Revised Kalenjin Bible (KAPR)
8

Ng'oksetap tisap ak kapkorosutap thahabu

81Ye kingo yaat ng'ookset ne po tisap, kosiis kipsengwet olo po kebebertap sait. 2Ak ki ageer malaikaisyek tisap che kitonondos eng' taitap Kamuktaindet; ak ki kigoochi iryagook tisap.

3

8.3:
Amo 9.1; Kom 30.1,3
Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet. 4Ki togosta iyetap nyamdutik che kibeelei kobooto saautigap piik che tiliileen, eng' taitap Kamuktaindet eng' eutap malaikaiyat. 5
8.5:
A.La 16.12; Ezk 10.2; Kom 19.16; Ng'a 11.19; 16.18
Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.

Iryagook tisap

6Ak kochopkei malaikaisyek tisabu che ki tinyei iryagook tisap si koguut.

7

8.7:
Kom 9.23-25; Ezk 38.22
Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.

8Ki kuut malaikaiyatap aeng', ak ki kiwiirchi nyanjet kiit ne uu tulweet ne oo kolalei; ak ki ek korotiik kebeberta agenge eng' somok ne po nyanjet. 9Kime kebeberta agenge eng' somok ne po tyong'ik che kisaptos che ki mi nyanjet, ak ki king'em kebeberta agenge eng' somok ne po melisyek.

10

8.10:
Isa 14.12
Ki kuut malaikaiyatap somok, ak kirorok kecheiyat ne oo eng' kipsengwet, kolalei ko uu tait, ak ki ibutyi kebeberta agenge eng' somok ne po ainoosyek, ak kondametusyegap peek. 11
8.11:
Jer 9.14
Ki kiguure kainetap kecheiyandanooto Ng'wanindo. Ak king'wanit kebeberta agenge eng' somok ne po peek, ak ki pek piik che chaang' eng' peechooto, amu kiga kiyai kong'woneegitu.

12

8.12:
Isa 13.10; Ezk 32.7; Joel 2.10,31; 3.15
Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

13Ak ki ageer kipsiichit kotirireni eng' kwenutap kipsengwet, ak agas koleen eng' kutit ne oo, “Pwo! Pwo! Pwo agobo icheek che menyei ng'wony, amu cheosyek alak che po iryagook che po malaikaisyek somok che ta koguutei!”

9

91Ki kuut malaikaiyatap muut, ak ki ageer kecheiyat kobunu kipsengwet kobutyi ng'wony. Ak ki kigoochi ineendet yaateiwot ne po keriinget ne ma igoksei. 2

9.2:
Tau 19.28
Kingo yaat keriingonooto; kotogosta iyeto komang'une yooto, ne uu iyeto ne po maat ne oo miising'. Ak ki imenit asiista ak soet amu iyetap keriingonooto. 3
9.3:
Kom 10.12-15
Ak ki mang'une chereng'enyinik iyeto kobwa ng'wony; ak ki kigoochi icheek kimnateet, ko uu ye tinyei kimnateet melmelwegap ng'wony. 4
9.4:
Ezk 9.4
Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak. 5Ki king'at icheek ko mat kobar pichooto, ago si kobiit konyaliil icheek arawek muut. Ki uu kanyalilennywa kanyaliiletap melmeldo, ye kauut chiito. 6
9.6:
Job 3.21; Jer 8.3
Ak tuun cheeng'ei piik meet eng' peetuusyechooto ago ma nyooru; ak machei kole kobek, ago mweei meet eng' icheek.

7

9.7:
Joel 2.4
Ki uu itoonwegap chereng'enyinichooto paraisisyek che chobootiin koba lugeet. Ak ki uu yo mi metowekwak kutonook che kergei ak thahabu, ak ki uu togoochikwak togoochigap piik. 8
9.8:
Joel 1.6
Ki tinyei suumeek che uu suumeegap kwonyiik ak ki uu kelekwak kelegap ng'etuunyik. 9
9.9:
Joel 2.5
Ak ki tinyei tuguuk che ki ilaakyi tegeet ko uu che po kariik; ak ki uu cheetap kebebaikwak cheetap chepkichutisyek, che po paraisisyek che chaang' che rwaei kobendi lugeet. 10Ak kotinyei katutaik ak katook che uu che po melmelwek, ak mi kimnateennywa katutaikwak ne inyaliile piik eng' arawek muut. 11Ki tinyei icheek laitoryat ne pou, nooto ko malaikaiyatap keriinget ne ma igoksei; ne kainennyi eng' kutitap Yahudik ko9:11 Yahudik ko: ko Ng'emisyet., ak eng' Yunanik ko Apollyon9:11 Apollyon: ko Ng'emindet..

12Kagosiirto nyalilda ne po tai; ak pwanei nyalilwogik alage aeng'u.

13

9.13:
Kom 30.1-3
Ki kuut malaikaiyatap lo, ak ki agas kutit ne mang'une kuinoigap kapkorosutap thahabu ne mi taitap Kamuktaindet, 14komwachin age malaikaiyandanooto po lo, ne ki tinyei iryageet, koleenji, “Ityach malaikaisyek ang'wan che ratotiin eng' aineet ne po Yufrets.” 15Ki kityaach anyun malaikaisyechooto ang'wan, che kiga kechop agobo sait ak peetuut ak arawet ak kenyiit, si kobar kebeberta agenge eng' somok ne po piik. 16Ak ki ek koitetap lugoosyek che po piik che ketei paraisisyek million pogol aeng'; ki agas koiitennywa. 17Ki ageer eng' ng'ang'utyet paraisisyek ak icheeget che ketei, kotinyei tuguuk che kilaakyin tegetik che uu maat ak che uu huakinto ak che uu koik che laldos. Ak ki uu metowegap paraisisyek metowegap ng'etuunyik, ak komang'une kutusweekwak maat ak iyeto ak koik che laldos. 18Ak ki kibare `korotwechooto somok kebeberta agenge eng' somok ne po piik, eng' maat, iyeto ak eng' koik che laldos che ki mang'une kutusweekwak. 19Amu mi kimnateetap paraisisyek kutusweekwak ak katutaikwak, amu kergei katutaikwak ak erenook, ak kotinyei metowek; ak konyalilsye tuguuchooto.

20

9.20:
T.Kal 115.4-7; 135.15-17; Dan 5.23
Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat. 21Ak ma sik eng' rumisyosyekwak, anan eng' panisyosyekwak, anan eng' soksennywa, anan eng' choorsosyekwak.

10

Malaikaiyat ak Bukuit ne ming'in

101Ak ki ageer malaikaiyat age ne kiim kochoorugei eng' kipsengwet, kolaachi pooldet; ak ki mi chepkuinobor paragutap metinnyi, ak ki uu togeennyi asiista, ak ki uu keelyekyik tolochigap maat; 2ak ki tinyei eng' eunnyi bukuit ne ming'in ne yaataat: ak ki inde keldanyi ne po tai nyanjet, ak ki inde ne po kaataam emet; 3ak kitwek eng' kutit ne oo, ko uu ye morori ng'etundo. Ak ye kingo kagotwek, kobolyo tuloosyek tisabu. 4Ak ye kingo kagobolyo tuloosyek tisabu, amach asir: ak ki agas kutit ne punu kipsengwet kole, “Ng'ooch tuguuk che kamwa tuloosyek tisabu, amesir.”

5

10.5-7:
Kom 20.11; NKNg'a 32.40; Dan 12.7; Amo 3.7
Ak ki namji parak eunnyi ne po tai kotokyi kipsengwet malaikaiyat ne ki ageer kotonone nyanjet ak emet, 6ak ki iyasyo eng' ineendet ne sabei koigeny ak koigeny, ne ki tau koyaei kipsengwet ak tuguuk che miitei olooto, ak ng'wony ak tuguuk che mi olooto, ak nyanjet ak tuguuk che mi oriit, kole ma komi kagaetapkei: 7ago eng' peetuusyegap kutitap malaikaiyatap tisap, ye tuun machei koguut, kogeskei ung'ootyetap Kamuktaindet ko uu Logoiywek che Myachen che ki mwachi otwogikyik maotik.

8

10.8-10:
Ezk 2.8-3.3
Ak tuugeet ne ki agas kobunu kipsengwet ko ki ng'alaalwo kogeny, koleen, “Ui nam bukuit ne yaataat eng' eutap malaikaiyat ne tononi eng' nyanjet ak eng' emet ne yamaat.” 9Awe anyun ole mi malaikaiyat, ak aleenji kogoono bukuinooto ming'in. Ak koleenjo, “Nam ak iam, si kogoochi kong'wanit moeng'ung', ago anyinyitu eng' kuting'ung' ko uu kuumyaat.”

10Ak ki anam bukuit ne ming'in eng' eutap malaikaiyat, ak aam; ak ki anyiny eng' kutinnyu ko uu kuumyaat, ak kingo kaam, kong'wanit moennyu. 11Ak komwaiwo, kole, “Kanyool imaoten agobo piik che chaang' ak pororyosyek ak kutusweek ak laitorinik.”

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]