Revised Kalenjin Bible (KAPR)
27

Kamang'unet ne kimang'u Kamuktaindet ne Toroor eng' nyiganateet

Tyendap kalasunet ne po Daudi.

271Kamuktaindet ne Toroor ko lapkeiyennyu ak yetunennyu;

tos aiywei ng'oo?

Kamuktaindet ne Toroor ko kimnateetap saboondanyu;

aiywei ng'oo?

2Ye ki chea che yaei yaityo,

kole koam poortanyu,

puunikyuk ak usiikyuk,

ko ki kinach icheek ak ki ibutyo.

3Agot ngo yiema lugeet,

ko manyogoritu muguleldanyu;

ngo ng'eetya pooryeet,

atese tai kora anyiganitu.

4Ki amage kiit agenge Kamuktaindet ne Toroor,

nooto ne acheeng'e:

ale atebee kootap Kamuktaindet ne Toroor

peetuusyek tugul kotee asabe,

si ageer karaaranindap Kamuktaindet ne Toroor,

ak abwaati eng' hekalunnyi.

5Amu ung'ena koonnyi eng' peetuutap nyalilda;

ee, ung'ena emainnyi eng' ole ung'aat,

ak ko kanapchino rwandet parak.

6Ak koeeta nguno agee

puunikyuk che yiema.

Agoitoi koroseek che po kagasetapkei eng' emainnyi;

atyeni ak alasu Kamuktaindet ne Toroor.

7Kasa, ee Kamuktaindet ne Toroor, ye ariire,

rireena ak iwolwoo.

8Ye ki le muguleldanyu, “Ocheeng' togeennyu!”

Acheeng'e togeng'ung', ee Kamuktaindet ne Toroor.

9Ameung'ena togeng'ung'.

Ameiste kiboityondeng'ung' eng' nereegek;

inyee ne ki iegu toretindennyu.

Ameona, amemeta, ee Kamuktaindetap yetunennyu.

10Agot ngo ki kometa abba ak kamennyu,

konama Kamuktaindet ne Toroor.

11Ee Kamuktaindet ne Toroor, ineeta oreng'ung',

ak imutena ooreet ne litit,

amu puunikyuk.

12Amegocha mageetap puunikyuk;

amu kong'eetya paorinik che po lembech,

che mang'une kutusweekwak kolgolyet ko uu kabuuset.

13Kaayan ale ageere myeeindap Kamuktaindet ne Toroor,

eng' emetap piik che saptos.

14Igen Kamuktaindet ne Toroor!

Kimitu ak ingonyiganit muguleldang'ung'!

Ee, igen Kamuktaindet ne Toroor!

28

Saaet agobo toreteet

Tyendap Kalasunet ne po Daudi.

281Aguurin, ee Kamuktaindet ne Toroor!

Ameger itiiguk, rwandennyu, eng' komostanyu,

amu, ngot isiis eng' anee,

aige icheek che pendi keriinget.

2Kas soomutikyuk, ye ariirchinin,

ye anamjini parak eunekyuk

atokyini oldang'ung' ne tiliil.

3Amewiirta kobooto kiptengeginik,

anan kobooto che yaei yaityo;

che mwachingei kaalyeet ak piigap kokwet,

ago tinyei suryet eng' mugulelwekwak.

4

28.4:
Ng'a 22.12
Igoochi ko uu poisyonikwak,

ko uu ole tee yaetap yautikwak.

Igoochi ko uu poisyetap eunekwak;

yookyi che nyoljin.

5Amu ma mage kiy poisyonigap Kamuktaindet ne Toroor,

anan poisyetap eunekyik,

putei `Kamuktaindet ne Toroor icheek ama koteechei kogeny.

6Iberuurot Kamuktaindet ne Toroor,

amu ki kogaswa soomutikyuk.

7Kamuktaindet ne Toroor ko kimnateennyu ak long'ennyu;

imang'u muguleldanyu ineendet.

Kigetoreta ak igasegei muguleldanyu miising';

alasu ineendet eng' tyendanyu.

8Kamuktaindet ne Toroor ko kimnateetap piikyik;

ineendet irimeetap yetunetap nenyinet ne ki kiil.

9Saru piiguk, ak iberuur poroteng'ung';

pai icheek, ak imutate agoi koigeny.

29

Tweguunetap Kamuktaindet ne Toroor ye mi wasetapkei

Tyendap Kalasunet ne po Daudi.

291

29.1-2:
T.Kal 96.7-9
Ogoochi Kamuktaindet ne Toroor, ee okweek weeriigap che kiimeen,

ogoochi Kamuktaindet ne Toroor teegisto ak kimnateet.

2Ogoochi Kamuktaindet ne Toroor teegisto ne nyoljin kainennyi;

ogutung'ji Kamuktaindet ne Toroor eng' telunatetap tiliilindo.

3Miitei tweguunetap Kamuktaindet ne Toroor nyanjosyek;

tulei Kamuktaindetap teegisto,

nooto Kamuktaindet ne Toroor, ne mi paragutap peek che chaang'.

4Tinyei kimnateet tweguunetap Kamuktaindet ne Toroor;

nyiitaat `etunateet tweguunetap Kamuktaindet ne Toroor.

5Iriei `tweguunetap Kamuktaindet ne Toroor taragonik;

tonatoni `Kamuktaindet ne Toroor taragonik che po Lebanon.

6Igoochin `Kamuktaindet ne Toroor tuloonoogap Lebanon kotorombenso ko uu moita;

ak tulweetap Sirion, ko uu moitap soet.

7Petei tweguunetap Kamuktaindet ne Toroor laletap maat.

8Itumdumi tweguunetap Kamuktaindet ne Toroor surkwen;

itumdumi Kamuktaindet ne Toroor surkwen ne po Kadesh.

9Igoochin tweguunetap Kamuktaindet ne Toroor kenyelok koiiyo,

ak chorori keetiigap timiin;

ak mwaei age tugul ne mi hekalunnyi kole,

“Po Kamuktaindet ne Toroor Toroornatet!”

10Tebee Kamuktaindet ne Toroor maraneet ko uu laitoryat;

tebyei Kamuktaindet ne Toroor kolaitorani koigeny.

11Igoochin `Kamuktaindet ne Toroor piikyik kimnateet!

Ingoberuuri `Kamuktaindet ne Toroor piikyik eng' kaalyeet!

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]