Revised Kalenjin Bible (KAPR)
15

Chorweetap Kamuktaindet ne Toroor

Tyendap kalasunet ne po Daudi

151Ee Kamuktaindet ne Toroor, ng'oo ne nyoljin kotebee koong'ung'?

Ng'oo ne tos meny tulweeng'ung' ne tiliil?

2Ineendet ne wendoti eng' lititindo

ak koyaei imanda,

ak komwaei imanit eng' muguleldanyi;

3ne ma itaami chii eng' ng'elyeptanyi,

ama yachin ne ya chorwennyi,

ama mwaitoe ne ya chiitap kokwennyi;

4ne sasei ineendet ne eesyoot,

ago konyiti icheek che iywei Kamuktaindet ne Toroor,

ne ma walei kayosyennyi matiny kanyoor nyalil;

5ne ma pesendoi fedhaisyekyik si kosige che siirtoot,

ama taachei tuguugap kagoigoisyet agobo ne ma tinyei tengek.

Ineendet ne yaei tuguuchuuto,

koma ki istoi agoi.

16

Saaet agobo riipseet

Tyendap Kalasunet ne po Daudi.

161Riibo, ee Kamuktaindet;

amu amang'un.

2Kaaleenji Kamuktaindet ne Toroor, “Ii Kiptaiyandennyu;

ma tinye myeein age kobatenen inyee.”

3Ago eng' che tiliileen che mi ng'wony, chooto ko che tagunoot,

che mi poiboiyennyu tugul eng' icheek.

4Icheeget che leweni kamuktain age ko tesoksei nyalilwogikwak;

ma tumdoi anee kagoochinoikwak che kieei che po korotiik,

anan amwa kainaikwak eng' kutinnyu.

5Kamuktaindet ne Toroor ko kebebertap porotennyu ak ne po kigombennyu;

iname parbaryandennyu.

6Kagokwaiywa komoswek che myachen;

ee, atinye poroteet ne myee.

7Alasu Kamuktaindet ne Toroor ne ki ing'omita;

ee, ineeta muguleldanyu agot kemoi.

8

16.8-11:
Poi 2.25-28
Kande Kamuktaindet ne Toroor tainnyu peetuusyek tugul;

amu mi ineendet eunnyu ne po tai, ma ki istaa.

9Paibai muguleldanyu amu nooto, ak kogasegei saboondanyu;

tebyei poortanyu agine eng' chametapkei.

10

16.10:
Poi 13.35
Memetoi saboondanyu eng' ye mi meet;

amechamjini kogeer neng'ung' ne tiliil nunet.

11Iboorwo ooreetap saboondo;

mi kagasetapkei taing'ung' ne nyiitaat,

mi eung'ung' ne po tai che kechamei agoi koigeny.

17

Saaetap chii ne po iman

Saaetap Daudi

171Kas imanda, ee Kamuktaindet ne Toroor, epchi iit riirekyuk;

ingogas iting'ung' saaennyu,

ne ma mang'une kutitap ng'aalseet.

2Ingomong' kirwoogennyu eng' ole imi;

ingogeer konyeguk tugul che nyolunotin.

3Ki ityem muguleldanyu; ki inyoonjo kemoi,

ki isyacha, ama inyoorcha kiy;

ki abekyi ale ma mwaei kutinnyu pistoet.

4Ago eng' poisyonigap piik,

ko ki ariipkei amu ng'olyoot ne punu kuting'ung',

si masup ortinwegap rebiik.

5Ki konamgei tyegutikyuk ak ortinweguk,

ama ichabaita keelyekyuk.

6Kaguurin, amu iwolwoo, ee Kamuktaindet;

epcha iit, kas ng'alaalennyu.

7Ibooru chamyeng'ung' ne tala ne kikwong'ee,

inyee ne isaru icheek che imang'un,

eng' puunikwak eng' eung'ung' ne po tai.

8Riibo ko uu laptetap konda,

ung'ena urwetap kebebaiguk,

9si ma twaa kiptengeginik che usa,

puunikyuk che koroomen che ki yiema.

10Kager icheeget mugulelwekwak agobo riirge;

ng'alaale menoteet kutusweekwak.

11Kagoalachech komoswek tugul;

kagochiiljech kong' si kowiirchech ng'wony.

12Kergei ineendet ak ng'etundo ne machei kochumji kiit ne amei,

uu neraneetap ng'etundo ne ribisi eng' komoswek che ung'ootiin.

13Ng'eet, ee Kamuktaindet ne Toroor, torookte, wiirchi ng'wony,

saru saboondanyu eng' kiptengekyot, eng' rotweng'ung' po chok.

14Ee Kamuktaindet ne Toroor, eng' eung'ung' isarwo eng' piik,

eng' piik che po ng'wony, che ting'ee kebebertanywa sabooni.

Che inyiiti `inyee mootinwekwak konoraiguk,

tinyei icheek lagok che yamei,

ak pagaakyin tuguukwak lagokwak.

15Ago ageere anee togeng'ung' eng' imanda;

abiyonyi itoondong'ung' ye ang'eete.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]