Revised Kalenjin Bible (KAPR)
41

Ineendet ne ibwaati che nyerootiin

411Paibai miising' ineendet ne ibwaati che nyerootiin;

saru `Kamuktaindet ne Toroor ineendet eng' peetuutap nyalilda.

2Riibei `Kamuktaindet ne Toroor ineendet ak kogoochin kosap,

ak kobaibait eng' emet;

Ak amegoochi puunikyik koboi ineendet.

3Tiiei `Kamuktaindet ne Toroor ineendet ye myani eng' itogunnyi;

isoobi eng' myanwekyik tugul.

4Ki amwa ale, “Ee Kamuktaindet ne Toroor, rirenagei;

isoop saboondanyu, amu ki ayaun tengekto.”

5Mwaitaena puunikyuk yaityo koleen,

“Meei auyo, ak petei kainennyi au?”

6Ak ngo pwa kogeera, kong'alaali lembechek;

iyumi mugulelwekwak yaityo agobo anee,

ak ye kagomanda, komwaitaat.

7Chaamjingei ng'aleek agobo anee, tugul che wecho;

ibwaati icheek koyaak che yaach agobo anee.

8Mwaei koleen, “Ki konam kiy ne ya ineendet,

ak kagoru ama kong'eetei kogeny.”

9

41.9:
Mat 26.23; Mar 14.18; Luk 22.21; Jhn 13.18
Agot chorwennyu ne ki kichamdosi, ne ki amang'u, ne ki abae,

ko kagong'eetyo kole koyaiywo ne ya.

10Ago rireena, ee Kamuktaindet ne Toroor,

ing'eeta, si ayaakyi mugetuut.

11Kaanai eng' ni ale iboiboitunena,

amu ma orenena punyondennyu.

12Ak itia eng' kagesunatennyu pogei,

ak igoono atonon eng' taing'ung' koigeny.

13

41.13:
T.Kal 106.48
Ingitoroor Kamuktaindet ne Toroor, Kamuktaindetap Israel,

kobooch keny agoi koigeny. Amen, ak Amen.

42

BUKUITAP AENG'

(TYENWOGIGAP KALASUNET 42—72)

421Ko uu ye isyenyi teweretyot agobo kereruusyegap peek,

kosyenyi ko uu nooto saboondanyu agobo inyee, ee Kamuktaindet.

2Amei saboondanyu melelda agobo Kamuktaindet, Kamuktaindet ne sabei.

Auiyo ye anyoone tainnyi si ageer togeetap Kamuktaindet?

3Kaek peekyuk po kong' amitwogikyuk che po peet ak kemoi,

ye teebena icheek peetuut komugul koleen, “Mi ano Kamuktaindeng'ung'?”

4Abwaati tuguuchu,

ak ang'aanye saboondanyu eng' oriitinnyu,

ko uu ye ki kibe ak tuiyet,

ak andochi koba kootap Kamuktaindet,

eng' kutit ne po poiboiyet ak kalasunet,

kobooto tuiyet ne kiriibei peetuutap igoorto.

5Amu nee si ing'uruuge, ee saboondanyu?

Amu nee si iimge eng' anee?

Imang'u Kamuktaindet; amu ta alasu ineendet

amu yetunet ye mi ineendet kobooto.

6Ing'uruuksei saboondanyu eng' anee;

eng' nooto anyun abwaatin, ee Kamuktaindennyu,

eng' emetap Jordan ak eng' Hermon tugul,

ak tulweetap Mizar.

7Kuurei `rireet rireet age

eng' cheetap peeguk che isururtoi.

Ki komaluucha peeguk tugul che mildogei ak che somotitogei.

8Ng'atei Kamuktaindet ne Toroor pet chamyennyi ne tala,

ak mi kobooto tyendanyi kemoi,

nooto saaet eng' Kamuktaindetap saboondanyu.

9Aleenjini Kamuktaindet ne rwandennyu, “Amu nee si iutyeno?

Amu nee si awo ariiroti

amu kanyaliiletap puunyoot?”

10Ko uu ye toorei rotweet kawekyuk;

ko sasa puunikyuk,

ak koteebena kotugul kole, “Mi ano Kamuktaindeng'ung'?”

11Amu nee si ing'uruuge, ee saboondanyu?

Amu nee si iimige eng' anee?

Imang'u Kamuktaindet; amu ta alasu ineendet,

ineendet toretindennyu ak Kamuktaindennyu.

43

Saaetap Chii ye mi eng' riirek

431Ibesyeiwo ng'aleekyuk, ee Kamuktaindet,

ak itononwo eng' pororyet ne ma po iman;

sarwo eng' chiito ne ng'aalsei ak ne ma po iman.

2Ii Kamuktaindet nooto ne amwechini;

amu nee anyun si ibagaakta?

Amu nee si awo ariiroti

amu kanyaliiletap puunyoot?

3Iyookte lapkeiyeng'ung' ak imaning'ung';

ingondoiywa chooto;

ingomuta agoi tulweeng'ung' ne tiliil,

ak meng'otosyeguk.

4Awendi anyun kaptisisyetap Kamuktaindet,

ole mi Kamuktaindet ne poiboiyennyu ne siirtoot.

Alasun eng' ketubet, ee Kamuktaindet, Kamuktaindennyu.

5Amu nee si ing'uruuge, ee saboondanyu?

Amu nee si iimige eng' anee?

Imang'u Kamuktaindet; amu ta alasu ineendet,

ineendet toretindennyu ak Kamuktaindennyu.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]