Revised Kalenjin Bible (KAPR)
113

Toreti Kamuktaindet che ma tinye kiy

1131Olasu Kamuktaindet ne Toroor!

Olasu, okweek che oboisyechini Kamuktaindet ne Toroor,

olasu kainetap Kamuktaindet ne Toroor.

2Iberuurot kainetap Kamuktaindet ne Toroor

kobooch nguno agoi koigeny.

3Kobooch ko kachor asiis agoi kororokto

nyolu kilas kainetap Kamuktaindet ne Toroor.

4Toroor Kamuktaindet ne Toroor eng' pororyosyek tugul,

ak toroor etunatennyi kosiir kipsengwet.

5Ng'oo ne kergei ak Kamuktaindet ne Toroor, Kamuktaindennyo?

Tebee inee ole toroor,

6keerei ng'wony

keerei kipsengwet ak ng'wony?

7Ing'eeti kibananiat komang'une temburyek,

ak koganabune kapng'atat che ma tinyei kiy,

8si kogoochi kotebi ak pounik,

agot pounigap piikyik.

9Igoochin ne soon koriip koot,

ak koek kamet ne paibai ne po lagok.

Olasu Kamuktaindet ne Toroor!

114

Kwang'utikap Kamuktaindet

1141

114.1:
Kom 12.51
Ye kingo manda Israel eng' Misiri,

kootap Jakobo eng' piik che ng'alaale kutit ne teer;

2koek Judah oldanyi ne tiliil,

ak koek Israel pounatennyi.

3

114.3:
Kom 14.21; Jos 3.16
Ki keer nyanjet ineendet ak ki mwei;

ki kiweekta Jordan kwo let.

4Ki toroombenso tuloonook ko uu mengichik,

ak ki toroombenso tuloonook che mengeechen ko uu aaregap keechiir.

5Amin nee, ee nyanjani kot imwei?

Amin nee, inyee Jordan kot iweeige let?

6Okweek tuloonook, kalya si otorombenote ko uu mengichik?

Ak okweek tuloonook che mengeechen kot otorombenote ko uu aaregap keechiir?

7Potan, inyee ng'wony eng' taitap Kiptaiyat,

eng' taitap Kamuktaindetap Jakobo,

8

114.8:
Kom 17.1-7; Kai 20.2-13
ne ki wal rwandet koek tamboiyot,

ak rwandet ne uui koek ole isururunee peek.

115

Ooindap Kamuktaindet

1151Amegoonech, ee Kamuktaindet ne Toroor, amegoonech telunateet, ago igoochi kaineng'ung',

amu rireeneng'ung' ak imandang'ung'.

2Amu nee si komwa pororyosyek kole,

“Mi ano Kamuktaindennywa nguno?”

3Miitei Kamuktaindennyo kipsengwet;

yaei ineendet kiy age tugul ne machei.

4

115.4-8:
T.Kal 135.15-18; Ng'a 9.20
Po fedha ak thahabu kanamonikwak,

poisyetap eunegap piik.

5Tinyei kutusweek, ago ma twegu;

tinyei koonyek, ago ma keertoi.

6Tinyei itiik, ago ma kastoi;

tinyei seruunek, ago ma ing'utoi.

7Tinyei eunek, ago ma namei kiy;

tinyei keelyek, ago ma pendoti;

ama ng'alaale mookwekwak.

8Kergeitu icheeget che kiyaei ak tuguuchooto;

uu nooto age tugul ne imang'u chooto.

9Ee Israel, imang'u inyee Kamuktaindet ne Toroor;

ineendet toretindennywa ak long'ennywa.

10Ee kootap Aron, omang'u okweek Kamuktaindet ne Toroor;

ineendet toretindennywa ak long'ennywa.

11Okweek che oiywei Kamuktaindet ne Toroor, omang'u Kamuktaindet ne Toroor,

ineendet toretindennywa ak long'ennywa.

12Kigobwaatech Kamuktaindet ne Toroor; iberuurech;

iberuuri kootap Israel,

iberuuri kootap Aron.

13

115.13:
Ng'a 11.18; 19.5
Iberuuri icheek che iywei Kamuktaindet ne Toroor,

che mengech ak che eech.

14Ingoyabak Kamuktaindet ne Toroor obaraitu,

okweek ak lagokwok.

15Oberuurotin eng' Kamuktaindet ne Toroor,

ne ki yai kipsengwet ak ng'wony.

16kipsengwet ko kipsengwet ne po Kamuktaindet ne Toroor.

ago ki igoochi ng'wony weeriigap piik.

17Ma ilasu Kamuktaindet ne Toroor che ki kobek,

anan age tugul ne choorchingei ye mi siisek.

18Ago kilasu acheek Kamuktaindet ne Toroor

kobooch nguno agoi koigeny.

Olasu Kamuktaindet ne Toroor!

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]