Revised Kalenjin Bible (KAPR)
86

Saaet agobo toreteet kegirinda Puunik

861Ing'uruuge kasa, ee Kamuktaindet ne Toroor, ak iwolwoo;

Amu aa kibanania ama tinye kiy.

2Riip saboondanyu; amu aa chii ne po iman:

Ee inyee Kamuktaindennyu, saru kiboityondeng'ung' ne imang'un.

3Rireena, ee Kiptaiyat;

Amu ariirchinin peet komugul.

4Ibaibai saboondap kiboityondeng'ung';

Amu atokyinin saboondanyu, ee Kiptaiyat.

5Amu ii myee inyee Kiptaiyat, ak ii choboot inyochi kaat,

Ak itinye chaang'indap rireenetapkei eng' icheek che kuurin.

6Kaswa saaennyu, ee Kamuktaindet ne Toroor;

Epchi iit kutitap soomutikyuk.

7Aguurin eng' peetuutap nyalildanyu;

Amu iwolwoo.

8Ma mi ne uu inyee eng' kamuktaik, ee Kiptaiyat;

Ama mi poisyonik alak che uu cheguuk.

9

86.9:
Ng'a 15.4
Tuun pwoonei pororyosyek tugul che ki iyae

Ak kogutung'so eng' taing'ung', ee Kiptaiyat;

Ak kotoroor icheek kaineng'ung'.

10Amu ii oo, ak iyae kwang'utik;

Ii Kamuktaindet inyegei.

11Ineeta oreng'ung', ee Kamuktaindet ne Toroor; si awendotee imandang'ung':

Ituiye muguleldanyu si koywei kaineng'ung'.

12Alasun, ee Kiptaiyat Kamuktaindennyu, eng' muguleldanyu komugul;

Ak atoroori kaineng'ung' koigeny.

13Amu oo rireeneng'ung' eng' anee;

Ak ki isaru saboondanyu eng' keriinget ne loo miising'.

14Ee Kamuktaindet, kagong'eetya menotik,

Kogocheeng' saboondanyu tuiyetap sogoranik,

Ak ma ibwaatin icheek.

15Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo,

Ne ma sip konereechi, ne tinyei chaang'indap rireenetapkei ak imanit.

16Weekyage, ak irireena;

Igoochi kimnateng'ung' kiboityondeng'ung',

Ak isaru weeriitap otwogindeng'ung' ne tye.

17Yaiywo kaboorunet ne po myeeindo:

Si kogeer che wecho ak kolilaanso,

Amu kaitoreta, inyee Kamuktaindet ne Toroor, ak kaigaigaa.

87

Nganaseetap Zion

871Mi lumeiywondennyi tuloonook che tiliileen.

2Chamei Kamuktaindet ne Toroor kurgotigap Zion

Kosiir meng'otosyek tugul che po Jakobo.

3Kimwaitaenen tuguugap teegisto,

Ee inyee nganaseetap Kamuktaindet.

4Amwae kainetap Rahab ak Babilon eng' icheek che ingeno:

Ogeer Philistia, ak Tyro, kobooto Kush;

Ki kisikyin chiichi olooto.

5Ee, kimwaei agobo Zion keele,

“Ki kisikyin olooto chiichi ak chiichoo;”

ak igimiti Ne Toroor Miising' ineendet.

6Tuun iiti Kamuktaindet ne Toroor ye sirei piik, kole

Ki kisikyin chiichi olooto.

7Mwaei icheek che tyeni ak icheeget che urerendos kole,

Miitei oldang'ung' kong'iikyuk tugul che po peek.

88

Saaet agobo Toreteet

881Ee Kamuktaindet ne Toroor, Kamuktaindetap yetunennyu,

Kaariir eng' taing'ung' peet ak kemoi:

2Ingonyo saaennyu oldang'ung';

Epchi iit riirekyuk:

3Amu nyiitaat nyalilwogik saboondanyu,

Ak kagoriikta saboondanyu ye mi meet.

4Kagiitita che choorchingei keriinget;

Auu chii ne ma tinyei toreto:

5Ki kiwiircha ye mi che ki kobek,

Ko uu che kigebar, che ruitos eng' kererit,

Che ma ibwaati inyee kogeny;

Ak kigeisto eng' eung'ung'.

6Kaindea keriinget ne loo miising',

Eng' oldinwegap mesundeito, eng' rirosyek.

7Irurunya nereegeguk,

Ak kainyalila eng' peeguk tugul che mildogei.

8Kaistoena che kingenge kolooegitu;

kaiyaa aek ne wegot eng' icheek.

Kigegera ak ma amuuchi among' saang'.

9Kagochuchuiso konyekyuk amu nyalilda:

Aguurin peetuut age tugul, ee Kamuktaindet ne Toroor,

Kaayogaun eunekyuk.

10Tos iboorchi kwang'utik piik che ki kobek?

Tos ng'eetyo che ki kobek si kolasun?

11Tos kiboortoi chamyeng'ung' ne tala eng' kererit?

Anan imandang'ung' eng' ye mi ng'emisyet?

12Tos naaksei kwang'utiguk eng' mesundeito?

Tos naaksei imandang'ung' eng' emet ne po piik che ki keutye?

13Ago ki ariirchin, ee Kamuktaindet ne Toroor,

Ak nyoonei saaennyu karon oldang'ung'.

14Kamuktaindet ne Toroor, amu nee si ioon saboondanyu?

Amu nee si iung'ena togeng'ung'?

15Ki kinyalila kobooch koa ming'in agoi ra, ak neegit ame:

Atoptobeni ye amuitoi agobo kamuisosyeguk.

16Katucha nereegeguk che laldos;

Kagowong'wa kamuisosyeguk.

17Ki pwa koyiema ko uu peek peetuut komugul;

Ki yiema komoswek tugul.

18Ki istoena chamaneet ak chorweet,

Ak miitei mesundeito icheek che ingeno.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]