Revised Kalenjin Bible (KAPR)
98

Ilasu Kirwoogindetap Ng'wony

981Ee, otyenji Kamuktaindet ne Toroor tyendo ne leel;

Amu ki koyai tuguuk che kikwong'ee:

Ki yachi yetunet ineendet eunnyi ne po tai, eunnyi ne tiliil.

2Kigobarta Kamuktaindet ne Toroor yetunennyi:

Kigong'aany imandanyi eng' taitap pororyosyek.

3Kigobwaat rireenennyi ak imandanyi eng' kootap Israel:

Ki kogeer tabanwek tugul che po ng'wony yetunetap Kamuktaindennyo.

4Otyenji Kamuktaindet ne Toroor eng' kutitap poiboiyet, ng'wony komugul:

Oong'et tyendo, ak otyen eng' poiboiyet, ee, otyen kalasunoik.

5Otyenji Kamuktaindet ne Toroor kalasunoik eng' ketubet;

Eng' ketubet, ak eng' kutitap kalasunet.

6Eng' igondisyek, ak cheetap iryageet

Otyen eng' kutitap poiboiyet eng' taitap laitoryat, Kamuktaindet ne Toroor.

7Ingomoror nyanjet, ak tuguuk che nyiitaat olooto;

Ng'wony, ak icheeget che menyei olooto;

8Ingoraprap eunekwak ainoosyek;

Ingotyenso tuloonook kibagenge eng' poiboiyet;

9Eng' taitap Kamuktaindet ne Toroor, amu nyoonei korwookyin ng'wony:

Tuun irwookyin ng'wony eng' imanda,

Ak korwookyi piik eng' iman.

99

Kamuktaindet ak Tiliilondonyi

991

99.1:
Kom 25.22
Laitorani Kamuktaindet ne Toroor; ingobotanso piik:

Tebee ineendet paragutap kerubik; ingobotan ng'wony.

2Oo Kamuktaindet ne Toroor eng' Zion;

Ak toroor ineendet kosiir piik tugul.

3Ingolas icheek kaineng'ung' ne oo ne imuisei.

Tiliil ineendet.

4Chamei kimnateetap laitoryat kirwooget;

Igimiiti imanda, Iyae kirwooget ak imanda eng' Jakobo.

5Otoroor Kamuktaindet ne Toroor, Kamuktaindennyo,

Ak ogutung'ji eng' ng'echereetap keelyekyik keel:

Tiliil ineendet.

6Musa ak Aron eng' tisiikyik,

Ak Samuel kobooto icheeget che kuurei kainennyi;

Ki kuur icheek Kamuktaindet ne Toroor ak ki wolji.

7

99.7:
Kom 33.9
Ki ng'alaalji icheek eng' toloitap pooldet:

Ki riip paornatosyekyik, ak kaneetisyet ne ki igoochi.

8Iwoljini icheek, ee Kamuktaindet ne Toroor, Kamuktaindennyo:

Ki Kamuktaindet ne ki inyochini kaat,

Agot nganda ki iyaakyi mugetuut agobo poisyonikwak.

9Otoroor Kamuktaindet ne Toroor, Kamuktaindennyo,

Ak ogutung'ji eng' tulweennyi ne tiliil;

Amu tiliil Kamuktaindet ne Toroor, Kamuktaindennyo.

100

Otyenji Kamuktaindet

1001Otyenji Kamuktaindet ne Toroor eng' kutitap poiboiyet, okweek emotinwek tugul.

2Oboisyechi Kamuktaindet ne Toroor eng' kagasetapkei;

obwa tainnyi otyenonu.

3Onai ole Kamuktaindet ne Toroor ko Kamuktaindet.

Ineendet ne kiyaech, ak ki chechiik;

ki piikyik, ak ki keechiiregap akweennyi.

4Oba kurgotikyik kobooto mwaetap kongoi,

ak obe seremusyekyik olasunoti.

Oweekyi kongoi ineendet, ak oberuur kainennyi.

5

100.5:
1A.Pet 16.34; 2A.Pet 5.13; 7.3; Ezr 3.11; T.Kal 106.1; 107.1; 118.1; 136.1; Jer 33.11
Amu myee Kamuktaindet ne Toroor;

tebyei rireenennyi koigeny,

ak imandanyi eng' ibinwek tugul.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]