Revised Kalenjin Bible (KAPR)
2

Chii ne tinyei porowet ne kikwaise

21Ki ang'eet met ak ageer, ogeero, chiito ne tinyei eng' eunnyi porowet ne kikwaise. 2Yeityo ateebee aleenji, “Iwendi ano?” Ak ki leenjo, “Awendi akwai Jerusalem, si kobiit anai ole tee tebeesindanyi ak koindonyi.”

3Ki wo anyun malaikaiyandanooto ki ng'alaalwo, kwo kotuiyo ak malaikaiyat age ne kiganyonji ineendet, 4ak koleenji ineendet, “Labat, ng'alaalji murenonin ileenji: Ki menyei Jerusalem ko uu ye ki menyei nganasook che mengeechen che ma tinyei irimoik, amu chaang'indap piik ak tuuga che mi. 5Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

Soomut ne kisoomei luulenik

6Mwaei Kamuktaindet ne Toroor kole “Eiye, eiye! Omwei eng' emetap murot kaataam, amu ki aseerak ko uu usoonaik ang'wan che po kipsengwet. 7Ee mwechi Zion, sarugei inyee, ne omeng'iisyei ak cheptap Babilon.” 8Mwaei Kamuktaindet ne Toroor ne po lugoosyek ne kagoyookta ineendet agobo toroornatennyi, awo ye mi pororyosyek che kiluulok, kole “Ee iman, ineendet ne twook, ko katwa laptetap kondanyi. 9Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek. 10Mwaei Kamuktaindet ne Toroor kole “Tyen ak ibaibaitu, ee cheptap Zion; amu, keero, anyoone amenye kwenung'ung'. 11Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi. 12Ak konam Kamuktaindet ne Toroor Judah koek kebebertanyi eng' emet ne tiliil, ak kolewen kogeny Jerusalem.

13Osisye, okweek piik tugul eng' taitap Kamuktaindet ne Toroor; amu kagong'eet eng' meng'ootennyi ne tiliil.

3

Ng'ang'utyetap ang'wan: Joshua tisiindet ne oo ak Setani

31

3.1:
Ezr 5.2; Ng'a 12.10
Ak ki iboorwo `ineendet tisiindet ne oo nooto Joshua kotonone taitap malaikaiyatap Kamuktaindet ne Toroor, ak kotonone agine Setani komostap eunnyi ne po tai koek ne kirindoi. 2
3.2:
Jud 9
Ak ki leenji Kamuktaindet ne Toroor Setani, Ingogeerin kong' Kamuktaindet ne Toroor, ee Setani; ee, ingogerin kong' Kamuktaindet ne Toroor ne ki lewen Jerusalem: tos ma mecheita niito ne kaginemune ma?

3Ki ilaachi Joshua ngoroik che murwonen, ak ki tonon eng' taitap malaikaiyandanooto. 4Ak ki wol ineendet koleenji icheek che kitonone tainnyi, Oreegune ineendet ngoroikyik che murwonen. Ak ki mwachi ineendet koleenji, Keero, kaistoenen tengektong'ung', ak alaagun ngoroik che korooron. 5Ki ale anyun, Ingogerchine icheek ineendet metinnyi chepkulet ne tiliil. Ki ilaakyi anyun ineendet chepkulet ne tiliil, ak kolaakyi ngoroik; ak kitonone malaikaiyatap Kamuktaindet ne Toroor ole neegitee ineendet.

6Ak kibaoryanji `malaikaiyatap Kamuktaindet ne Toroor Joshua eng' kimnateet, koleenji, 7Mwaei Kamuktaindet ne Toroor ne po lugoosyek kole: Ngot iwendote ortinwekyuk, ak ngot iriip ng'atuutikyuk, irwooksechi anyun aginye koonnyu, ak iriip seremusyekyuk, ak ayaatun ole ibunoti eng' kwenutap chu tonondos eng' yuto. 8

3.8:
Jer 23.5; 33.15; Zek 6.12
Kas anyun nguno, ee Joshua tisiindet ne oo, inyee kobooto choronoguk che ibuuri eng' taing'ung'; amu kaboorunet pichooto: amu, keero, amutu otwogindennyu ne Temet. 9Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak. 10
3.10:
Mik 4.4
Mwaei Kamuktaindet ne Toroor ne po lugoosyek, kole tuun kuurei chii age tugul eng' okweek chiitap kokwennyi, eng' peetuunooto, konyo keel keetitap sabibuk, ak ne po mogoywet.

4

Ng'ang'utyetap muut: Keldap tait ak keetiigap emitik

41Ak ki nyo kogeny malaikaiyat ne ki ng'alaalwo, ak kong'eeta ko uu chiito ne king'eeti eng' rwondanyi. 2Ak ki leenjo, Igeere nee? Ak ki ale, Kaageer, ak keero, keldap tait ne po thahabu tugul, kotinyei taabeennyi eng' paragunnyi, kobooto taisyek tisap che po keloto po tait; ki tinyei tait age tugul kirondoik tisap che mi paragunnyi: 3

4.3:
Ng'a 11.4
ak kimi mseituni aeng'u ye neegitee tainooto, kimi age komostap tai ne po taabeet, komi age komostanyi ne po kaataam. 4Ak ki awolji malaikaiyat ne ki ng'alaalwo aleenji, Nee chu o kiptaiyandennyu? 5Kowol anyun malaikaiyat ne ki ng'alaalwo, koleenjo, Tos mengen kiit ne po tuguuchu? Ak ki ale, Achicha, kiptaiyandennyu, mangen.

6

4.6:
Ezr 5.2
Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek. 7Ii ng'oo, ee tulwooni oo? Iegu warenget eng' taitap Zerubabel: ak inemu koita ne po parak kowaaktos koleen, Myeeindo, myeeindo, ingotebee paragunnyi.”

8Ki nyoonjo kogeny ng'olyootap Kamuktaindet ne Toroor kole 9ki lumei Zerubabel lumeiywotap koi; ak ko eunekyik che igeesu kogeny; ak inai ile Kamuktaindet ne Toroor ne po lugoosyek ne ki iyookwo anyo ole omi. 10

4.10:
Ng'a 5.6
Amu ng'oo ne ki kosas peetuutap tuguuk che mengeechen? Amu tuun poiboitu icheek, ak kogeer kiit ne kilititisye eng' eutap Zerubabel.

Komwaiwa malaikaiyat kole, “Tuguuchu tisap ko konyegap Kamuktaindet ne Toroor; pendoti chooto eng' ng'wony komugul.” 11

4.11:
Ng'a 11.4
Ki ateebee anyun ineendet aleenji, “Nee emitichu aeng'u mi komostap tai ne po keldap tait ak komi komostanyi ne po kaataam?” 12Ak ki ateebee ne po aeng' aleenji ineendet, Po nee temenichu aeng'u che po mseituni, che mi ole neegitee kirondoik aeng' che po thahabu che rong'u mwanik? 13Ak ki wol koteebena kole mengen kiit ne po chuuto. Ak ki ale, Achicha, kiptaiyandennyu, mangen. 14Koleenjo anyun, Chuuto ko weeriik aeng' che po mwanik, che tonone ole neegitee Kiptaiyat ne po ng'wony komugul.

This website is brought to you by the Bible Society of Kenya. You consent to our privacy statement and Terms of Service if you continue to use our website.[hide message]