Revised Kalenjin Bible (KAPR)
1

BUKUIT NE TAI

(TYENWOGIGAP KALASUNET 1-41)

Ortinwek Aeng'

11Iberuurot chii

ne ma namei ng'aleegap piik che yaacheen,

ama tononee ooreetap kiptengeginik,

ama tebee ng'echereetap saasiik.

2Ago paibaitune ng'atuutyetap Kamuktaindet ne Toroor;

ak kobwaatoti ng'atuutyennyi peet ak kemoi.

3

1.3:
Jer 17.8
Kergeitu ineendet ak keetit

ne ki kiminji ole neegitee ainoosyek,

ne yiei logoekyik eng' peetuusyekyik,

ama restos sogekyik.

Iberuurokse kiy age tugul ne yaei.

4Ma uu nooto che yaacheen;

ago kergei icheek ak meteteek che ibei usoonet.

5Eng' nooto anyun ma tonondos che yaacheen eng' kirwooget,

ama tonondos kiptengeginik eng' tuiyetap che po imanda.

6Amu ingen Kamuktaindet ne Toroor ooreetap che po imanda;

ago petei ooreetap kiptengeginik.

2

Kayomisetap Kamuktaindet ne Toroor

21

2.1-2:
Poi 4.25-26
Amu nee si koyumgei pororyosyek ak koboldos?

Amu nee si kobwaatoti piik tuguuk che ma namegei ak kiy?

2Tetegei laitorinigap ng'wony,

ak irwoochi pounik che kagotuiyo,

agobo Kamuktaindet ne Toroor ak nenyi ne iilaat.

3Mwaei icheek kole, “Ongeng'eti tuguukwak che ratiisye,

ak kewiirte poroonikwak eng' oldanyo.”

4Roryei ineendet ne tebyei eng' kipsengwet;

ak kochot `Kiptaiyat icheek.

5Ak kong'alaalji anyun eng' nereegekyik,

ak konyaliil icheek eng' nereegekyik che ng'woneen, kole,

6“Kande laitoryandennyu `Zion

tulweennyu ne tiliil.”

7

2.7:
Poi 13.33; Heb 1.5; 5.5
Abartoi ng'atuutyetap Kamuktaindet.

Ki leenjo Kamuktaindet ne Toroor,

“Ii weeriinnyu;

kaasichin rani.

8Sooma, si agoonin pororyosyek koek poroteng'ung',

ak agoonin ole poochin ng'wony kobunjiin.

9

2.9:
Ng'a 2.26-27; 12.5; 19.15
Itue icheek `kirokto ne po karnet;

ak ituatui icheek ko uu rokyetap cheptereniot.”

10Nooto anyun, osich utaatyet, okweek laitorinik;

oneetkei, okweek kirwoogigap ng'wony.

11Oboisyechi Kamuktaindet ne Toroor eng' kaiyweisyet;

ak oboiboitu eng' potanet.

12Oming'inityigei weeriit si ma nereech,

ak olusye eng' ooreet,

amu imuuchi konereech miising' eng' chokyinet.

Iberuurotin icheek tugul che imang'u ineendet.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]