Revised Kalenjin Bible (KAPR)
81

Aiyebindap Kamuktaindet

811Otyenji Kamuktaindet eng' kutit ne oo, ineendet kimnateennyo;

otyenji Kamuktaindetap Jakobo eng' poiboiyet.

2Otyen tyendap kalasunet, ak obir sugutit ne ming'in,

ketubet ne tinyei cheet ne rurei, ak kibugandet.

3

81.3:
Kai 10.10
Oguut iryageet ko kaleel arawet,

ye kagoeet arawet, eng' peetuunnyo ne po igoorto ne oo.

4Amu ng'atuutyet niito eng' Israel,

kirwoogetap Kamuktaindetap Jakobo.

5Ki ng'at niito koek paornateet eng' Joseph,

ye kingo manda eng' emetap Misiri,

ole ki agase kutit ne ma anai.

6Ki aistoe tigikyennyi mileet:

ki kiistoe eunekyik kitongok.

7

81.7:
Kom 17.7; Kai 20.13
Ki iguurse eng' nyalilda, ak ki asaruun;

Ak ki awolun eng' ole ung'aat ne po tuleet;

Ki atyemin eng' ole mi peegap Meribah.

8Ogas, okweek piikyuk, si abaoryanwok:

Ee Israel, ndechame iepcha iit!

9

81.9:
Kom 20.2-3; NKNg'a 5.6-7
Amat kobiitunenen kanamwet ne too;

Anan igutung'ji kamuktain age tugul ne po pororyosyek alak.

10Aa Kamuktaindet ne Toroor Kamuktaindeng'ung',

Ne ki amutun itogosu eng' emetap Misiri:

Iseng'eng'e, si anyiit kuting'ung'.

11Ago ki ma epchi iit kutinnyu piikyuk;

Ak ki ma ko magena kiy Israel.

12Ki aunde anyun koba eng' uuindap mugulelwekwak,

Si kobendatee kirwoogutikwak.

13Pwo! Nda kiga epcha iit piikyuk,

Ee, nda kiga cham Israel kobendatee ortinwekyuk!

14Ta kasip aterteerchi puunikwak,

Ak aluukyi eunnyu usiikwak.

15Yaegei koek che kase iit icheeget che wechei Kamuktaindet ne Toroor:

Ago kata teptoi peetuusyekwak koigeny.

16Kata pae icheek nganuuk che neryootiin kosiir:

Ak kata abaenen kumyat ne punu rwandet kot ibiye.

82

Soomet agobo kirwoogetap imanda

821Tononi Kamuktaindet eng' tuiyet ne oo ne po kipsengwet;

irwoochi Kamuktaindet eng' kwenutap kamuktaik.

2Orwoochi kirwooget ne ma po iman kot kotyanit,

ak ogonyiti kiptengeginik?

3Orwooksechinechi ne panan ak ne ma tinyei sigiik:

Oyachi ne po iman che kinyaliili ak ponoonik.

4Osaru kibananiat ak ne ma tinyei kiy:

Osaru icheek eng' eunegap kiptengeginik.

5Ma ingen kiy, ama iguitos kiy;

Pendi komosi ak komosi eng' mesundeito:

Kibotanso lumeiywek tugul che po ng'wony.

6

82.6:
Jhn 10.34
Ki amwa ale, “Oo kamuktaik,

ak okweek tugul ko oo weeriigap Ineendet Ne Toroor Miising';

7nganda uu nooto, obegu ko uu piik,

ak obutosi ko uu age eng' pounik.”

8Ee Kamuktaindet, ng'eet, irwooksechi ng'wony:

Amu tuun egu pororyosyek tugul poroteng'ung'.

83

Soomet kirwookyi Puunigap Israel

831Ee Kamuktaindet, amesiis:

amesiis, amemuuny, ee Kamuktaindet.

2Amu, keero, poldos puuniguk,

ak kagoyot metowekwak icheeget che wechin.

3Kagotuiyogei si korwooch kirwooget ne ya agobo piiguk,

ak ko tetei ng'aalseet agobo cheguuk che ung'ootiin.

4Ki kole icheek, “Obwa, keng'eti si mata koek pororyet:

si ma kibwaati kainetap Israel kogeny.”

5Amu kigong'alaaljigei ak kogasyin;

Yaei icheek arorutyet si kogirinden:

6Emaisyegap Edom ak Ismaelik;

Moab, ak Hagarenik;

7Gebal, ak Ammon, ak Amelek;

Philistia, kobooto icheek che menyei Tyro:

8Kanamgei agine Assyria kobooto icheek;

Kogotoret lagogap Lot.

9

83.9:
Kirw 4.6-22; 7.1-23
Yachi icheek ko uu ye ki iyachi Midian;

Ko uu ye ki iyachi Sisera, ak Jabin, eng' aineet Kison:

10Che ki pekyi En-dor;

Ki ek ng'atateek che po ng'wony.

11

83.11:
Kirw 7.25; 8.12
Yachi piikwak che taagunotiin kogergeit ak Oreb ak Seeb;

Ee, yachi pounikwak tugul kogergeit ak Seba ak Salmuna:

12Che ki mwa kole, ongenam kobunjech

Meng'otosyegap Kamuktaindet.

13Ee Kamuktaindennyu, yai icheek koek temburyek che arureni;

Ko uu meteteek che ibei usoonet.

14Ko uu maat ne peelei timiin,

Ak ko uu liplibenet ne peelei tuloonook;

15Oon icheek anyun eng' kipchurchuryeng'ung',

Ak imu icheek eng' usooneng'ung' ne kiim.

16Inyiit teweernateet togoochikwak;

Si kobiit kocheeng' kaineng'ung', ee Kamuktaindet ne Toroor.

17Ingolilanso ak koiyweis koigeny;

Ee, ingoteweerogis ak kolusyo:

18Si kobiit konai kole inyeendet inyegei

ne kaineng'ung' ko Kamuktaindet ne Toroor,

Inyee ko ii Ne Toroor Miising' ne pou ng'wony komugul.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]