Revised Kalenjin Bible (KAPR)
13

Konyitetap Kandoinatet

131Ingogas iit chii tugul pounatosyek che eecheen: amu ma mi pounooto, kobatee ne punu Kamuktaindet; ak ki indoi Kamuktaindet chooto miitei. 2Nooto anyun ineendet ne kirindoi pounateet, kobistoe ng'atuutyetap Kamuktaindet: ak icheek che pistoe kocheeng'jingei kirwooget. 3Amu ma po pounik kamuiset eng' poisyonik che myach, ago eng' che yaach. Ak tos meiywei pounateet? Yai ne myee, si inyooru kalasunet eng' nooto; 4amu ineendet ko kiboityotap Kamuktaindet eng' inyee, ne yaei ne myee. Ago ngiyai ne ya, iywei; amu ma ibooti rotwetap chok puch: amu ineendet ko kiboityotap Kamuktaindet, yaaktaindetap mugetuut agobo nereegek eng' ineendet ne yaei yaityo. 5Nooto anyun kanyool ogas iit, ma amu nereegek kityo, ago amu kabwaatet agine.

6

13.6-7:
Mat 22.21; Mar 12.17; Luk 20.25
Amu ng'olyoondoniito anyun ogoitoi aisuruut agine; amu icheeget ko kiboitinigap poisyetap Kamuktaindet, che igiiljingei kotugul kioto. 7Ogoochi tugul tuguuk che nyoljin: kodi eng' ineendet ne nyoljin kodi; aisuruut eng' ineendet ne nyoljin aisuruut; kaiyweisyet eng' ineendet ne nyoljin kaiyweisyet; teegisto eng' ineendet ne nyoljin teegisto.

Chamyet

8Amobesen chii kiy age tugul, ago ochamye: amu ineendet ne chamei chiitap kokwennyi ko kagoyai kosulda Ng'atuutyet. 9

13.9:
Kom 20.13-15,17; NKNg'a 5.17-19,21; A.La 19.18
Amu eng' mwaonooto kimwaei keele: Amoipkei; Amerumisye; Amechoorse; Amegase myat kiy ne po chii, ago ngo mi ng'atuutyet age, kiyumi tugul eng' ng'olyoondoni, keele, Cham chiitap kokweng'ung' ko uu ole ichamdoige. 10Ma yachin chamyet kiy ne ya chiitap kokwennyi: nooto anyun chamyet ko kasuldaetap Ng'atuutyet.

11Ak anyun, ongen peetuusyek, ole kagoit sait ne kanyool ogosu eng' rwondo: amu kagorikyech nguno yetunet kosiir ye kingi yan eng' tai. 12Neegit kosiirto kemout, kariik peetuut; nooto anyun ongireegu poisyonigap mesundeito, ak ongilaach kariigap lapkeiyet. 13Ongebendoti ko uu ye nyolu, ko uu peet; ma eng' waseetapkei anan pogitet, ma eng' sokseet anan mageet ne ya, ma eng' polateet ak ng'etkong'. 14Ago olach Kiptaiyat Jeso Kristo, amochopchi poorto poroindo, si oyai maguutikyik.

14

Metilji kirwook chii age

141

14.1-6:
Kol 2.16
Ago otaach ineendet ne nyalulat eng' kayaneet, ago ma si orwookyi kabwaatutikyik. 2Tinyei chiito age kayaneet koam tuguuk tugul: ago ineendet ne nyalulat koamei ingweek. 3Amat kosas ne amei ne ma amei; ak amat korwookyi ineendet ne ma amei, ineendet ne amei: amu kagotaach `Kamuktaindet ineendet. 4Ii ng'oo inyee ne irwookyini otwogindetap chiito age? Tononi anan kobuti eng' kiptaiyandennyi. Ee, kinamei kotonon; amu imuuchi Kiptaiyat konam ineendet kotonon.

5Iiti chiito age peetuut age kosiir peetuut age: iiti chiito age peetuut age tugul kogergeit. Ingonai komyee chii age tugul eng' ng'omnatennyi. 6Ineendet ne riibei peetuut, koriipchin Kiptaiyat: ak ineendet ne amisyei, koamisyei eng' Kiptaiyat, amu mwachin Kamuktaindet kongoi; ak ineendet ne ma amisyei, koma amisyei eng' Kiptaiyat, ak mwachin Kamuktaindet kongoi. 7Amu ma mi age eng' acheek ne sabei agobo kei, ama mi ne meei agobo kei. 8Amu ngesaptosi, kesaptosi eng' Kiptaiyat, ak ngebegu, kebegu eng' Kiptaiyat: nooto anyun, ngesaptosi anan ngebegu, kebo Kiptaiyat. 9Amu kime Kristo agobo niito, ak kisop, si koek Kiptaiyat ne po che ki kobek ak che saptos. 10

14.10:
2Kor 5.10
Ago inyee, ko amu nee si kirwookyi ne otupche? Anan kogeny, ko amu nee si iit ne otupche koek puch? Amu tuun kitonondosi acheek tugul eng' taitap ng'echereetap kirwooget ne po Kamuktaindet. 11
14.11:
Isa 45.23
Amu ki kisir keele,

“Ko uu ye asabe, Mwaei Kiptaiyat,

ko tuun kutung'jino kutundo age tugul,

ak kolas ng'elyepta age tugul Kamuktaindet.”

12Nooto anyun, tuun tetyin chii age tugul Kamuktaindet atebeennyi.

Amat konach chii tupchennyi

13Nooto anyun, amat kota kirwookyigei kogeny: ago kaigai orwooch ko uu ni keele amat konde chii kanagut ooreetap ne tupcho, anan kiy ne igoochin kobut. 14Angen, ak koanai komyee eng' Kiptaiyat Jeso, ale ma miitei kiy ne ng'wanitu ineegei: kobatee eng' ineendet ne iiti kiy kole ng'waan, kong'wanitu eng' ineendet. 15Amu ngo aragen ne otupche amu amitwogik, koma iwendoti eng' chamyet. Amebar ineendet eng' amitwogiguk ne ki mechi Kristo. 16Amat kemwaitae myeeindong'wong' yaityo: 17amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil. 18Amu ineendet ne otei Kristo eng' tuguuchuuto koboiboi Kamuktaindet, ak koyanjin piik.

19Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei. 20Amowechawech poisyetap Kamuktaindet eng' amitwogik. Tiliileen tuguuk tugul iman; ago ya eng' chiichooto amei eng' kanagut. 21Myee ngot koma ki am panyeek, anan kee maiyek, anan keyai kiy age tugul ne inachi ne otupche. 22Kayaneet ne itinye, itepte inyegei eng' taitap Kamuktaindet. Paibai ineendet ne ma tinyei ne irwookyinegei eng' kioto kagoyanjigei ineegei. 23Ago ineendet ne tinyei saget, ki kikyin ngot koam, amu ma amei eng' kayaneet; ak kiit age tugul ne ma po kayaneet ko tengek.

15

Ibaibai piik alak

151Nooto anyun kanyoljech acheek che ki kiimeen kegesen nyalulnatetap che ma kiimeen, ama kibaibaigei acheegei. 2Ingobaibai age tugul eng' acheek chiitap kokwennyi eng' nooto myee, si koteegak. 3

15.3:
T.Kal 69.9
Amu ki ma ibaibaigei Kristo ineegei; ago ko uu ye ki kisir keele, kogoityo agane churisyetap icheeget che kichurin. 4Amu tuguuk alak tugul che ki kisir keny ko ki kisir si kinetkei, si kenyooru kamang'unet eng' muitaet ak eng' kagaigaet ne po siruutik. 5Ingogoonok anyun Kamuktaindet ne po muitaet ak kagaigaet oegu che otinye kabwaatet agenge okweegei eng' okweegei ko uu ye machei Kristo Jeso: 6si kobiit otoroor Kamuktaindet ineendet Kwandap Kiptaiyandennyo Jeso Kristo eng' mageet agenge ak kutit agenge.

Logoiywek che myach eng' piik tugul

7Nooto anyun otaachkei, ko uu ye ki taachok Kristo agine, eng' toroornatetap Kamuktaindet. 8Amu amwae anyun ale ki keyai Kristo koek kiboityotap kamuratanet agobo imanitap Kamuktaindet, si kobiit kogimit arorutik che ki kigoochi kwanisyek, 9

15.9:
2Sam 22.50; T.Kal 18.49
ak si kotoroor Pororyosyek Kamuktaindet amu rireenennyi; ko uu ye ki kisir keele,

Nooto anyun alasun eng' kwenutap Pororyosyek,

Ak atyenji kaineng'ung'.

10
15.10:
NKNg'a 32.43
Ak ki mwa kogeny kole,

Oboiboitu okweek Pororyosyek, kobooto piikyik.

11
15.11:
T.Kal 117.1
Ak kogeny,

Olasu Kiptaiyat, okweek Pororyosyek tugul;

Ak ingolas piik tugul ineendet.

12
15.12:
Isa 11.10
Ak kogeny mwaei Isaiah kole,

Tuun piitu tigityotap Jesse,

Ak ineendet ne tuun ng'eetei koboi Pororyosyek;

Kotun imang'u ineendet Pororyosyek.

13Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

Poisyetap Paulo

14Ak kaanai aneendet agine agobo okweek, che kitupche, ale oo nyiitootiin eng' myeeindo, oo nyiitootiin eng' naet tugul, ak kogeny, omuuchi otigongei. 15Ago, asirwok agobo ng'aleek alak eng' nyiganateet ne siirei, ko uu ye abwaatwok kogeny, amu myeeindo ne ki koono Kamuktaindet, 16ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil. 17Nooto anyun atinye kalasunennyu pogei eng' Kristo Jeso eng' tuguuk che tokyingei Kamuktaindet. 18Amu ma kanye ang'alaal agobo tugun alak tugul kobatee chooto che ki koyai Kristo eng' anee, agobo kasetap iit ne po Pororyosyek, eng' ng'olyoot ak yaeet, 19eng' kamuget ne po kaboorunoik ak kwang'utik, eng' kamuktaetap Kabuuset ne Tiliil; nooto anyun, kong'etee Jerusalem, ak komoswekyik agoi Iluriko, ko ki aamdaate komyee logoiywek che myach che po Kristo; 20ee, ayae nooto koek kiit ne atoorchinigei ale aamda logoiywek che myach, ma eng' ole kigemwae kainetap Kristo, si ma teech eng' lumeiywotap chiito age; 21

15.21:
Isa 52.15
ago, ko uu ye ki kisir keele,

Keerei icheek, che ki ma pwanji logoiywekyik,

Ak tuun naei icheek che tomo kogas.

Mageetap kwo `Paulo Rome

22

15.22:
Rom 1.13
Kigeraanya anyun konyil che chaang' si ma nyonjok: 23ago ko uu ye ma atinye oldo age eng' komoswechu, ak ko uu ye atinye eng' kenyisyechu chaang' emosto ale Anyoonjok, 24eng' ui tugul ye tuun awendi Spania (amu amang'u ageerok eng' pandanyu, si oyomisa eng' pandanyu, si ye tuun ngo kagoyama atebeet ne kagitebi tugul ak okweek) - 25
15.25-26:
1Kor 16.1-4
ago nguno, awendi Jerusalem, awo aboisyechi piik che tiliileen. 26Amu ki cham miising' Makedonia ak Akaia kobasyi tugun piik che ponondos eng' kwenutap che tiliileen che mi Jerusalem. 27
15.27:
1Kor 9.11
Ee, kigocham icheek miising' ng'olyoondoniito; ak icheek ko pesenikwak. Amu ngo ki keyai Pororyosyek koek yamdoik che po tuguuk che po saboon, ko kanyool ak icheek koyaakta eng' poisyet ne poisyechin eng' tuguuk che po poorto. 28Ye kaagesu anyun niito, ak ang'okyi icheek logoechu, anyo abun oldang'wong' awendi Spania. 29Ak angen ale, ye Anyoonjok, anyoone eng' nyiietap kaberuretap Kristo.

30Asoomok miising' anyun che kitupche, eng' Kiptaiyandennyo Jeso Kristo, ak eng' chamyetap Kabuuset ne Tiliil, ale ogiilgei kobooto eng' saautikwok che osaae Kamuktaindet agobo anee; 31si kobiit kityaacha eng' icheek che ma kase iit eng' Judea, si koek poisyennyu ne atinye agobo Jerusalem ne taagaksei eng' che tiliileen; 32si amuuch Anyoonjok eng' poiboiyet eng' mageetap Kamuktaindet, ak anyooru kamuung'et kobootok. 33Ingotep Kamuktaindet ne po kaalyeet kobootok okweek tugul. Amen.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]