Revised Kalenjin Bible (KAPR)
7

Kagoochinoigap Pounik

71Kingo kagolumda Musa koot, koiil ak kotabaan kobooto tuguukyik tugul. Ki iil ak kotabaan kora kaptisisyet ak tuguukyik tugul, 2yeityo kogoito kagoochinoik, pounigap Israel, che eecheen eng' kooriigap kwanisyekwak che ki pou ortinwekwak, chuuto che kitononjin icheeget che ki kiiti. 3Ki ip pounichooto kagoochinoikwak kobwa taitap Kamuktaindet ne Toroor: kariisyek lo che tugootiin, eiik taman ak aeng', kariit agenge koyop pounik aeng' ak kiget pounindet age tugul eito agenge. Ki igoito chooto eng' taitap koot. 4Ki mwachi `Kamuktaindet ne Toroor Musa koleenji, 5“Taach tuguuchooto eng' icheek si kobiit kobunji poisyetap emait ne kituiyechin. Igoochi Lawiik tuguuchooto, ak ipchechi chii age tugul eng' icheek ko uu poisyennyi.” 6Ara kitaach Musa kariisyek ak eiik ak kogoochi Lawiik. 7Ki igoochi weeriigap Gerson kariisyek aeng' ak eiik ang'wan, ko uu poisyennywa. 8Ki igoochi weeriigap Merari kariisyek ang'wan ak eiik sisiit, ko uu poisyennywa, kotononjin icheek Ithamar weeriitap Aron tisiindet. 9Ago ma igoochi kiy weeriigap Kohat amu ki nenywa poisyetap ole-tiliil; ki ibe tuguuchooto tigigoikwak.

10Ki igoito pounik kagoochinoik agobo katabaanetap kaptisisyet eng' peetuut ne ki kiile, ki igoito chooto eng' taitap kaptisisyet. 11Ki leenji `Kamuktaindet ne Toroor Musa, “Ingogoito pounindet age tugul eng' peetuunnyi kagoochinennyi agobo katabaanetap kaptisisyet.”

12Eng' peetuut ne po tai, ko ki igoito kagoochinennyi Nason weeriitap Aminadab ne po ooreetap Judah. 13Kagoochinnyi ko ki sanit agenge ne po fedha, ne yamei nyigiisindanyi shekelisyek pogol ak sosom, ak taabeet ne po fedha ne yamei nyigiisindanyi shekelisyek tamanwogik tisap, ko uu shekel ne po ole-tiliil, kinyiitotin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 14nyigiisindap gramit agenge ne po thahabu ne yamei shekelisyek taman ne nyiitaat nyamdutik; 15kirgit agenge ne neran, mengit agenge, mengit age ne ma siirei kenyiit agenge, kobunji kagoochinet ne kibeelei; 16kwesta agenge koek kagoochinetap tengekto; 17ak tiseiywot ne po kagoochinetap kaalyeet ko eiik aeng', mengichik muut, kwesik muut, ak mengichik muut che ma siirei kenyiit agenge. Chooto kagoochinoik che ki po Nason weeriitap Aminadab.

18Ki igoito eng' peetuut ne po aeng' kagoochinennyi Nethanel weeriitap Suar, pounindetap Issakar ko uu ni: 19sanit agenge ne po fedha ne yamei nyigiisindanyi shekelisyek pogol ak sosom, taabeet agenge ne po fedha ne yamei nyigiisindanyi shekelisyek tamanwogik tisap, ko uu shekel ne po ole-tiliil; ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinet ne po peek; 20nyigiisindap gramit agenge ne po thahabu ne yamei shekelisyek taman ne nyiitaat nyamdutik; 21kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei; 22kwesta agenge koek kagoochinetap tengekto; 23ak tiseiywotap kagoochinetap kaalyeet ko eiik aeng', mengichik muut, kwesik muut, ak mengichik muut che ma siirei kenyiit agenge. Chooto kagoochinoik che ki po Nethanel weeriitap Suar.

24Eng' peetuut ne po somok, ko ki igoito kagoochinennyi Eliap weeriitap Helon, pounindetap lagogap Zebulun. 25Kagoochinennyi kogisanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 26nyigiisindap gramit agenge ne po thahabu ne yamei shekelisyek taman ne nyiitaat nyamdutik; 27kirgit agenge ne neran, mengit, ak mengit agenge ne ma siirei kenyiit agenge, kobunji kagoochinet ne kibeelei; 28kwesta agenge koek kagoochinetap tengekto; 29ak tiseiywotap kagoochinetap kaalyeet, ko ki eiik aeng', mengichik muut, kwesik muut, ak mengichik muut che ma siirei kenyiit agenge. Chooto kagoochinoik che ki po Eliap weeriitap Helon.

30Eng' peetuut ne po ang'wan, ko ki igoito kagoochinennyi Elisur weeriitap Sedeur, pounindetap lagogap Reuben. 31Kagoochinennyi kogisanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisabu, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 32nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 33kirgit agenge ne neran, mengit agenge, ak mengit agenge ne ma siirei kenyiit agenge kobunji kagoochinet ne kibeelei; 34kwesta agenge koek kagoochinetap tengekto; 35ki po tiseiywotap kagoochinetap kaalyeet, eiik aeng'u, mengichik muut, kwesik muut, mengichik muut che ma siirei kenyiit agenge. Chooto kagoochinoik che ki po Elisur weeriitap Sedeur.

36Eng' peetuut ne po muut, ko ki igoito kagoochinennyi Selumiel weeriitap Surisadai pounindetap lagogap Simion. 37Kagoochinennyi kogi sanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 38nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 39kirgit agenge ne neran, mengit agenge ak mengit agenge ne ma siirei kenyiit agenge kobunji kagoochinet ne kibeelei; 40kwesta agenge koek kagoochinetap tengekto; 41ak ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Selumiel weeriitap Surisadai.

42Eng' peetuut ne po lo, ko ki igoito kagoochinennyi Eliasap weeriitap Deuel, pounindetap lagogap Gad. 43Kagoochinennyi kogi sanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul, che ki kiburukto mwaita koek kagoochinetap peek; 44nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 45kirgit agenge ne neran, mengit agenge, ak mengit agenge ne ma siirei kenyiit agenge kobunji kagoochinet ne kibeelei; 46kwesta agenge koek kagoochinetap tengekto; 47ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Eliasap weeriitap Deuel.

48Eng' peetuut ne po tisap, ko ki igoito kagoochinennyi Elisama weeriitap Amihud, pounindetap lagogap Ephraim ko uu ni: 49sanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 50ak nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 51kirgit agenge ne neran, mengit agenge, ak mengit agenge ne ma siirei kenyiit agenge kobunji kagoochinet ne kibeelei; 52kwesta agenge koek kagoochinetap tengekto; 53ak ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Elisama weeriitap Amihud.

54Eng' peetuut ne po sisiit, ko ki igoito kagoochinennyi Gamaliel weeriitap Pedasur, pounindetap lagogap Manasseh ko uu ni: 55sanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 56ak nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 57kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei; 58ak kwesta agenge koek kagoochinetap tengekto; 59ak ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Gamaliel weeriitap Pedasur.

60Eng' peetuut ne po sogool, ko ki igoito kagoochinennyi Abidan weeriitap Gideoni, pounindetap lagogap Benjamin ko uu ni: 61sanit agenge ne po fedha ne yamei nyigiisindanyi shekelisyek pogol ak sosom ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 62nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 63kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei; 64kwesta agenge koek kagoochinet ne po tengekto; 65ak ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Abidan weeriitap Gideoni.

66Eng' peetuut ne po taman, ko ki igoito kagoochinennyi Aieser weeriitap Amisadai, pounindetap lagogap Dan ko uu ni: 67sanit agenge ne po fedha ne yamei nyigiisindanyi shekelisyek pogol ak sosom ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 68nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 69kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei; 70kwesta agenge koek kagoochinet ne po tengekto; 71ak ki po tiseiywotap kagoochinetap kaalyeet, eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Aieser weeriitap Amisadai.

72Eng' peetuut ne po taman ak agenge, ko ki igoito kagoochinennyi Pagiel weeriitap Okran pounindetap lagogap Asher ko uu ni: 73sanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha, ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 74nyigiisindap gramit agenge ne po thahabu ne yamei shekelisyek taman, ne nyiitaat nyamdutik; 75kirgit agenge ne neran, mengit agenge ak mengit ne ma siirei kenyiit agenge, kobunji kagoochinet ne kibeelei; 76kwesta agenge koek kagoochinetap tengekto; 77ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Pagiel weeriitap Okran.

78Eng' peetuut ne po taman ak aeng', ko ki igoito kagoochinennyi Aira weeriitap Enan, pounindetap lagogap Naphtali ko uu ni: 79sanit agenge ne po fedha, ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek; 80nyigiisindap gramit agenge ne po thahabu, ne yamei shekelisyek taman, ne nyiitaat nyamdutik; 81kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei; 82kwesta agenge koek kagoochinetap tengekto; 83ak ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Aira weeriitap Enan.

84Chuuto kagoochinoik che po pounigap Israel agobo katabaanet ne po kaptisisyet, niito eng' peetuut ne ki ili: sanisyek taman ak aeng' che po fedha, taabook taman ak aeng' che po fedha ak nyigiisindap gramisyek taman ak aeng' che po thahabu. 85Nyigiisindap sanit age tugul kogi shekelisyek pogol ak sosom ak kiyamei shekelisyek tamanwogik tisap taabeet age tugul. Ki ek tugul shekelisyek eliphuusyek aeng' ak pogol ang'wan, ko uu shekel ne po ole-tiliil.

86Ki ek nyigiisindap gramisyek taman ak aeng' che po thahabu, che nyiitootiin nyamdutik, shekelisyek taman age tugul, ko uu shekel ne po ole-tiliil. Ki po shekelisyek pogol agenge ak tiptem nyigiisindap gramisyek tugul che po thahabu. 87Ki ek tuuga tugul che po kagoochinet ne kibeelei, kiruugik taman ak aeng', mengichik taman ak aeng' ak mengichik taman ak aeng' che ma siirei kenyiit agenge, ak kagoochinennywa ne po peek ak kwesik taman ak aeng' che po kagoochinetap tengekto. 88Ki ek anyun tuuga tugul che po tiseiywotap kagoochinetap kaalyeet kiruugik tiptem ak ang'wan, mengichik tamanwogik lo ak mengichik tamanwogik lo che ma siirei kenyiit agenge. Chooto kagoochinoik agobo katabaanetap kaptisisyet, ye kingo kagiil.

89Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

8

Ng'atuutik agobo ole kinamdoi taisyek

81

8.1-4:
Kom 25.31-40; 37.17-24
Ki ng'alaalji `Kamuktaindet ne Toroor Musa koleenji, 2“Mwachi Aron ileenji, ‘Ye iinam taisyek tisap, ko ingokweng'so anyun taisyechooto eng' taitap keldap kiit ne ikweng'sei.’ ” 3Ki yai anyun Aron ko uu nooto; ki inaam taisyekyik si kobiit kokweng'so eng' taitap keldap tait, ko uu ye ki ng'at `Kamuktaindet ne Toroor Musa. 4Ki uu ni yaetap keldap tainooto: ki kiyae thahabu che ki kitaany, kobooch keel agoi taaptokyik. Ki kiyai keldap tait ko uu itoondo nooto ne kiga koboorchi `Kamuktaindet ne Toroor Musa.

Kaanyinyetap Lawiik

5Ki mwachi anyun `Kamuktaindet ne Toroor Musa koleenji, 6“Iste Lawiik eng' kwenutap piigap Israel ak ianyiny icheek. 7Yachi ko uu ni ye ianyinyi icheek: ise peek che po kagaigaet, ingocher koroorik che mi poorwekwak tugul ak ingomwet ngoroikwak, ak koek icheek anyun che kagoanyinygei. 8Yeityo koget icheek kirgit ne neran ak kagoochinennyi ne po peek che ng'ootiin che tambuluul che ki kiburukto mwaita, ak igetu kirgit age ne neran kobunji kagoochinetap tengekto. 9Imutu Lawiik kobwa taitap emait ne kituiyechin ak iyum tuiyet komugul ne po piigap Israel. 10Imutu Lawiik kobwa taitap Kamuktaindet ne Toroor ak kogonoor `piigap Israel eunekwak icheek. 11Yeityo kogoito Aron Lawiik eng' taitap Kamuktaindet ne Toroor koek kagoochinet ne kiongoi agobo piigap Israel, si kobiit kochobok icheek koyai poisyet ne po Kamuktaindet ne Toroor. 12Ye ibata, kogonoor `Lawiik eunekwak metowegap kirugichooto, igoite inyee age kobunji kagoochinetap tengekto ak kobunji age kagoochinet ne kibeelei si koyai kagaigaet agobo Lawiik.

13“Ye imut Lawiik koba taitap Aron ak taitap weeriikyik, igoochi `icheek Kamuktaindet ne Toroor koek kagoochinet ne kiongoi. 14Ko uu nooto anyun, iibesye Lawiik eng' kwenutap piigap Israel, ak kobunjo icheek. 15Ye kaianyiny icheek ak igoite koek kagoochinet ne kiongoi, koba anyun ko ak koyai poisyet eng' emait ne kituiyechin. 16Amu ki kigoono icheek inne eng' piigap Israel, ko ki anam chooto kobunjo kewale tugul che yaatei iyoteet, chooto ko weeriik che po tai eng' piigap Israel tugul. 17

8.17:
Kom 13.2
Amu chechuuk tugul che po tai eng' piigap Israel, ngo chii anan che twatei che kiyagi. Ki atabaan icheek eng' peetuut ne ki abar weeriik tugul che po tai eng' emetap Misiri. 18Ak ki anam Lawiik kobunjo awale weeriik tugul che po tai eng' piigap Israel. 19Eng' piigap Israel, ko ki agoite Lawiik kobunji Aron ak weeriikyik, koek che itabaanatiin si koyai poisyet eng' emait ne kituiyechin ne kata piigap Israel, ak koyai kagaigaet agobo icheek, si ma piit koroito eng' piigap Israel ye riikyin ole-tiliil.”

20Ki yai ko uu nooto anyun Musa, Aron ak tuiyet komugul ne po piigap Israel, kotabaan Lawiik; ko uu tugul che ki ng'at `Kamuktaindet ne Toroor Musa. 21Ki ianyinygei anyun Lawiik ak kimwet ngoroikwak. Ki igoito anyun Aron icheek eng' taitap Kamuktaindet ne Toroor koek kagoochinet ne kiongoi ak ki yai kagaigaet agobo icheek koanyiny. 22Ye kingo pata nooto, koba ko Lawiik koyai poisyennywa eng' emait ne kituiyechin eng' taitap Aron ak weeriikyik. Ki yachi icheek anyun Lawiik ko uu ye kiga ng'at `Kamuktaindet ne Toroor Musa.

23Ki mwachi anyun `Kamuktaindet ne Toroor Musa koleenji, 24“Po arorutichu Lawiik: kobooch che po kenyiisyek tiptem ak muut ak kwo tai kobendi ko koyai poisyet ne po emait ne kituiyechin, 25ago ye kagoit kenyiisyekwak konom kobagaakta poisyonooto ak ma koboisyee agoi. 26Ago toreti kotononjin riipseet kobooto che tupcho eng' emait ne kituiyechin, nganda ma kotinyei icheek poisyo. Iyachini anyun Lawiik ko uu nooto agobo poisyetap riipsosyekwak.”

9

Paska

91

9.1-5:
Kom 12.1-13
Ki mwachi `Kamuktaindet ne Toroor Musa eng' surkwen ne po Sinai eng' kenyiitap aeng' eng' arawet ne po tai kobooch ngap komong' icheek eng' emetap Misiri koleenji, 2“Ingoriip anyun piigap Israel paska eng' peetuut ne ki king'at. 3Oriibe niito eng' koskoleny ne po peetuutap taman ak ang'wan eng' arawani, oriibe ko uu ng'atuutikyik ak ko uu kirwoogutikyik tugul.” 4Ki mwachi anyun `Musa piigap Israel koriip paska. 5Ara ki riip icheek paska eng' arawet ne po tai, eng' koskoleny ne po peetuutap taman ak ang'wan eng' surkwen ne po Sinai. Ki yai anyun piigap Israel ko uu tugul che ki ng'at `Kamuktaindet ne Toroor Musa.

6Ago ki miitei piik alage che ki ma imuuch koriip paska eng' peetuunooto amu ki ing'wanitkei agobo muustap chiito. Ki pwa anyun taitap Musa ak Aron eng' peetuunooto, 7ak ki leenji `pichooto ineendet, “Ki ng'woneen amu muustap chiito. Amu nee si keetenech kigoite kagoochinetap Kamuktaindet ne Toroor kobooto piigap Israel eng' peetuut ne ki king'at?”

8Ak ki leenji `Musa icheek, “Ogany si kobiit agas kiit ne ng'atei Kamuktaindet ne Toroor agobo okweek.”

9Ki ng'alaalji `Kamuktaindet ne Toroor Musa koleenji, 10“Mwachi piigap Israel, ileenji, Ngo ng'wanit chii age tugul eng' okweek anan eng' ibinwekwok agobo muusto anan ngo mi rutoito ole loo komuuchi koboiboiyenji paska ne po Kamuktaindet ne Toroor. 11Ingoriip icheek paska nooto eng' koskoleny ne po peetuutap taman ak ang'wan eng' arawet ne po aeng'. Amei icheek magatiinik che ma kinde mermereek ak ingweek che ng'woneen. 12

9.12:
Kom 12.46; Jhn 19.36
Amat kotuuch kot koeekyi anan koiri kowet, riibei icheek ko uu ng'atuutyet komugul ne po paska. 13Ago chiito ne tiliil ne ma miitei rutoito ama riip paska, king'etoi eng' piikyik, amu ma igoito kagoochinetap Kamuktaindet ne Toroor eng' peetuunnyi ne ki king'at. Ibei chiichooto ineegei kergong'yet ne nyoljin tengektanyi.

14“Ak ngo mi chii ne punootyon ne meng'iisyei eng' kwenung'wong' ak komachei koriip paska ne po Kamuktaindet ne Toroor, ko nyolu koyai ko uu ng'atuutyetap paska ak ko uu ye ki kiaror. Egu ng'atuutyet agenge eng' chii ne punootyot ak eng' ineendet ne po emoniito.”

Komi Poldeet koot parak

15Eng' peetuunooto ne ki kilumdae koyooto, nooto emaitap paornateet, ko ki tuch pooldet koot. Kong'eete koskoleny agoi koeech ko ki mi poldanooto paragutap koot ak ki kergeit ak maat poldanooto. 16Ki uu nooto kotugul; ki tuch pooldet koyooto ak kitaagu poldanooto ko uu maat kemoi. 17Ye ki ngetogosta parak pooldet eng' Emainooto, koba anyun piigap Israel; ak ole katonone pooldet koteech yooto piigap Israel. 18Kibendi piigap Israel eng' ng'atuutyetap Kamuktaindet ne Toroor, ak ki meng'iisyei kora eng' ng'atuutyennyi. Ki meng'iisyei icheek peetuusyek tugul kotee kotebee pooldet koyooto. 19Ye kingo tebee pooldet koot peetuusyek che chaang', koriip anyun piigap Israel ng'atuutyetap Kamuktaindet ne Toroor, ama pendi. 20Ak ye katebee pooldet koyooto peetuusyek che ng'ering', komeng'iis anyun pichooto ko uu ng'atuutyetap Kamuktaindet ne Toroor ak ki pa ko uu ng'atuutyennyi. 21Ki peetuusyek alak kotebee pooldet koyooto koskoleny agoi karon. Ak ki ngetogostae pooldet karon, koba anyun. Ye ki ngetogostae poldanooto, ngo peet anan kemoi, koba anyun pichooto. 22Kingo tebee pooldet paragutap koot, ngo peetuusyek aeng' anan arawa anan kenyiit, komiitei koyooto, kotebi anyun piigap Israel komeng'iis, ama pendi ui; ago ye ki ngetogostae, koba anyun. 23Ki meng'iisyei eng' ng'atuutyetap Kamuktaindet ne Toroor ak ko ki pendi eng' ng'atuutyetap Kamuktaindet ne Toroor. Kiriibooti ng'atuutyetap Kamuktaindet ne Toroor ko uu ye ki ng'at `Kamuktaindet ne Toroor eng' Musa.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]