Revised Kalenjin Bible (KAPR)
14

Aarwet ak piik eliphuusyek pogol ak artam ak ang'wan

141

14.1:
Ezk 9.4; Ng'a 7.3
Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak. 2Ak ki agas kutit kobun kipsengwet, ne uu cheetap peek che chaang', ak ko uu cheetap tuleet ne oo: ak cheonooto kigagas ko ki uu ne po putiik che putei ketubosyekwak: 3ak kotyeni tyendo ne leel eng' taitap ng'echereetap laitornatet, ak eng' taitap tyong'ik ang'wan che saptos ak poisyek. Ma mi chii ne imuuchi koneetkei tyenooto kobatee pichooto eliphuusyek pogol ak artam ak ang'wan, icheeget che ki kial eng' ng'wony. 4Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet. 5
14.5:
Zep 3.13
Ama ki nyoorchi kutusweekwak lembeita: ama tinyei tisya.

Malaikaisyek somok

6Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul; 7ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”

8

14.8:
Isa 21.9; Jer 51.8; Ng'a 18.2
Ak koosup malaikaiyat ne po aeng', ne leen, “Kagoluul, kagoluul Babilon ne oo, ne ki igoochi pororyosyek tugul koe divaik che po koroomnatetap soksennyi.”

9Ak koosup icheek malaikaiyat ne po somok, ne mwaei eng' kutit ne oo kole, “Ngot kolas chii age tugul tyondo ak kanamwennyi, ak konyoor perutyet eng' togeennyi, anan eng' eunnyi, 10

14.10:
Isa 51.17; Tau 19.24; Ezk 38.22
koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet: 11
14.11:
Isa 34.10
ak kotogostoi iyetap ng'wanindanywa koigeny ak koigeny; ama tinyei kamuung'et peet ak kemoi, icheek che ilasu tyondo ak kanamwennyi, ak age tugul ne nyooru perutyetap kainennyi.”

12Mi yu muitaetap piik che tiliileen, icheeget che riibei ng'atuutigap Kamuktaindet, ak kayaneetap Jeso.

13Ak ki agas kutit kobunu kipsengwet kole, “Sir ile: Poiboen icheek che pegu eng' Kiptaiyat kobooch nguno.” Mwaei Kabuuset ne Tiliil kole, “Ee, imuunyi icheek eng' poisyonikwak, amu isubi icheek `poisyonikwak.”

Kesisyetap ng'wony

14

14.14:
Dan 7.13
Ki ageer, ak ogeero, pooldet ne leel; ak kitebee poldanooto chiito ne uu weeriitap chii, kotinyei eng' metinnyi naaryeetap thahabu, ak ki mi eunnyi chepkeswet ne ng'atip. 15
14.15:
Joel 3.13
Ak ki mong' malaikaiyat age eng' Hekaluut, komwachin eng' kutit ne oo ineendet ne tebee pooldet, koleenjin, “Iyookte chepkesweng'ung' ak igesisye, amu kagoit saitap kesisyet; amu ki kosiirto kesetap ng'wony.” 16Ak ki wiirchi ng'wony chepkeswennyi ineendet ne ki tebee pooldet; ak ki kiges ng'wony. 17Ki mong' malaikaiyat age eng' Hekaluut ne mi kipsengwet, kotinyei agine chepkeswet ne ng'atip.

18Ak ki mong' malaikaiyat age eng' kaptisisyet, ineendet ne tinyei kimnateet ne poune maat; ak kiguur ineendet eng' kutit ne oo, ne tinyei chepkeswet ne ng'atip, koleenji, “Iyookte chepkesweng'ung' ne ng'atip, ak iyum sabibugap keetit ne po ng'wony; amu kagoruryo sabibukyik.” 19Ki wiirchi malaikaiyat chepkeswennyi ng'wony, ak kiyum sabibugap ng'wony, ak kowiirchi ole kitue sabibuk, kenut ne oo, ne po nereegegap Kamuktaindet. 20

14.20:
Isa 63.3; TyST 1.15; Ng'a 19.15
Ak ki kityech ole kitue sabibuk eng' nganaseet saang', ak komong' korotiik eng' ole kituisye, kot koit kariigap kutitap paraisisyek, ne itei olo po maelisyek pogol aeng'.

15

Malaikaisyek tisap ak korotwek che ibu age tugul

151Ak ki ageer kaboorunet age eng' kipsengwet, ne oo ak ko po kwong'eet, malaikaisyek tisap che tinyei korotwek tisap che po let, amu kigeesune chooto nereegegap Kamuktaindet.

2Ki aroo kiit ne uu nyanjetap klasit ne purugot ak maat; ak icheeget che ki koterter tyonyooto ak kanamwennyi, ak koitetap kainennyi, kotonondos eng' ye neegitee nyanjetap klasit, che tinyei ketubosyegap Kamuktaindet. 3

15.3:
Kom 15.1
Ak kotyeni icheek tyendap Musa otwogindetap Kamuktaindet, ak tyendap Aarwet, koleen,

“Eechen poisyoniguk ak ko po kwong'eet,

ee Kiptaiyat Kamuktaindet, Ne po Kamuktaet.

Po imanda ak ko po iman ortinweguk,

inyee Laitoryatap pororyosyek.

4

15.4:
Jer 10.7; T.Kal 86.9
Ng'oo ne ma iywei

ak kotoroori kaineng'ung', ee Kiptaiyat?

Amu ii tiliil inyegei.

Pwoonei pororyosyek tugul

ak kogutung'so eng' taing'ung',

amu kagong'ang'ak poisyoniguk che po imanda.”

5

15.5:
Kom 38.21
Ak kingo pata tuguuchu, ageer, ak ki kiyaat Hekaluut ne po emaitap paornateet eng' kipsengwet: 6ak ki mang'une hekalunooto malaikaisyek tisabu che tinyei korotwechooto tisap, kolaachi ngoroik che tiliileen, ak kolile piich, ak koratatagei pirenoigap thahabu eng' tegetikwak. 7Ak ki igoochi age eng' tyong'ik ang'wan che saptos malaikaisyek tisap taabook tisap che po thahabu che nyiitootiin nereegegap Kamuktaindet, ineendet ne sabei koigeny ak koigeny. 8
15.8:
Kom 40.34; 1Lai 8.10-11; 2A.Pet 5.13-14; Isa 6.4
Ak ki nyi Hekaluut iyeto ne ki punu toroornatetap Kamuktaindet, ak kamuktaennyi; ak ki ma imuuch chii kwo Hekaluut oriit, agoi kogeskei korotwek tisabu che po malaikaisyek tisap.

16

Taabook tisap che po nereegegap Kamuktaindet

161Ki agas kutit ne oo kobunu Hekaluut, koleenjin malaikaisyechooto tisap, “Oba, oroong'ji emet taabook tisap che po nereegegap Kamuktaindet.”

2

16.2:
Kom 9.10
Ara ki wo malaikaiyat ne po tai, koroong'ji emet taabeennyi; ak ki ek mook che yaach ak ko ng'woneen eng' piik che tinyei perutyetap tyondo, ak che ki saaei kanamwennyi.

3Kiroong'ji malaikaiyat ne po aeng' taabeennyi nyanjet; ak ki ek korotiik ko uu che po chii ne kagome; ak kime age tugul ne sabei, agot tugul che mi nyanjet.

4

16.4:
Kom 7.17-21; T.Kal 78.44
Kiroong'ji malaikaiyat ne po somok taabeennyi ainoosyek ak kondametusyegap peek; ak ki ek korotiik. 5Ak ki agas malaikaiyat ne po peek komwa kole,

“Ii po imanda, Inyee ne Tiliil, inyee ne imi ak ko ki imi,

amu ki irwooch ko uu nooto.

6Amu kitumda korotiigap piik che tiliileen ak che po maotik,

ak kaigoochi icheek korotiik koe;

amu nyoljin icheek ko uu nooto.”

7Ak ki agas kaptisisyet komwa kole,

“Uu nooto, ee, Kiptaiyat Kamuktaindet, Ne po Kamuktaet,

po iman ak ko po imanda kirwoogutiguk.”

8Ak ki roong'ji malaikaiyat ne po ang'wan taabeennyi asiista; ak ki kigoochi kobeel piik eng' maat. 9Ki kibeel piik eng' peelet ne oo; ak ki chup kainetap Kamuktaindet ne tinyei kimnateet koboi korotwechuuto; ak ma sik si kobiit kogoochi toroornatet.

10

16.10:
Kom 10.21
Kiroong'ji malaikaiyat ne po muut taabeennyi ng'echereetap tyondo; ak koimenit laitornatennyi; ak kinyei ng'elyebwekwak amu ng'wanindo, 11ak ki chup Kamuktaindet ne po kipsengwet amu ng'waninwekwak ak mookwak; ama sik eng' poisyonikwak.

12

16.12:
Isa 11.15
Ak kiroong'ji malaikaiyat ne po lo taabeennyi aineet ne oo, nooto ko Yufrets; ak ki teenyo peekyik, si kobiit kochobok ooreetap laitorinik che punu kong'asiis. 13Ak ki ageer tamirmirik che yaach somok che uu mororochik, komang'une kutitap maswetit, ak eng' kutitap tyondo, ak eng' kutitap maotyot ne po lembech: 14amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.

15

16.15:
Mat 24.43-44; Luk 12.39-40; Ng'a 3.3
“Ogeero, anyoone ko uu choriin. Paibai ineendet ne riipsei, ak koriibei ngoroikyik, si mawendot aach ngor, ak kegeer kalilanennyi.”

16

16.16:
2Lai 23.29; Zek 12.11
Ak koyum icheek eng' ole kiguure Har-Magedon eng' kutitap Yahudik.

17Ak kiroong'ji malaikaiyat ne po tisap taabeennyi soet; ak ki mong' kutit ne oo eng' Hekaluut, kobun ng'echereetap laitornatet, kole, “Kagosulda!” 18

16.18:
Ng'a 8.5; 11.13,19
Ak ki piit ilotik, ak kutusweek, ak tuloosyek; ak ki piit potanet ne oo ne po ng'wony, ne ki tomo kobiitu kobooch ngo piit piik eng' ng'wony, potanet ne oo, ne kiim kot. 19
16.19:
Isa 51.17
Ak kipcheak nganaseet ne oo koek kebeberwek somok, ak kilulyo nganasoogap pororyosyek: ak ki kibwaat Babilon ne oo eng' taitap Kamuktaindet, si kobiit kigoochi ineendet kigombet ne po divaigap koroomnatetap nereegekyik. 20
16.20:
Ng'a 6.14
Ak ki mwei emet age tugul ne ki ikween peek, amata kegeer tuloonook. 21
16.21:
Kom 9.23; Ng'a 11.19
Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]