Revised Kalenjin Bible (KAPR)
14

Kocheeng'ei piik ole partoi Jeso

(Mat 26:1-5; Luk 22:1-2; Jhn 11:45-53)

141

14.1:
Kom 12.1-27
Ak kingo pata peetuusyek aeng'u kobiit igoortap paska ak magatiinik che ma kinde mermereek: ak ki cheeng' tisiik che eecheen ak siriik ole imuktoi konam eng' ng'aalseet, si kobiit kobar ineendet: 2amu ki le icheeget, Amat ongenam eng' igoorto, si ma polyo piik.

Keroong'jin mwaita Jeso eng' Bethania

(Mat 26:6-13; Jhn 12:1-8)

3

14.3:
Luk 7.37-38
Ak ye ki mi ineendet Bethania eng' kootap Simion ne ki tinyei mogondosaik, kota kotebyei eng' amisyet, konyo kobogoryot ne tinyei chuboit ne mi mwaita ne nyamdut ne po kamanuutyet ne oo; ak kotui chuboinooto, ak koroong'ji metinnyi. 4Ak ki mi alage che ki nereektos eng' oriit koleen, Amu nee si kibeet puch mwai? 5Amu katayamei kealdae mwai che siirei dinarisyek pogol somok, ak kigoochi kibananook. Ak ki ing'unyng'ung'ji ineendet.

6Ago ki le Jeso, “Omete; kalya si oiim ineendet? Kayaiywo poisyet ne myee. 7

14.7:
NKNg'a 15.11
Amu otinye kotugul kibananook, ak eng' ui tugul ye omache, omuuchi oyachi ne myee: ago ma mi anee kotugul kobootok. 8Kagoyai ne imuuchi: kasip koiil poortanyu amait ketupo. 9Ak amwaiwok iman ale, ui tugul ole ki amjin logoiywek che myach eng' ng'wony komugul kemwaitoi agine yautyoni po kobogoryondoni, ak egu niito ne kibwaatee ineendet.”

Chaamset ne kichaame `Judas Jeso

(Mat 26:14-16; Luk 22:3-6)

10Ak ki wo Judas Iskaryot, ne ki age eng' taman ak aeng', ole mi tisiik che eecheen, si kobiit kong'wekyi icheeget. 11Ak kingap kagas icheek, koboiboitu ak kogasyin kogoochi fedhaisyek. Ak ki cheeng' sait ne yamei si kong'wekta ineendet.

Igoorta ne po let

(Mat 26:17-25; Luk 22:7-14, 21-23; Jhn 13:21-30)

12Ak eng' peetuut ne po tai ne po magatiinik che ma kinde mermereek, ye kienyei aarwetap paska, koteebe kasubikyik koleenji, “Imache keebe ano si kechobuun ole iame paska?”

13Ak ki iyookto aeng' che po kasubikyik, koleenji, “Oba nganaseet, ak ye otuiye chiito ne ibu tereetap peek, osup ineendet; 14ak oldo tugul ole mong'jin ineendet, oleenji chiitap ko po koot, ‘Kale Kaneetindet: Mi ano koonnyu ne po toek, ole anyoone aame igoortap paska kobooto kasubikyuk?’ 15Ak koboorwok ineendet koot ne oo ne po parak ne choboot ak ko tetat, ak ochobwech olooto.”

16Ki pa anyun kasubik, kot koit nganaseet, konyoor ko uu ye kagagemwachi: ak ki chop anyun paska. 17Ak kingo ek koskoleny konyo kobooto taman ak aeng'. 18

14.18:
T.Kal 41.9
Ak ye kitebyei eng' amisyet, kole Jeso, Amwaiwok iman ale, Ng'wekto age eng' okweek, ineendet ne ki amisyei tuwai. 19Kotoi anyun koaragenso, ak koleenji ineendet agenge agenge, Tos anee? 20Ak ki leenji icheek, Nooto ko agenge eng' taman ak aeng', ne kiburburtoi tuwai eng' taabeet. 21Amu wendi Weeriitap chii, ko uu ye siraat agobo ineendet: ago Pwo! Eng' chiichooto king'wektae Weeriitap chii! Kita myee eng' chiichooto koma ki sich.

Igoortap Kiptaiyat

(Mat 26:26-30; Luk 22:14-20; 1 Kor 11:23-25)

22Ak ye ki amisyei icheeget, konam magatyat, ak kingo kagoberuur, kobuutul ak kogoochi, ak kole, “Onam magatyandani: ni ko poortanyu.” 23Ak yeityo konam kigombet, ak kingo kagomwa kongoi, kogoochi icheek: koee tugul kigombanato. 24

14.24:
Kom 24.8; Jer 31.31-34
Ak koleenji, “Chu ko korotiikyuk che po arorutyet, che kitumdoi agobo che chaang'. 25Amwaiwok iman ale, ma aee kogeny che po logoegap sabibuk, agoi peetuunooto ne aee che leelach eng' laitornatetap Kamuktaindet.” 26Ak kingo kagotyen tyendo, komanda koba tulweet ne po Mseituni.

Kemwai agobo eesyoetab Petero

(Mat 26:31-35; Luk 22:31-34; Jhn 13:36-38)

27

14.27:
Zek 13.7
Koleenji `Jeso icheek, Kinachok okweek tugul: amu ki kisir keele, Abire mestowot, ak koiyesta keechiirek. 28
14.28:
Mat 28.16
Ago, ye kaging'eeta, andoenok awe Galilaya. 29Ago ki leenji Petero, Agot nginach tugul agobo inyee, koma kinacha. 30Ak ki leenji `Jeso ineendet, Amwaun iman ale, rani, kemouni, kotom koote kipsoiywet konyil aeng', ieesyoa konyil somok. 31Ak ki mwa eng' kimnateet ne oo kole, “Ngo nyolu kebegu tuwai, koma koi aeesyen.” Ak ki mwa ak icheek tugul ko uu nooto.

Jeso eng' Gethsemane

(Mat 26:35-46; Luk 22:39-46)

32Ak kiit kooret ne kiguure Gethsemane, ak ki leenji kasubikyik, Otebee yu, ye asaae. 33Ak ki imut Petero ak Jakobo ak Johana, ak kotoi kokwong'yo miising' ak koaragenso. 34Ak ki leenji icheek, Kaaragen saboondanyu miising' agoi meet: otebee yu ak oriipse. 35Ak ki wo tai kitigin, ak kobutyi ng'wony, ak kosa kole, ngo mugaksei, ko myee kosiirtoena sainiito. 36Ak ki mwa kole, “Abba, Kwanda, imugaksei tuguuk tugul eng' inyee; istaena kigombani; ago, ma ko uu ye amache, ago ko uu ye imache.”

37Ak ki nyo ak konyoor icheek koruitos, ak koleenji Petero, “Simion, irue? Ma imuuch iriipse agot sait agenge? 38Oriipse ak osaae, si mochut yoomseet: chamei muguleldo iman, ago nyaluli poorto.”

39Ak ki wo kogeny, ak kosa komwa ng'aleechugaita. 40Ak ki nyo kogeny, ak konyoor koruitos, amu kiga nyigisitu miising' konyekwak; ak ki ma kongen kiit ne woljin ineendet.

41Ak ki nyo ne po somok, ak koleenji icheek, Oruiye anyun nguno, omuuny: kagoyam; kagoit sait; ogeero, kageng'wekyi Weeriitap chii eunegap kiptengeginik. 42Ong'eetyee, keebe: ogeero, kagoriik ineendet ne ng'wektoo.

Kenamei Jeso

(Mat 26:47-56; Luk 22:47-53; Jhn 18:3-12)

43Ak eng' yooto kota kong'alaali, konyo Judas, age eng' taman ak aeng', kobooto tuiyet che tinyei rotoogap chok ak kirokweek, kobunu ole mi tisiik che eecheen ak siriik ak poisyek. 44Ak kiga koarorchi ng'wektaindet icheek, koleenji, “Ineendet ne ang'ututi ko ineendet nooto; onam, ak omut ak oriiboote. ”

45Ak kingo it, kwo eng' sainooto ole mi ineendet ak kole, “Rabbi!” ak kong'utut. 46Ak ki iyogoito pichooto eunekwak ak konam ineendet. 47Ago king'us rotwennyi po chok age eng' che kitonondos eng' ye neegit, ak koep iititap otwogindetap tisiindet ne oo. 48Ak ki wolji Jeso koleenji, “Komong'u ak rotoogap chok ak kirokweek, ko uu ye osetyini rebindet, si onama? 49

14.49:
Luk 19.47; 21.37
Ki ami kobootok peetuusyek tugul eng' Hekaluut aneetisyei, ak ki ma onama. Ago kayaak ni si kobiit kosulda siruutik.”

50Ak ki pagaakta icheek tugul ineendet ak komwei.

51Ak ki isup ineendet mureno age, ne ki ilaachi angeet ineegei ne po katanit, ak konam pichooto ineendet; 52ak kometo ngoryonooto po katanit, komwei aach ngor.

Komi Jeso taitap kapkirwook

(Mat 26:57-68; Luk 22:54-55, 63-71; Jhn 18:13-14, 19-24)

53Ki imut Jeso anyun kwo ole mi tisiindet ne oo: ak koyumjigei ineendet tisiik tugul che eecheen ak poisyek ak siriik. 54Ak ki isup Petero ineendet eng' ye loo, agoi koit seremutap kootap tisiindet ne oo; ak kitebyei kobooto ng'atik, koyue maat. 55Ki cheeng' anyun tisiik che eecheen ak kapkirwooget komugul paornateet eng' Jeso si kobiit kobar; ago ki ma nyoor.

56Amu kibaoryanji che chaang' lembech agobo ineendet ak ma namgei paornatennywa. 57Ak kitononso alak, kobaoryan lembech agobo ineendet, kole, 58

14.58:
Jhn 2.19
Kigegas komwaei ineendet koleen, Ang'eme hekaluni ki kiyae eunek, ak ateech age eng' peetuusyek somok ne ma kiyae eunek. 59Agot eng' nooto koma namgei paornatennywa.

60Ki tonon anyun tisiindet ne oo eng' kwenunnywa, koteebe Jeso, kole, “Mewolu kiy? Nee ni paoryanjinin pichu?” 61Ago ki siis, ama wol kiy. ki teebee kogeny tisiindet ne oo, kole, “Tos ii Kristo inyee, Weeriitap Ne Iberuurot?” 62

14.62:
Dan 7.13
Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.” 63Ak kigereer ngoroikyik tisiindet ne oo, koleen, Ta kemage nee paorinik alak? 64
14.64:
A.La 24.16
Kaogas ng'aleek che yaach che mwaei: obwaati nee? Ak ki irwookyi tugul kole nyoljin meet.

65Ak ki toi alak kosing'ilji ineendet ak kotuch togeennyi, ak koluch, ak koleenji, “Ng'orse!” Ki nam `riibiik ineendet ak korabach.

Kotuuche `Petero Jeso

(Mat 26:69-75; Luk 22:56-62; Jhn 18:15-18, 25-27)

66Ak kingo ta komi Petero seremut ole po ng'wony, konyo age eng' tiibiik che otwogigap tisiindet ne oo; 67ak kingo keer Petero koyue maat, kochiilji kong' ineendet ak koleenji, “Ki imi aginye kobooto Nazaretindonooto, Jeso.” 68Ago ki tiiyo kole, “Mangen, amaguitosi chooto imwae.” Ak komanda kwo keter; ak kiito anyun kipsoiywet. 69Ak ki keer chebooto ineendet ak kotoi kogeny komwachi che tonondos eng' ye neegit, koleenji, “Ni ko agenge eng' icheeget.” 70Ak kitiiyo kogeny. Ak ne matya koleenji icheek kogeny che kitonondos eng' ye neegit Petero, “Iman ii agenge eng' icheek amu ii Galiilindet.” 71Ak ki toi kochubis, ak koyasyo, kole, “Mangen chiichi omwae.” 72Ak koma tyanit koote kipsoiywet ne po aeng'. Ak ki ibwaat anyun Petero ng'olyoondonooto, ko uu ye kiga komwachi `Jeso ineendet kole, “Kotom koote kipsoiywet konyil aeng', ieesyoa konyil somok.” Ak kingo pwaat ng'olyoondonooto, koriir.

15

Komi Jeso taitap Pilato

(Mat 27:1-2, 11-14; Luk 23:1-5; Jhn18:28-38)

151Ak yeityo ko kaech kotet ng'aleek tisiik che eecheen kobooto poisyek ak siriik, ak kapkirwooget komugul, ak korat Jeso, ak komut kwo, ak kogoochi Pilato. 2Ak kiteebe Pilato kole, “Tos ii Laitoryatap Yahudik?” Ak ki wolji koleenji, “Kaimwa.”

3Ak ki itaam `ineendet tisiik che eecheen eng' tuguuk che chaang'. 4Ak kiteebe Pilato kogeny, kole, “Mewolu kiy? Keero tuguuk che chaang' che kagotaamjin pichu.” 5Ago mata kowol ng'olyoo Jeso, kot kokwong' Pilato.

Kirwookyin Jeso kome

(Mat 27:15-26; Luk 23:13-25; Jhn 18:39-19:16)

6Ki cham kotyakyin Pilato piik kimonjororyot agenge eng' peetuutap igoorto, ne kagosoom icheek ineendet. 7Ak ki mi chiito age ne ki kiguure Barabbas, ne ki rataat kobooto icheek che kichaamsei, icheeget che kiga rumis eng' chaamsonooto. 8Ki togosta tuiyet ak kotoi kosoom ineendet koyachi ko uu ye cham koyaei kotugul. 9Ak ki wolji Pilato icheek, koleenji, “Tos omache atyakwok Laitoryatap Yahudik?” 10Amu kiga nai kole, ki igoito tisiik che eecheen ineendet amu ng'etkong'.

11Ak ki cheer tisiik che eecheen tuiyet kole, kityakyi Barabbas. 12Ak ki wol Pilato kogeny kole, “Aite nee anyun chiichi oguure Laitoryatap Yahudik?” 13Ak ki polyo icheek kogeny, kole, “Igartaat ineendet eng' kimurtoiyot.” 14Ak ki leenji Pilato icheek, “Kalya, koyai yaityet nee?” Ago ki polyo icheek miising' kole, “Igartaat ineendet eng' kimurtoiyot.”

15Ak kimach Pilato kobaibai tuiyet, kotyakyi anyun Barabbas, ak kogoito Jeso, ko kagobire kipchoritiit, si kobiit kigartaat.

Kochotachoti `asigarik Jeso

(Mat 27:27; Jhn 19:2-3)

16Ak ki imut kiplugotinik ineendet kwo kapkirwook oriit, ne kiguure Praitorium; ak kiguur kiplugotinik tugul kobwa. 17Ak ki ilaakyi ngoryeet ne aruus ne piriir, ak kila ngatyetap katook, ak konde metinnyi; 18ak ki toi kogat ineendet kole, “Kigatin, Laitoryatap Yahudik!” 19Ak kikwer metinnyi eng' tegat, ak kosing'ilji, ak kogutuny kolas ineendet. 20Ak kingo kagochotachot ineendet, koreegune ngoryeet ne aruus ne piriir, ak kolaakyi ngoroikyik. Ak ki imut kwo saang' kogartaat eng' kimurtoiyot.

Kigartati Jeso

(Mat 27:32-44; Luk 23:26-43; Jhn 19:17-27)

21

15.21:
Rom 16.13
Ak kibirchi chiito ne kisiirtoi, Simion ne po Kurene, kwandap Aleksanda ak Rupo, kobunu kooret age, koip kimurtoiyotap Jeso. 22Ak kimut ineendet kwo oldo ne kiguure Golgota, ye kiguure kora, emetap terta. 23Ak ki igoochi divaik che purugot ak tuguuk che uu igomoik: ago ma taach. 24
15.24:
T.Kal 22.18
Ak kogartaat, ak kopchechigei ngoroikyik, ak koseer parbareek, konai ne tee ne ibei chii tugul. 25Ak ki igartaat ineendet, ko kaek sait somok. 26Ak ki kisirchi ng'aleegap kataamset agobo ineendet metinnyi parak keele, “Laitoryat ne po Yahudik.” 27Ak ki igartaat rebiik aeng' kobooto ineendet; age eng' eunnyi ne po tai, ak age eng' eunnyi ne po kaataam. [ 28
15.28:
Isa 53.12
Ak ki isulda anyun sireet ne mwaei kole, Ak ki kiit ineendet kobooto kiptengeginik.]

29

15.29:
T.Kal 22.7; T.Kal 109.25; Mar 14.58; Jhn 2.19
Ak ki churochur che ki siirtoi, koliligoti metowekwak, ak koleen, “Haa! Inyee ne ing'eme Hekaluut, ak iteech eng' peetuusyek somok, 30sarugei, ak ichooruge eng' kimurtoiyot.” 31Ak ki churochur ineendet ko uu nooto tisiik che eecheen ak icheek, kobooto siriik kole, “Ki kosar alak; ma imuuchi kosargei. 32Ingochoorgei nguno Kristo, Laitoryatap Israel, eng' kimurtoiyot, si kobiit kegeer ak kiyan.”
Ak kigengenie ineendet ak icheek che kiga kigartaat kobooto ineendet.

Meetap Jeso

(Mat 27:45-56; Luk 23:44-49; Jhn 19:28-30)

33Ak kingo it sait lo, koimenit emet komugul agoi sait sogool. 34

15.34:
T.Kal 22.1
Ak eng' sait sogool kotwek Jeso eng' kutit ne oo kole, “Eloi, Eloi, lama sabaktani?” Ye kiweech keleen, “Kamuktaindet nenyu, Kamuktaindet nenyu, kebagaakta amu nee?” 35Ak kingo kas alak eng' che kitonondos eng' ye neegit, kole, “Ogeero, kuurei Elijah.” 36
15.36:
T.Kal 69.21
Ak ki labat chiito age, konyiit siki sponjit ak konde tegat, ak kogoochi koe, ak kole, ingotebi ko uu nooto. “Ongegeer ngo nyoonei Elijah kochoor konyo ng'wony.” 37Koriir anyun Jeso eng' kutit ne oo, ak kochamda sabennyi kwo.

38

15.38:
Kom 26.31-33
Ki kereer angeet ne kiga kioiye Hekaluut kween kobooch parak agoi ng'wony. 39Ak kingo keer chemogetap kiplugotinik pogol, ne kitononi eng' ye neegit ineendet, kogoitoi sabennyi kwo ko uu nooto kole, “Iman ko Weeriitap Kamuktaindet chiichi.”

40

15.40-41:
Luk 8.2-3
Ak ki mi ak icheek kobogorisyek che kigeerei eng' ye loo: ki mi eng' icheeget Maria Magdalene, ak Maria kametap Jakobo ne ming'in ak ne po Joses, ak Salome; 41che ki isubi ak koboisyechin ineendet ye ki mi Galilaya; kobooto kobogorisyek alak che chaang' che kitogosu Jerusalem kobooto ineendet.

Tubeetap Jeso

(Mat 27:57-61; Luk 23:50-56; Jhn 19:38-42)

42Ak kingo ek koskoleny, amu ki Chobeet, ki nooto peetuut ne indoune sabato, 43konyo Joseph ne po Arimatea, chiito ne konyitot ne po kapkirwook ne ki igeni agine laitornatetap Kamuktaindet; ak kwo kap Pilato eng' nyiganateet kosoom muustap Jeso. 44Ak ki kwong' Pilato amu kagagome: ak koguur chemogetap kiplugotinik pogol koteebe ngo kagome keny. 45Ak kingo kagonai eng' kiptaiyandanooto, kogoochi anyun Joseph muusto. 46Ak ki al angeet ne po katanit, ak kochoor ineendet ak kotaae anganooto po katanit, ak konde kererit, ne kiga kebal eng' koita ne oo; ak kimilji koita kogeree kurgeetap kererit. 47Ak kigeerei Maria Magdalene ak Maria kametap Joses ole kaginde ineendet.

16

Ng'eetyetap Jeso

(Mat 28:1-8; Luk 24:1-12; Jhn 20:1-10)

161Ak kingo kagosiirto sabato koal Maria Magdalene, ak Maria kametap Jakobo, ak Salome, nyamdutik, si kobwa koiil ineendet. 2Ak eng' karon inne, eng' peetuutap tai ne po wigiit, koit kererit ko kachor asiista. 3Ak kong'alaaljigei icheegei kole, “Mildaiywech ng'oo koita eng' kurgeetap kererit?” 4Ak kingo ng'eet met, kogeer ko kagemilda koita: amu ki oo miising'. 5Ak kingo chut kererit, kogeer muren kotebyei eng' komostap tai, ne ilaachi ngoryeet ne leel; ak ki kwong'yo.

6Ak ki leenji icheek, “Amokwong'ye; ocheeng'e Jeso, Nazaretindet, ne kiga kigartaat: kagong'eet; ma komi yu: ogeer ole kiga kinde ineendet! 7

16.7:
Mat 26.32; Mar 14.28
Ago, oba, omwachi kasubikyik ak Petero, oleenji, Kagondoenak kwo Galilaya: ogeere ineendet eng' olooto, ko uu ye kiga komwaiwok.”

8Ak kimanda saang' eng' kererit, ak komwei; amu kiga potanso ak kokwong'yo: ak ma mwachi chii kiy; amu ki iyweis.

Koboorchingei Jeso Maria Magdalene

(Mat 28:9-10; Jhn 20:11-18)

9Ak kingo ng'eet Jeso anyun karon miising' eng' peetuutap tai ne po wigiit, kochunji korook Maria Magdalene, ineendet ne kiga kocherunee Jeso oik tisap. 10Ki wo komwachi icheeget che ki mi kobooto ineendet, ye kita koarongendos ak koriirtos. 11Ak kingo kas icheek kole sabei, ak kole, kagogeer ineendet chebyosonooto, koma iyan.

Koboorchingei Jeso kasubik aeng'

(Luk 24:13-35)

12Ak kingo pata tuguuchu, kong'aang'jigei eng' itoondo age aeng' eng' icheek kobendi eng' ooreet kooret age. 13Ki pa anyun ak komwachi chuun alak, ak ki ma iyan chooto ak icheek.

Koboorchingei Jeso taman ak agenge

(Mat 28:16-20; Luk 24:36-49; Jhn 20:19-23; Mate 1:6-8)

14Ak kingo pata nooto, kong'aang'jigei icheeget taman ak aeng' kotebyei eng' amisyet; ak koger kong' amu pistoennywa ak uuindap mugulelwekwak, amu ki ma iyan icheeget che ki keer ineendet ko kagong'eet. 15

16.15:
Poi 1.8
Ak ki leenji, “Oba ng'wony komugul, oamjinote logoiywek che myach piik tugul. 16Ineendet ne iyani ak kibatisan kesaru; ago ineendet ne ma iyani ko tuun kirwookyin. 17Ak isubi kaboorunoichu icheek che iyani: oonei oik eng' kainennyu; ak kong'alaali ng'alaalet ne leel; 18namei erenook, ak ngo ee tuguuk che parei piich, koma nyooru ng'wanindo matiny; igonoori eunekwak piik che myandos ak kosapcho.”

Kimuti Jeso kwo kipsengwet

(Luk 24:50-53; Mat 1:9-11)

19

16.19:
Poi 1.9-11
Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet. 20Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]