet kabuusennyi;

kotoor eunnyi ereneet ne chepchep.

14Chuuto kogiwotosyegap ortinwekyik,

ago ming'in ne tya chaamset ne kegase agobo ineendet!

Ago iguitos ng'oo tuleetap kamuktaennyi?

27

271Kigetyigei kogeny `Job kalewenennyi ak komwa kole:

2ko uu ye sabei Kamuktaindet, ne ki istoena imandanyu,

ak ko uu ye sabei Ineendet Ne po Kamuktaet, ne kigonyalil saboondanyu,

3kotee kota kochamegei saboondanyu eng' oriitinnyu,

ak mi Kabuusetap Kamuktaindet seruunekyuk;

4Iman, koma mwaei kutinnyu ne ma po iman,

anan komwa ng'elyeptanyu ng'aalseet.

5Achicha, ma iityinok imanda;

ma metoi imandanyu agoi ameei.

6Aname imandanyu kouiit, machundoi;

ma kera kong' muguleldanyu ko ta asabe.

7Ingogergeit punyondennyu ak kiptengekyot,

ak ingoigei ineendet ne ng'eetyina, chiito ne ma po iman.

8Nee kamang'unetap chii ne ma iywei Kamuktaindet, agot ngo sikyigei kelunet,

ye isto Kamuktaindet saboondanyi?

9Tos kasei Kamuktaindet riirekyik,

ye kanyonji ineendet nyalilda?

10Tos ibaibaegei Ineendet Ne po Kamuktaet,

ak koguur Kamuktaindet eng' peetuusyek tugul?

11Aneetook agobo eutap Kamuktaindet,

ma unyei kiit ne tinyei Ineendet Ne po Kamuktaet.

12Ki ogeer nooto okweek tugul,

amu nee anyun si oegu che ma tilei kiy agot kitigin?

13Niito ko kebebertap kiptengekyot eng' Kamuktaindet,

ak poroteetap usiik, che taachei eng' Ineendet Ne po Kamuktaet,

14nga tesatiin lagokyik, kobunjiin rotwetap chok;

Ama yamei amitwogik lagokyik.

15Che kang'etune ineendet, ketubei eng' meet,

ama riirtos mosoogikyik.

16Agot ngobas fedhaisyek ko uu temburyek,

ak kochop ngoroik ko uu meneet.

17Imuuchi kochop, ago ilaachi piigap iman,

ak kopchechigei fedhaisyechooto piik che ma tinyei leluut.

18Teechei koonnyi ko uu ne po kiproroktet,

Ak ko uu keryet ne teechei riibindet.

19Ruei ko mogoryo, ago ma kiyumi;

Kosu, ago ma komi.

20Namei ineendet kamuisosyek ko uu peek,

Chorei ineendet usoonet ne oo kemoi.

21Ibei ineendet usoonet ne po kong'asiis, ak kwo,

ak kobukto ineendet kwo eng' oldanyi.

22Amu wiirei `Kamuktaindet ineendet ama riiree.

Machei komwee eunnyi.

23Iraprabi piik eunekwak agobo ineendet,

Ak koon ineendet eng' oldanyi.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]