Revised Kalenjin Bible (KAPR)
69

Soomet kochogune Kamuktaindet toreteet

691Sarwo, ee Kamuktaindet;

amu kagoityon peek che mache komaluucha kaatit.

2Karorokyi ng'atatyat ne oo, ama mi ole ketonone;

kaitu ye mi rireetap peek, ole katucha maranosyek.

3Koang'et eng' riirekyuk; kagoyaam moktanyu:

Kago imenitu konyekyuk ye ta ageni Kamuktaindennyu.

4

69.4:
T.Kal 35.19; Jhn 15.25
Chaang' kosiir suumeekyuk che wecho puch;

Kiimeen puunikyuk che mwaei lembech che machei kobara:

Ak ki agoite chooto che ki ma arebee chii.

5Ee Kamuktaindet, ingen inyee perberindanyu;

Ak ma ung'ootiin tengekwogikyuk eng' inyee.

6Ee Kiptaiyat Kamuktaindet ne Toroor ne po lugoosyek, amat kolilaanso che igenin amu anee:

Ee Kamuktaindet ne po Israel, amat koteweerogis agobo anee icheeget che cheeng'in.

7Amu ki aegu ne kirosyin agobo inyee:

Ki kotuch togeennyu kalilanet.

8Ki aegu too eng' che kitupche,

ak ki aegu kipsagarin eng' lagogap chebyoset ne kisicha.

9

69.9:
Jhn 2.17; Rom 15.3
Amu ki ama ng'etkondap koong'ung';

Ak ki kobwonjo rosyinetap icheeget che rosyinin.

10Ak ye ki ariire, aming'init saboondanyu eng' karugutetapkei,

ko kirosya icheek agobo nooto.

11Ye ki alaagoti kuniet,

aegu kalewenet eng' icheek.

12Ng'alaali agobo anee che tebyei eng' ormariich;

Ak ki aegu tyendap kibogitinik.

13Ago anee, asaain, ee Kamuktaindet ne Toroor, eng' peetuut ne chamaksei:

Ee Kamuktaindet, eng' chaang'indap rireeneng'ung',

Wolwo eng' imandap yetuneng'ung'.

14Sarwo eng' ng'atatyat, si ma lugua:

meto achilil eng' icheeget che wecho, ak eng' rireetap peek.

15Amengosuta mogoochek,

ak amengolugua rireet;

amengoger kutinnyi keriinget kota ami oriit.

16Wolwo Kamuktaindet ne Toroor, amu myee chamyeng'ung' ne tala:

Iweekyage ko uu chaang'indap rireenosyeguk.

17Ak ameung'e togeng'ung' kiboityondeng'ung';

Chokyi wolwo, amu ami tiritindo.

18Rikyi saboondanyu, ak ityaach:

Sarwo amu puunikyuk.

19Ingen rosyinet ne kirosyina, ak kalilanennyu, ak teweernatennyu:

Miitei taing'ung' puunikyuk tugul.

20Kogoiri muguleldanyu rosyinet; ak aa rumot:

Ak ki agen che tinyei rireenet, ago ki ma piit;

Ak che imuuchi kogaigai chii, ago ma anyooru.

21

69.21:
Mat 27.48; Mar 15.36; Luk 23.36; Jhn 19.28-29
Ki koono tuguuk che ng'woneen koek amitwogik;

Ak ye ki ama melel konaga siki aee.

22

69.22-23:
Rom 11.9-10
Ingoek mesteet meesennywa ne mi tainnywa;

Ak ingoek mesteet ye mi icheek eng' kaalyeet.

23Ingoimenitu konyekwak, si ma keer kiy;

Ak igoochi kobotanso suenutikwak kotugul.

24Rong'ji icheek nyitateng'ung',

Ak ingonam icheek koroomindap nereegeguk,

25

69.25:
Poi 1.20
Ingoguber ole menyei;

Amat komeny chii emaisyekwak.

26Amu usei icheek ineendet ne ki ibir;

Ak komwaoti agobo arageneetap icheek che ki iguoten.

27Tesyi tengekto age tengektonywa:

Ak amat kobwonji icheek imandang'ung'.

28

69.28:
Kom 32.32; Ng'a 3.5; 13.8; 17.8
Ingibukto icheek eng' bukuitap saboon,

Amat kesir kobooto che po imanda.

29Ago aa kibananiat ak atinye arageneet:

Ingotoroora yetuneng'ung', ee Kamuktaindet.

30Alasu kainetap Kamuktaindet eng' tyendo,

Ak amwae kongoi atoroori ineendet.

31Ak kobaibai nooto Kamuktaindet ne Toroor kosiir eito,

Anan kirgit ne tinyei kuinoik ak siyok.

32Kagogeer che talaen, ak kogaskei:

Ingosapcho mugulelwekwok, okweek che ocheeng'e Kamuktaindet.

33Amu kasei Kamuktaindet ne Toroor che ponondos,

Ak masasei kimonjororinikyik.

34Ingolas ineendet kipsengwet ak ng'wony,

Nyanjosyek, ak tuguuk tugul che pendote olooto.

35Amu saru Kamuktaindet Zion, ak koteech nganasoogap Judah;

Ak komeny icheek olooto, kobunji.

36Nyabani ak icheek kesweegap otwogikyik olooto,

ak komeny olooto icheek che chamei kainennyi.

70

Soometap toreteet

(T.Kal 40:13-17)

701Ee Kamuktaindet, sarwo;

chokyi toreto, ee Kamuktaindet ne Toroor.

2Ingolilanso ak koteweerogis

che cheeng'ei saboondanyu.

Ingoweektagei let ak koteweerogis

che poiboi amu ng'wanindanyu.

3Ingeweekta koba let amu teweernatennywa.

Che leen, Haa, Haa.

4Ingoboiboitu icheek tugul che cheeng'in,

ak kogaskei eng' inyee.

Ak ingomwa kotugul icheek che chamei yetuneng'ung',

Kole, Ingitoroor Kamuktaindet.

5Ago anee ko aa panan ak ma tinye kiy;

Chogu ole ami, ee Kamuktaindet:

Ii toretindennyu ak ko ii saruunindennyu;

Ee Kamuktaindet ne Toroor, amegagei.

71

Saaetap Chii ne oos

711Amang'un, ee Kamuktaindet ne Toroor,

amegoono alilan agoi.

2Sarwo eng' imandang'ung', ak ieta;

epcha iit ak isarwo.

3Egu eng' anee rwandet ne amenye, ole awendi kotugul:

Ki igoonu ng'atuutyet kosarwo;

Amu ii rwandennyu, ak ko ii irimennyu.

4Koono achilil, ee Kamuktaindennyu, eng' eutap kiptengekyot,

eng' eutap chiito ne ma po imanda, ak ne kolgol.

5Amu inyee ne ageniin, ee Kiptaiyat Kamuktaindet ne Toroor,

Ii kamang'unennyu kobooch ko aa ming'in.

6Ki atienengei kong'etee ko kagisicho;

Inyee ne ki imoong'wa eng' moetap iyoonyu ne kisicho.

Neng'ung' kalasunennyu kotugul.

7Auu kwang'utyet eng' che chaang';

ago inyee ko ii ole amwechini ne kiim.

8Nyiei kutinnyu kalasuneng'ung',

kobooto teegistang'ung' peetuut komugul.

9Amewiirta ye tuun kaaositu;

amebagaaktaa ye kagobet kimnateennyu.

10Amu ng'alaalena puunikyuk;

ak irwoochi icheek che sapchin saboondanyu,

11leen icheek, “Ki kobagaakta `Kamuktaindet ineendet;

oon ak onam ineendet;

amu ma mi ne saru.”

12Ee Kamuktaindet, amelooena:

Ee, Kamuktaindennyu, chogu toreto.

13Ingolilanso ak kobetyo che puunigap saboondanyu;

Ingotuch icheek rosyinet ak teweernateet che cheeng'ei koyaiywo ne ya.

14Ago amang'u kotugul,

Ak atese alasun kosiir.

15Mwaitoi kutinnyu imandang'ung',

Ak yetuneng'ung' peetuut komugul;

Amu mangen ole tee chooto.

16Anyoone kobooto poisyonik che kiimeen che po Kiptaiyat Kamuktaindet ne Toroor:

Amwae imandang'ung', ne neng'ung' inyegei.

17Ee Kamuktaindet, ki ineeta kobooch ko aa ming'in;

ak ki amwaite agoi nguno poisyoniguk che po kwong'eet.

18Ee, ye tuun kaaositu, asich kalwalek,

ko mebagaakta, ee Kamuktaindet;

agoi amwachi kimnateng'ung' ibinda ne nyoonei,

amwachi kamuktaeng'ung' age tugul ne piitu.

19Toroor agine imandang'ung' miising', ee Kamuktaindet;

Inyee ne ki iyai tuguuk che eecheen,

Ee Kamuktaindet, ng'oo ne ogerge?

20Inyee ne ki iboorwech nyalilwogik che chaang' che koroomen,

ta isoobech kogeny,

Ak tuun imoong'wech kemang'une oriit miising' ne po ng'wony.

21Tes etunatennyu,

Ak iweeige kogeny igaigaa.

22Alasun agane eng' kibugandet,

agobo imandang'ung', ee Kamuktaindennyu;

atyenun kalasunoik eng' ketubet,

ee Inyee ne Tiliil ne po Israel.

23Paibaitu kutinnyu miising' ye atyenun kalasunoik;

Ak paibaitu saboondanyu, ne ki ityaach inyee.

24Ng'alaali ng'elyeptanyu agobo imandang'ung' peetuut komugul:

Amu ililandos, ak koteweeroksei, icheek che cheeng'jino yaityet.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]