Revised Kalenjin Bible (KAPR)
128

Poiboiyetap Kap chii ne po iman

1281Paibai age tugul ne iywei Kamuktaindet ne Toroor,

ne wendote ortinwekyik.

2Amu iame poisyonigap euneguk;

ibaibaitu ak italbisi.

3Igeitu osotyondeng'ung' keetit ne yiei ne po sabibuk,

eng' koong'ung' oriit;

igeitu lagoguk keetiik che mengeechen che po mseituni

che yiemei meseng'ung'.

4Ogeero, kiberuuri ko uu nooto chiito

ne iywei Kamuktaindet ne Toroor.

5Iberuurin Kamuktaindet ne Toroor eng' Zion.

Ak igeere poroteetap Jerusalem peetuusyek tugul che po sabeeng'ung'.

6Ee, tuun igeere mochogoroniguk.

Ingotebee kaalyeet Israel!

129

Saaet agobo kiterteer puunik

1291“Kigonyaliila icheek konyil che chaang' kobooch ko aa ming'in”

Ingomwa Israel nguno kole,

2“Kigonyalila icheek konyil che chaang' kobooch ko aa ming'in,

ago ki ma iterteera.

3Ki ibat patennyu kabotik;

kigereer kererchosyek koeegitu.”

4Po iman Kamuktaindet ne Toroor;

kigong'eti poroonigap kiptengeginik.

5Ingolilanso ak koweekyigei let,

icheek tugul che wechei Zion.

6Ingoigei icheek susweek che mi kooriik parak,

che restos kotom koeegitu,

7che ma inyiiti eunnyi kesiindet,

ama yamei koue chooto eunek tuwai, ineendet ne ratei ratuutigap peek.

8Ama mwaei che siirtoi kole,

“Ingotebenok perurtap Kamuktaindet ne Toroor!

Kiberuurok eng' kainetap Kamuktaindet ne Toroor!”

130

Kagenisyet agobo Yetunet

1301Ki ariirchin eng' rirosyek, ee Kamuktaindet ne Toroor.

2Kiptaiyat, kas kutinnyu!

Ingoepchi iit iting'ung'

kutitap soomutikyuk.

3Ngot iit inyee Kamuktaindet ne Toroor, tengekwogik,

ko ng'oo ne imuuchi kotonon, ee Kiptaiyat?

4Ago miitei nyoetap kaat eng' inyee,

si kobiit kiywein.

5Ageni Kamuktaindet ne Toroor, igenisyei saboondanyu,

ak amang'u ng'olyoondennyi.

6Igeni saboondanyu Kiptaiyat,

kosiir riibiik che igeni egonet;

ee, kosiir riibiik che igeni egonet.

7Ee Israel, imang'u Kamuktaindet ne Toroor;

amu mi rireenet eng' Kamuktaindet ne Toroor,

ak mi katyaget ne siirei eng' ineendet.

8

130.8:
Mat 1.21; Tit 2.14
Ak kityaachi ineendet Israel

eng' tengekwogikyik tugul.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]